Click it and Unblock the Notifications
Just In
-
-
-
Don't Miss
-
'ಮಾರ್ಟಿನ್' ಚಿತ್ರದ ನಿರ್ಮಾಪಕ- ನಿರ್ದೇಶಕರ ಮಧ್ಯೆ ಕಿರಿಕ್: ಕೊನೆಗೂ ಸಿಕ್ತು ಸ್ಪಷ್ಟನೆ -
RCB vs KKR IPL 2024: ಕೆಕೆಆರ್ ವಿರುದ್ಧ ಆರ್ಸಿಬಿ ಹಸಿರು ಜೆರ್ಸಿಯಲ್ಲಿ ಕಣಕ್ಕೆ; ಅಂದೇ ಏಕೆ? -
ಮನೆಯಲ್ಲಿ ಸುಲಭವಾಗಿ ಬೀನ್ಸ್ ಬೆಳೆಯಬಹುದು..! ಹೇಗೆ ನೋಡಿ..! -
ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ! -
ಬಿಸಿಲ ಬೇಗೆಯಿಂದ ರಕ್ಷಿಸಿಕೊಳ್ಳಲು ಟ್ರಾಫಿಕ್ ಪೊಲೀಸರಿಗೆ ರಿಲಿಫ್: ಬಂತು ಹವಾನಿಯಂತ್ರಿತ ಎಸಿ ಹೆಲ್ಮೆಟ್! -
Samsung: ಸ್ಯಾಮ್ಸಂಗ್ನ ಈ ಸರಣಿ ಫೋನ್ಗಳಲ್ಲಿ ಗ್ರೀನ್ ಲೈನ್ ಸಮಸ್ಯೆ! ವರದಿ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬ್ಲಾಕ್ ಹೋಲ್ ವಿಸ್ಮಯ ಚಿತ್ರಕ್ಕೆ 3 ಮಿಲಿಯನ್ ಡಾಲರ್ ಪ್ರಶಸ್ತಿ!
ಬ್ರಹ್ಮಾಂಡದ ವಿಸ್ಮಯ ಎಂದೇ ಕರೆಸಿಕೊಳ್ಳುವ ಕಪ್ಪುರಂಧ್ರದ ಮೊದಲ ಚಿತ್ರವನ್ನು ಅನಾವರಣಗೊಳಿಸಿದ ಖಗೋಳಶಾಸ್ತ್ರಜ್ಞರ ತಂಡಕ್ಕೆ ವೈಜ್ಞಾನಿಕ ಸಂಶೋಧನೆಗೆ ನೀಡಲಾಗುವ "ದಿ ಬ್ರೇಕ್ ತ್ರೂ ಪ್ರಶಸ್ತಿ" ಲಭ್ಯವಾಗಿದೆ.
ಕಳೆದ ಏಪ್ರಿಲ್ ನಲ್ಲಿ ಈವೆಂಟ್ ಹಾರಿಜಾನ್ ಟೆಲಿಸ್ಕೋಪ್ ನ 347 ಜನರ ತಂಡ ಮೆಸ್ಸಿಯರ್ 87 ಗ್ಯಾಲಾಕ್ಸಿಯ ಮಧ್ಯ ಭಾಗದಲ್ಲಿರುವ ಕಪ್ಪು ರಂಧ್ರದ ಚಿತ್ರವನ್ನು ಅನಾವರಣಗೊಳಿಸಿತ್ತು. ಈ ಮೂಲಕ 18 ನೇ ಶತಮಾನದಿಂದಲೂ ಕುತೂಹಲದ ಕೇಂದ್ರಬಿಂದುವಾಗಿದ್ದ ಕಪ್ಪುರಂಧ್ರದ ಬಗೆಗೆ ಮತ್ತಷ್ಟು ಸಂಶೋಧನೆ ನಡೆಸಲು ವಿಜ್ಞಾನಿಗಳಿಗೆ ಸ್ಪೂರ್ತಿ ನೀಡಿತ್ತು.
