• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಇಂಡೋನೇಷ್ಯಾವನ್ನು ಕಾಡಿರುವ ಅತಿ ಭಯಂಕರ 10 ಭೂಕಂಪಗಳ ಪಟ್ಟಿ

|

ಜಕಾರ್ತಾ, ಸೆಪ್ಟೆಂಬರ್ 28: ಇಂಡೋನೇಷ್ಯಾದಲ್ಲಿ ಇಂದು ಭಾರಿ ಭೂಕಂಪ ಮತ್ತು ಸುನಾಮಿ ಅಪ್ಪಳಿಸಿದೆ. ಕೆಲವು ತಿಂಗಳುಗಳ ಹಿಂದೆ ಸಹ ಇದೇ ಇಂಡೋನೇಶ್ಯಾದಲ್ಲಿ ಭೂಕಂಪದ ವರದಿ ಆಗಿತ್ತು. ಆದರೆ ಇಂದಾಗಿರುವುದು ಬಹಳ ದೊಡ್ಡ ಪ್ರಮಾಣದ ಭೂಕಂಪ.

ಇಂಡೋನೇಷ್ಯಾ ಹಲವು ಬಾರಿ ಭೂಕಂಪದಂತಹಾ ನೈಸರ್ಗಿಕ ವಿಕೋಪಗಳನ್ನು ಎದುರಿಸಿದೆ. ಪ್ರತಿ ಬಾರಿಯೂ ಪುಟಿದೆದ್ದಿದೆ ಆದರೆ ಪ್ರಕೃತಿಯ ಕೋಪ ಮಾತ್ರ ಆ ಪುಟ್ಟ ದ್ವೀಪ ದೇಶದ ಮೇಲೆ ಕಡಿಮೆ ಆಗುತ್ತಲೇ ಇಲ್ಲ.

ಇಂಡೋನೇಷ್ಯಾ ದ್ವೀಪಗಳ ರಾಷ್ಟ್ರ, ಹಲವು ದ್ವೀಪಗಳು ಒಟ್ಟಾಗಿ ದೇಶವಾಗಿದೆ. ಇಂಡೋನೇಷ್ಆ ಖ್ಯಾತವಾಗಿರುವುದೇ ಇಲ್ಲಿನ ಜ್ವಾಲಾಮುಖಿ ಹುದುಗಿಸಿಟ್ಟುಕೊಂಡಿರುವ ದ್ವೀಪಗಳಿಂದ.

ಇಲ್ಲಿ ಭೂಕಂಪ ಸ್ವಾಭಾವಿಕ. ಆಗಾಗ ಆಗುತ್ತಲೇ ಇರುತ್ತದೆ ಅದರಲ್ಲಿಯೂ ಸುಮಾತ್ರಾದಲ್ಲಿ ಅತಿ ಹೆಚ್ಚು ಭೂಕಂಪವಾಗುತ್ತದೆ. ಇಂಡೋನೇಷ್ಯಾದಲ್ಲಿ ಈವರೆಗೆ ಸಂಭವಿಸಿರುವ ಹಲವು ಭೂಕಂಪದಲ್ಲಿ ಅತಿ ದೊಡ್ಡ 10 ಭೂಕಂಪಗಳ ಪಟ್ಟಿ ಇಲ್ಲಿದೆ ನೋಡಿ.

ಇಂಡೋನೇಷ್ಯಾಕ್ಕೆ ಅಪ್ಪಳಿಸಿದ ಸುನಾಮಿ, ಕುಟುಂಬಗಳು ಕಣ್ಮರೆ, ಮನೆಗಳಿಗೆ ಹಾನಿ

1) 1995ರ ಕೆರಿಂಕಿ ಭೂಕಂಪ

ಸುಮಾತ್ರಾದ ದಕ್ಷಿಣ ಭಾಗದಲ್ಲಿ 1995ರ ಅಕ್ಟೋಬರ್ 7 ರಂದು ಸಂಭಿವಿಸಿತ್ತು ಭಾರಿ ಭೂಕಂಪ. ಭೂಕಂಪದಿಂದ ಅತಿ ಹೆಚ್ಚು ನಷ್ಟವಾಗಿದ್ದು ಕೆರಿಂಕಿ ಜಿಲ್ಲೆಗೆ ಹಾಗೂ ಅರ ರಾಜಧಾನಿ ಸೆಮುರುಪ್‌ಗೆ. ರಿಕ್ಟರ್‌ ಮಾಪನದಲ್ಲಿ 7 ಪ್ರಮಾಣದ ತೋರಿದ ಒಂದು ಹಾಗೂ 6ರ ಎರಡು ಭೂಕಂಪಗಳು ಒಂದರಹಿಂದೊಂದು ಅಪ್ಪಳಿಸಿತ್ತು. ಈ ಭೂಕಂಪದಲ್ಲಿ 73 ಜನ ಪ್ರಾಣ ಕಳೆದುಕೊಂಡಿದ್ದರು. 59 ಜನ ಅಂಗವಿಕಲರಾದರು. 190 ಜನ ಗಾಯಾಳುಗಳಾಗಿದ್ದರು.

