ಸಮುದ್ರದಾಳದಲ್ಲಿ ಪತ್ತೆಯಾದ 400 ವರ್ಷದ ಹಡಗಲ್ಲಿ ಭಾರತದ ಸಾಂಬಾರ ಪದಾರ್ಥ!
ಸುಮಾರು 400 ವರ್ಷಗಳಷ್ಟು ಹಳೆಯದಿದ್ದಿರಬಹುದು ಎಂದು ಅಂದಾಜಿಸಲಾದ ಪೋರ್ಚುಗಲ್ ಗೆ ಸೇರಿದ ಹಡಗಿನ ಅವಶೇಷವೊಂದು ಸಮುದ್ರದ ಆಳದಲ್ಲಿ ಪತ್ತೆಯಾಗಿದ್ದು, ಅದರಲ್ಲಿ ಸಾಂಬಾರ ಪದಾರ್ಥಗಳು ಪತ್ತೆಯಾಗಿ ಅಚ್ಚರಿ ಮೂಡಿಸಿವೆ.
ಪೋರ್ಚುಗಲ್ ನ ಲಿಸ್ಬಾನ್ ನ ಹೊರವಲಯದ ಕಡಲಿನ ಆಳದಲ್ಲಿ, ಸುಮಾರು 20 ಮೀ ಆಳದಲ್ಲಿ ಇದು ಪತ್ತೆಯಾಗಿದೆ.
ನಾಪತ್ತೆಯಾಗಿ 9 ವರ್ಷದ ಬಳಿಕ ಪ್ರತ್ಯಕ್ಷವಾಯ್ತು 'ದೆವ್ವದ ಹಡಗು'!
ವಸಾಹತು ಕಾಲದಲ್ಲಿ ಭಾರತದಿಂದ ಪೋರ್ಚುಗಲ್ ಗೆ ಸಾಂಬಾರ ಪದಾರ್ಥಗಳನ್ನು ಕೊಂಡೊಯ್ಯುತ್ತಿದ್ದ ಹಡಗು ಇದಾಗಿತ್ತು ಎನ್ನಲಾಗಿದೆ. ಸುಮಾರು 1575 ರಿಂದ 1625 ದ ನಡುವೆ ಪ್ರಯಾಣ ಬೆಳೆಸಿದ ಹಡಗು ಇದಾಗಿದ್ದಿರಬಹುದು ಎನ್ನಲಾಗಿದೆ. ಹಡಗು ಅಪಘಾತಕ್ಕೊಳಗಾಗಿ ಮುಳುಗಿದ್ದು, ಅದರ ಅವಶೇಷ ಮಾತ್ರವೇ ಪತ್ತೆಯಾಗಿದ್ದು ಪೂರ್ತಿ ಹಡಗಿನ ಬಗ್ಗೆ ಮಾಹಿತಿ ಲಭ್ಯವಾಗಿಲ್ಲ.
ಅಲೆಯ ಅಬ್ಬರಕ್ಕೆ ಸಿಕ್ಕರೂ ಬದುಕಿಬಂದ ಕಮಾಂಡರ್ ಅಭಿಲಾಶ್!
ಈ ಹಡಗಿನಲ್ಲಿ ಸಾಂಬಾರ ಪದಾರ್ಥಗಳು ಪತ್ತೆಯಾಗಿದ್ದು, 400 ವರ್ಷಗಳು ಕಳೆದರೂ ಇವು ಆ ಹಡಗಿನ ಅವಶೇಷದಲ್ಲೇ ಉಳಿದುಕೊಂಡಿದ್ದು ಅಚ್ಚರಿ ಮೂಡಿಸಿದೆ. ಈ ಕುರಿತು ಇನ್ನೂ ಹೆಚ್ಚಿನ ತನಿಖೆ ನಡೆಯಬೇಕಿದೆ.