ಈವೆಂಟ್ ಹಾರಿಜಾನ್ ಟೆಲಿಸ್ಕೋಪ್ ಮೂಲಕ ಈ ಚಿತ್ರವನ್ನು ತೆಗೆದ ಕಾರಣ ಈ ತಂಡಕ್ಕೆ 3 ಮಿಲಿಯನ್ ಡಾಲರ್ (21,49,36,500 ರೂ.) ನಗದು ಮೊತ್ತದ ಪ್ರಶಸ್ತಿಯನ್ನು ನೀಡಲಾಗಿದೆ.
ಖಗೋಳದ ಅಚ್ಚರಿಗಳಲ್ಲಿ ಅತ್ಯಂತ ಪ್ರಮುಖ ಎನ್ನಿಸಿರುವ ಕಪ್ಪು ರಂಧ್ರದ ಅಸ್ತಿತ್ವದ ಬಗ್ಗೆ ಈಗಾಗಲೇ ಸಾಕಷ್ಟು ಚರ್ಚೆಗಳು ನಡೆದಿವೆ. ಪ್ರಖ್ಯಾತ ವಿಜ್ಞಾನಿ ಸ್ಟಿಫನ್ ಹಾಕಿಂಗ್ಸ್ ಅವರೂ ಕಪ್ಪು ರಂಧ್ರ ಸಿದ್ಧಾಂತಕ್ಕೆ ಆಕ್ಷೇಪ ಎತ್ತಿದ್ದನ್ನು ಇಲ್ಲಿ ಉಲ್ಲೇಖಿಸಬಹುದು. ಬೃಹತ್ ನಕ್ಷತ್ರವೊಂದರ ಮರಣದಿಂದಾಗಿ ರೂಪುಗೊಂಡಿದೆ ಎನ್ನಲಾಗುವ ಕಪ್ಪುರಂಧ್ರ ಕಲ್ಪನೆಗೂ ಮೀರಿದ ಗುರುತ್ವ ಶಕ್ತಿ, ಮತ್ತು ಆ ಕಾರಣದಿಂದಲೇ ಗಾಢಾಂಧಕಾರವನ್ನೂ ಹೊಂದಿರುವ ವಿಸ್ತಾರ ಪ್ರದೇಶ. ಏಪ್ರಿಲ್ ತಿಂಗಳಿನಲ್ಲಿ ಸೆರೆ ಸಿಕ್ಕ ಈ ಕಪ್ಪುರಂಧ್ರಕ್ಕೆ ವಿಜ್ಞಾನಿಗಳು ಪೊವೇಹಿ ಎಂದು ನಾಮಕರಣ ಮಾಡಿದ್ದರು.
ಭೂಮಿಯ ಹಲವೆಡೆ ವೀಕ್ಷಣಾಲಯಗಳನ್ನು ನಿರ್ಮಿಸಿ, ಅದರ ಸಂಪರ್ಕಕ್ಕೆ ಸಿಗುವಂಥ ರೆಡಿಯೋ ಡಿಶ್ ಗಳನ್ನು ನಿರ್ಮಿಸಿ, ಆ ಮೂಲಕ ಬ್ಲಾಕ್ ಹೋಲ್ ಚಿತ್ರವನ್ನು ಪಡೆಯಲಾಗಿತ್ತು. ಇದುವರೆಗೆ ಕಲ್ಪನೆಗಷ್ಟೇ ಸಿಕ್ಕಿ, ಅದರ ಅಸ್ತಿತ್ವದ ಸಾಧ್ಯತೆಯ ಬಗ್ಗೆಯೇ ಅನುಮಾನ ಹುಟ್ಟಿಸಿದ್ದ ಕಪ್ಪು ರಂಧ್ರದ ಇರುವು ಸತ್ಯ ಎಂಬುದನ್ನು ಈ ಚಿತ್ರದ ಮೂಲಕ ತಂಡ ಸಾಬೀತುಪಡಿಸಿತ್ತು.