2) ಮೆಂಟವಿ ಭೂಕಂಪ- 2010

ಎಂಟು ವರ್ಷಗಳ ಹಿಂದೆ ಅಕ್ಟೋಬರ್ 10ರಂದು ಇಂಡೋನೇಷ್ಯಾವನ್ನು ಭಾರಿ ಭೂಕಂಪ ಅಪ್ಪಳಿಸಿತ್ತು, 7.2 ತೀವ್ರತೆಯ ಈ ಭೂಕಂಪನದಿಂದ ಒಟ್ಟು 256 ಮಂದಿ ಪ್ರಾಣ ಕಳೆದುಕೊಂಡಿದ್ದರು. ಭೂಕಂಪನದಿಂದ ಆಗಿದ್ದ ನಷ್ಟ 1916 ಬಿಲಿಯನ್ ಡಾಲರ್‌.

3) ಬೆಂಕುಲು ಭೂಕಂಪ- 2000

2000 ದ ಜೂನ್‌ನಲ್ಲಿ ಬೆಂಕುಲು ಎಂಬಲ್ಲಿ ಸಂಭವಿಸಿದ 7.3 ತೀವ್ರತೆಯ ಈ ಭೂಕಂಪ ಭಾರಿ ಆಸ್ತಿ ಹಾನಿ ಉಂಟು ಮಾಡಿತ್ತು. ಈ ಭೂಕಂಪನದಿಂದ 15000 ಕ್ಕೂ ಹೆಚ್ಚು ಮನೆಗಳು ನೆಲಸಮವಾದವು. 12000 ಮನೆಗಳಿಗೆ ಹಾನಿಯಾಯಿತು. ಸಾವಿರಾರು ಶಾಲೆಗಳು, ಸರ್ಕಾರಿ ಕಟ್ಟಡಗಳು ನೆಲಸಮವಾದವು, 377 ಮಸೀದಿಗಳು ಧರೆಗುರುಳಿದವು.

ವಿಡಿಯೋ : ಇಂಡೋನೇಷ್ಯಾದಲ್ಲಿ ಭೂಕಂಪದ ನಂತರ ಸುನಾಮಿಯ ಅಟ್ಟಹಾಸ

4) ಬೆಂಕುಲು ಭೂಕಂಪ-2007

2007ರ ಸೆಪ್ಟೆಂಬರ್ 12ರಂದು ಮತ್ತೆ ಬೆಂಕುಲು ಎಂಬಲ್ಲಿಯೇ ಸಂಭವಿಸಿತ್ತು ಭೀಕರ ಭೂಕಂಪ. 7.9 ತೀವ್ರತೆಯ ಈ ಭೂಕಂಪದಿಂದ 35 ಮಂದಿ ಪ್ರಾಣ ಪಕ್ಷಿ ಹಾರಿಹೋಯಿತು. 200 ಮಂದಿ ಗಾಯಾಳುಗಳಾದರು. ಸಾವಿರಾರು ಕೋಟಿ ಆಸ್ತಿ ಹಾನಿಯಾಯಿತು. ಭೂಕಂಪದ ತೀವ್ರತೆ ದೃಷ್ಠಿಯಿಂದ ಇದು ಅತಿ ದೊಡ್ಡ ಭೂಕಂಪ.

5) ದಕ್ಷಿಣ ಸುಮಾತ್ರಾ- 2009

ದಕ್ಷಿಣ ಸುಮಾತ್ರಾದಲ್ಲಿ 2009ರ ಸೆಪ್ಟೆಂಬರ್ 30ರಂದು 7.9 ತೀವ್ರತೆಯ ಭಾರಿ ಭೂಕಂಪ ಸಂಭವಿಸಿತ್ತು. ಈ ಭೂಕಂಪದಲ್ಲಿ ಕನಿಷ್ಟ 1100 ಮಂದಿ ಪ್ರಾಣ ಕಳೆದುಕೊಂಡರು. 2500 ಕ್ಕೂ ಹೆಚ್ಚು ಜನ ಗಾಯಾಳುಗಳಾದರು. 65,380 ಮನೆಗಳು ನೆಲಕ್ಕುರುಳಿದವು, 75,000 ಕ್ಕೂ ಹೆಚ್ಚು ಮನೆಗಳಿಗೆ ಹಾನಿಯಾಯಿತು.

