ಅಲ್ಜೀರಿಯಾ ಮಿಲಿಟರಿ ವಿಮಾನ ಪತನ, 257 ಜನ ಬಲಿ

ಅಲ್ಜೆರ್ಸ್, ಏಪ್ರಿಲ್ 11: ಅಲ್ಜೀರಿಯಾದ ರಾಜಧಾನಿ ಅಲ್ಜೆರ್ಸ್ ಸಮೀಪದ ಬೌಫಾರಿಕ್ ವಾಯುನೆಲೆಯಲ್ಲಿ ಸಂಭವಿಸಿದ ಭೀಕರ ವಿಮಾನ ಅವಘಡದಲ್ಲಿ 257 ಜನರು ಸಾವನ್ನಪ್ಪಿದ್ದಾರೆ.

ಇಲ್ಯೂಷಿನ್ ಐಎಲ್-76 ವಿಮಾನ ಹೆಚ್ಚಿನ ಸಂಖ್ಯೆಯಲ್ಲಿ ಸೈನಿಕರನ್ನು ಹೊತ್ತೊಯ್ಯುತ್ತಿತ್ತು. ಈ ವಿಮಾನವು ಬೌಫಾರಿಕ್ ವಾಯುನೆಲೆಯಿಂದ ಟೇಕ್ ಆಫ್ ಕೆಲವೇ ಕ್ಷಣಗಳಲ್ಲಿ ಪತನವಾಗಿದೆ ಎಂದು ಅಲ್ಜೀರಿಯಾದ ಮಾಧ್ಯಮಗಳು ವರದಿ ಮಾಡಿವೆ.

ಪತನವಾದ ಜಾಗದಲ್ಲಿ ಭಾರೀ ಹೊಗೆ ಎದ್ದರುವ ಚಿತ್ರಗಳನ್ನು ಇಲ್ಲಿಯ ಸ್ಥಳೀಯ ಮಾಧ್ಯಮಗಳು ತೋರಿಸಿವೆ.

🔴#DIRECT 🔴 #Algérie
L'avion militaire était à destination de Béchar et s'est écrasé quelques minutes après son décollagehttps://t.co/Uxe6HUFi4X pic.twitter.com/LZpTKEDszH

— Algérie24 (@Alg24net) April 11, 2018

ವಿಮಾನ ಬೌಫಾರಿಕ್ ನಿಂದ ಪಶ್ಚಿಮ ಅಲ್ಜೀರಿಯಾದ ಬೆಕರ್ ನಗರದತ್ತ ಪ್ರಯಾಣ ಹೊರಟಿತ್ತು. ನಂತರ ಇದು ಅಪಘಾತಕ್ಕೆ ಗುರಿಯಾಗಿದೆ.

ಅಲ್ಜೀರಿಯಾದ ಇತಿಹಾಸದಲ್ಲಿ ಸಂಭವಿಸಿದ ಭೀಕರ ವಿಮಾನ ಅಪಘಾತ ಇದಾಗಿದೆ. ಈ ಹಿಂದೆ 2013ರಲ್ಲಿ ತಮನ್ರಸೆಟ್ ನಲ್ಲಿ ಸಂಭವಿಸಿದ ಅಪಘಾತದಲ್ಲಿ 102 ಜನರು ಸಾವನ್ನಪ್ಪಿದ್ದರು. ಆದರೆ ಈ ಅಪಘಾತಕ್ಕಿಂತ ದೊಡ್ಡ ಅವಘಡ ಸಂಭವಿಸಿದ್ದು 257 ಜನರು ಸಾವನ್ನಪ್ಪಿದ್ದಾರೆ.

English summary

At least 257 people have been killed after a military plane crashed near the Boufarik airbase outside the Algerian capital, Algiers, according to Algerian state television.