ಜನನಿಬಿಡ ರಸ್ತೆಯಲ್ಲಿ ಅತ್ಯಾಚಾರ, ವಿಡಿಯೋ ಮಾಡಿದರೇ ವಿನಾ ರಕ್ಷಿಸಲಿಲ್ಲ

ವಿಶಾಖಪಟ್ಟಣ, ಅಕ್ಟೋಬರ್ 23: ಹಗಲು ವೇಳೆಯಲ್ಲಿಯೇ ಮಹಿಳೆಯೊಬ್ಬರ ಮೇಲೆ ಅತ್ಯಾಚಾರ ಎಸಗಿದ ಘಟನೆ ಆಂಧ್ರದ ವಿಶಾಖಪಟ್ಟಣದಲ್ಲಿ ನಡೆದಿದೆ. ಇಪ್ಪತ್ತೊಂದು ವರ್ಷದ ಗಂಜಿ ಶಿವ ಎಂಬಾತ ಕುಡಿದ ಮತ್ತಿನಲ್ಲಿ ಅತ್ಯಾಚಾರ ಮಾಡಿದ್ದನ್ನು ಆಟೋ ಚಾಲಕನೊಬ್ಬ ಮೊಬೈಲ್ ನಲ್ಲಿ ಚಿತ್ರೀಕರಣ ಮಾಡಿದ್ದಾನೆ.

ಆರೋಪಿಯನ್ನು ಪೊಲೀಸರು ಬಂಧಿಸಿದ್ದಾರೆ. ವಿಶಾಖಪಟ್ಟಣದಲ್ಲೇ ಜನನಿಬಿಡ ಪ್ರದೇಶವಾದ ರೈಲ್ವೆ ಕಾಲೋನಿ ಬಳಿಯ ಪಾದಚಾರಿ ರಸ್ತೆಯಲ್ಲಿ ಮರದ ಪಕ್ಕ ಕುಳಿತಿದ್ದ ಮಹಿಳೆಯೊಬ್ಬರ ಮೇಲೆ ಅತ್ಯಾಚಾರ ನಡೆದಿದೆ. ವಿಡಿಯೋದಲ್ಲಿ ದಾಖಲಾಗಿರುವ ದೃಶ್ಯಾವಳಿ ಗಮನಿಸಿದರೆ, ಮಹಿಳೆ ಮೇಲೆ ದೌರ್ಜನ್ಯ ನಡೆಯುವಾಗ ಜನರು ತಮಷ್ಟಕ್ಕೆ ನಡೆದು ಹೋಗುತ್ತಿರುತ್ತಾರೆ ವಿನಾ ರಕ್ಷಿಸಲು ಯಾರೂ ಪ್ರಯತ್ನಿಸುವುದಿಲ್ಲ.

ಇನ್ನು ಸಾಮಾಜಿಕ ಕಾರ್ಯಕರ್ತರು ಘಟನೆ ಬಗ್ಗೆ ಆಕ್ರೋಶ ವ್ಯಕ್ತಪಡಿಸಿದ್ದು, ಆಟೋರಿಕ್ಷಾ ಚಾಲಕ ಘಟನೆಯನ್ನು ವಿಡಿಯೋ ಚಿತ್ರೀಕರಣ ಮಾಡಿಕೊಂಡು ಪೊಲೀಸರಿಗೆ ನೀಡುವ ಬದಲು ಮೊದಲಿಗೆ ಆ ಮಹಿಳೆಯನ್ನು ರಕ್ಷಿಸಲು ಪ್ರಯತ್ನಿಸಬೇಕಿತ್ತು ಎಂದು ಹೇಳಿದ್ದಾರೆ. ಒಟ್ಟಾರೆ ಭಾನುವಾರ ಮಧ್ಯಾಹ್ನ ನಡೆದ ಇಂಥ ಅಮಾನವೀಯ ಘಟನೆಗೆ ಭಾರೀ ಆಕ್ರೋಶ ವ್ಯಕ್ತವಾಗಿದೆ.

English summary

A woman is raped on a pavement in full public view but no one helps her, in a stomach-turning video that has emerged from Andhra Pradesh's Visakhapatnam. The 21-year-old rapist seen in the video, Ganji Siva, was allegedly drunk. He has been arrested.