6) ಮೆಂಟವೈ ಭೂಕಂಪ- 2016

ಎರಡು ವರ್ಷದ ಹಿಂದೆ ಫೆಬ್ರವರಿ 3ರಂದು ಮೆಂಟವೈ ದ್ವೀಪದಲ್ಲಿ ಭಾರಿ ಭೂಕಂಪ ಸಂಭವಿಸಿತು. 8.3 ತೀವ್ರತೆಯ ಈ ಭೂಕಂಪ ಬಹಳ ಹೊತ್ತಿನವರೆಗೆ ಭೂಮಿಯನ್ನು ಅಲುಗಿಸಿತ್ತು. ಮಾಮೂಲಿನಂತೆ ಭಾರಿ ಆಸ್ತಿ ಪಾಸ್ತಿ ಹಾನಿ ಮಾಡಿತ್ತು. ತೀವ್ರತೆಯ ದೃಷ್ಟಿಯಿಂದ ಇದು ದೊಡ್ಡ ಭೂಕಂಪಗಳಲ್ಲಿ ಒಂದು.

7) ಉತ್ತರ ಸುಮಾತ್ರಾ ಭೂಕಂಪ-2005

2008 ರ ಮಾರ್ಚ್‌ನಲ್ಲಿ ಉತ್ತರ ಸುಮಾತ್ರಾದಲ್ಲಿ ಭಾರಿ ಭೂಕಂಪ ಸಂಭವಿಸಿತ್ತು. 8.6 ತೀವ್ರತೆಯ ಈ ಭೂಕಂಪದಲ್ಲಿ 450 ಕ್ಕೂ ಹೆಚ್ಚು ಜನ ಅಸುನೀಗಿದ್ದರು.

8) 1833ರ ದಕ್ಷಿಣ ಸುಮಾತ್ರಾ ಭೂಕಂಪ

1833 ರಲ್ಲಿ ದಕ್ಷಿಣ ಸುಮಾತ್ರಾ ಭಾರಿ ದೊಡ್ಡ ಭೂಕಂಪವನ್ನು ಕಂಡಿತ್ತು. 8.8 ತೀವ್ರತೆಯ ಒಂದು ಅದರ ಹಿಂದೆಯೇ 9.2 ತೀವ್ರತೆಯ ಎರಡು ಭೂಕಂಪನಗಳು ಒಂದರ ಹಿಂದೆ ಒಂದು ದಕ್ಷಿಣಾ ಸುಮಾತ್ರಾವನ್ನು ಅಪ್ಪಳಿಸಿತ್ತು. ಈ ಭೂಕಂಪ ಸುನಾಮಿಯನ್ನು ಸಹ ಸೃಷ್ಠಿಸಿತ್ತು. ಆಗ ಸತ್ತವರ ಸಂಖ್ಯೆ ಲೆಕ್ಕ ಸಹ ಸಿಗಲಿಲ್ಲ.

9) ಬೆಂಕುಲು ಭೂಕಂಪ 2012

2012ರ ಏಪ್ರಿಲ್‌ 11ರಂದು ಬೆಂಕುಲದಲ್ಲಿ ಸಂಭವಿಸಿದ ಭೂಕಂಪ ಈ ವರೆಗಿನ ಇಂಡೋನೇಷ್ಯಾದ ಅತಿ ಸುಧೀರ್ಘ ಭೂಕಂಪ. 8.9 ತೀವ್ರತೆಯ ಈ ಭೂಕಂಪ ಸತತವಾಗಿ 10 ನಿಮಿಷ ಭೂಮಿಯನ್ನು ನಡುಗಿಸಿತ್ತು. ಈ ಭೂಕಂಪನ ಪರಿಣಾಮ ಅಂಡಮಾನ್-ನಿಕೋಬಾರ್, ಭಾರತದ ಕೆಲವು ಭಾಗಗಳಿಗೂ ತಟ್ಟಿತು.

10) ವಿಶ್ವವನ್ನೆ ಬೆಚ್ಚಿ ಬೀಳಿಸಿದ್ದ 2004ರ ಭೂಕಂಪ

2004ರ ಡಿಸೆಂಬರ್ 26 ರಂದು ಸಂಭವಿಸಿದ್ದ ಭೂಕಂಪ ವಿಶ್ವವನ್ನೇ ಬೆಚ್ಚಬೀಳಿಸಿತ್ತು. ಅತಿ ಭಯಂಕರ ಸುನಾಮಿಯನ್ನು ಹುಟ್ಟಿಸಿದ್ದ ಈ 9.2 ತೀವ್ರತೆಯ ಭೂಕಂಪನದಿಂದ ಸಾವಿರಾರು ಜನ ಪ್ರಾಣ ಕಳೆದುಕೊಂಡಿದ್ದರು. ಲಕ್ಷಾಂತರ ಜನ ನಿರ್ಗತಿಕರಾಗಿದ್ದರು.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Here is the list of 10 disasters earthquakes which demolished Indonesia. 2004 earth quake was the most disastrous earthquake ever in the 20th century.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more