ನಮ್ಮ ದೇಶದಲ್ಲೂ ಕೊರೊನಾ ವೈರಸ್ ಇದೆ: ದೃಢಪಡಿಸಿದ 25 ರಾಷ್ಟ್ರಗಳು
ಬೆಂಗಳೂರು, ಫೆಬ್ರವರಿ 5: ವಿಶ್ವದ ಒಟ್ಟು 25 ದೇಶಗಳು ತಮ್ಮ ದೇಶದಲ್ಲಿ ಕೊರೊನಾ ವೈರಸ್ ಇದೆ ಎಂದು ದೃಢಪಡಿಸಿವೆ.
ಚೀನಾದಲ್ಲಿ ಇದುವರೆಗೆ 490 ಮಂದಿ ಈ ವೈರಸ್ನಿಂದ ಮೃತಪಟ್ಟಿದ್ದಾರೆ.ಹ್ಯೂಬೆ ಪ್ರದೇಶದಲ್ಲಿ 65 ಮಂದಿ ಸಾವನ್ನಪ್ಪಿದ್ದಾರೆ.
'ಕೊರೊನಾ ವೈರಸ್' ಇದೇ ಹೆಸರೇಕೆ ಬಂತು?
ವಿಶ್ವ ಆರೋಗ್ಯ ಸಂಸ್ಥೆಗೆ 25 ದೇಶಗಳು ವೈರಸ್ ಇರುವುದನ್ನು ದೃಢಪಡಿಸಿವೆ. ಈ ಎಲ್ಲಾ ದೇಶಗಳು ಚೀನಾದಿಂದ ಬರುವ ಹಾಗೂ ಚೀನಾಕ್ಕೆ ಹೋಗುವ ವಿಮಾನ ಹಾರಾಟವನ್ನು ಸ್ಥಗಿತಗೊಳಿಸಿವೆ.
ಕೊರೊನಾ ವೈರಸ್ ಸಿಂಗಾಪುರ, ಮಲೇಷ್ಯಾ, ಥೈಲೆಂಡ್ ನಲ್ಲೂ ಹರಡಿದೆ. ಜೆಜಿಯಾಂಗ್ ಪ್ರದೇಶದಲ್ಲಿ ಕೆಲವೇ ಕೆಲವು ಮಂದಿಗೆ ಮಾತ್ರ ತಮ್ಮ ಮನೆಗಳಿಂದ ಹೊರಗೆ ತೆರಳಲು ಅವಕಾಶ ಮಾಡಿಕೊಟ್ಟಿದ್ದಾರೆ.
ಶಾಂಗೈನಿಂದ 175 ಕಿ.ಮೀ ದೂರದಲ್ಲಿ 200 ಪ್ರಕರಣಗಳು ಪತ್ತೆಯಾಗಿವೆ. ಅದರಲ್ಲಿ ಓರ್ವ ಮೃತಪಟ್ಟಿದ್ದಾರೆ. ಜೆಜಿಯಾಂಗ್ನಲ್ಲಿ 829 ಪ್ರಕರಣಗಳು ದೃಢಪಟ್ಟಿವೆ. ವುಹಾನ್ ಹಾಗೂ ಹ್ಯೂಬೈನಲ್ಲಿ ಅತಿ ಹೆಚ್ಚು ಪ್ರಕರಣಗಳಿವೆ.
ಹಾಂಕ್ಕಾಂಗ್ನಲ್ಲಿ ಮಂಗಳವಾರ ಮೊದಲ ಪ್ರಕರಣ ದೃಢಪಟ್ಟಿದೆ. ವುಹಾನ್ನಲ್ಲಿ 1 ಸಾವಿರ ಮಂದಿಗೆ ಚಿಕಿತ್ಸೆ ನೀಡಬಲ್ಲ ಆಸ್ಪತ್ರೆಯನ್ನು ಕೇವಲ ಒಂದು ವಾರದಲ್ಲಿ ನಿರ್ಮಿಸಿದ್ದಾರೆ.