• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಖಾಸಗಿ ಶಾಲೆ ಮಾಲೀಕರಿಗೆ ಪಾರ್ಸೆಲ್ ನಲ್ಲಿ ಗಿಫ್ಟ್ ಬಂದಿದ್ದು ಬಾಂಬ್

|

ರಾಜ್ ಕೋಟ್ (ಗುಜರಾತ್), ಅಕ್ಟೋಬರ್ 17: ಖಾಸಗಿ ಶಾಲೆಯ ಮಾಲೀಕರೊಬ್ಬರಿಗೆ ಬುಧವಾರ 'ಪಾರ್ಸೆಲ್ ಬಾಂಬ್' ಗಿಫ್ಟ್ ಬಾಕ್ಸ್ ನಲ್ಲಿ ಬಂದಿದೆ. ಅದನ್ನು ನಾಶಪಡಿಸಲಾಗಿದೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ. ಇದೀಗ ಆ ಪಾರ್ಸೆಲ್ ಕಳುಹಿಸಿದ ಅಪರಿಚಿತರ ಪತ್ತೆ ಕಾರ್ಯಕ್ಕೆ ತನಿಖೆ ಶುರುವಾಗಿದೆ.

ಜಿಲೆಟಿನ್ ಕಡ್ಡಿಗಳಿಂದ ಬಾಂಬ್ ಮಾಡಲಾಗಿದೆ. ಇದರ ಜತೆಗೆ ಡಿಟೊನೇಟರ್ ಸ್ವಿಚ್ ಇದ್ದು, ಅದನ್ನು ಗಿಫ್ಟ್ ಬಾಕ್ಸ್ ನಲ್ಲಿ ಇರಿಸಿದ್ದರು. ರಾಜ್ ಕೋಟ್ ನಿಂದ ಮುನ್ನೂರಾ ಇಪ್ಪತ್ತು ಕಿ.ಮೀ. ದೂರದಲ್ಲಿ ಶ್ರೀಕೃಷ್ಣ ಶಾಲೆ ನಡೆಸುವ ವಿಠ್ಠಲ್ ದೊಬಾರಿಯಾ ಹೆಸರಿಗೆ ಪಾರ್ಸೆಲ್ ಕೊರಿಯರ್ ನಲ್ಲಿ ಬಂದಿದೆ. ಬಾಕ್ಸ್ ನಲ್ಲಿರುವ ವಸ್ತುವಿನ ಬಗ್ಗೆ ಅನುಮಾನಗೊಂಡ ಅವರು, ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ.

ಚಿತ್ರ ನಿರ್ದೇಶಕ ಮಣಿರತ್ನಂ ಕಚೇರಿ, ನಿವಾಸಕ್ಕೆ ಬಾಂಬ್ ಬೆದರಿಕೆ

ಈ ಗಿಫ್ಟ್ ನೀಡಿದವನು ಕೊರಿಯರ್ ಬಾಯ್ ಅಲ್ಲ ಎಂಬ ಸಂದೇಹ ಇದೆ. ಏಕೆಂದರೆ ಕೊರಿಯರ್ ಕೊಡಬೇಕಾದರೆ ಅನುಸರಿಸಬೇಕಾದ ಯಾವ ನಿಯಮವನ್ನೂ ಪಾಲಿಸಿಲ್ಲ. ಆ ಗಿಫ್ಟ್ ಕಳಿಸಿದವರ ಹೆಸರು ಅದೇ ಶಾಲೆಯಲ್ಲಿ ಓದಿದ ಹಳೆಯ ವಿದ್ಯಾರ್ಥಿಯದಾಗಿದ್ದು, ಓದುವ ವೇಳೆ ನೀಡಿದ ಬೆಂಬಲಕ್ಕೆ ಧನ್ಯವಾದ ತಿಳಿಸಿ, ದೊಬಾರಿಯಾ ಹೆಸರಿಗೆ ಕಳುಹಿಸಿರುವುದಾಗಿದೆ.

ಪಾರ್ಸೆಲ್ ಕಳಿಸಿದ ವ್ಯಕ್ತಿ ಅಕ್ಟೋಬರ್ ಹದಿನಾಲ್ಕರಂದು ಬಾಕ್ಸ್ ತೆರೆಯುವಂತೆ ಮನವಿ ಮಾಡಿದ್ದಾನೆ. ಆದರೆ ದೊಬಾರಿಯಾ ಅದನ್ನು ಅದಾದ ಎರಡು ದಿನಕ್ಕೆ ತೆರೆದಿದ್ದಾರೆ. ಅದನ್ನು ಕಂಡು ಅನುಮಾನದಿಂದ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಬಾಂಬ್ ಮಾಡಲು ಬಳಸಿರುವ ವಸ್ತುಗಳು ಸಾಮಾನ್ಯವಾಗಿ ಸುರಂಗವನ್ನು ಸ್ಫೋಟಿಸಲು ಬಳಸುವಂಥದ್ದು ಎಂದು ಪೊಲೀಸರು ಹೇಳಿದ್ದಾರೆ.

ಮೋಜಿಗಾಗಿ ಹುಸಿ ಬಾಂಬ್ ಕರೆ ಮಾಡುತ್ತಿದ್ದವನ ಬಂಧನ

ಅದೃಷ್ಟ ಏನೆಂದರೆ, ಬಾಂಬ್ ಸ್ಫೋಟವಾಗಿಲ್ಲ. ಅದನ್ನು ಕಳುಹಿಸಿದ ವ್ಯಕ್ತಿ ಅನನುಭವಿ ಎಂಬುದು ಗೊತ್ತಾಗುತ್ತದೆ. ಆದರೆ ಆತನಿಗೆ ದೊಬಾರಿಯಾ ಗುರಿಯಾಗಿದ್ದರು. ಈ ಕೃತ್ಯದ ಹಿಂದೆ ಯಾರ ಕೈ ಇರಬಹುದು ಎಂಬ ಬಗ್ಗೆ ಅವರು ಅನುಮಾನ ವ್ಯಕ್ತಪಡಿಸಿಲ್ಲ. ಆದರೆ ಆರೋಪಿಗಳ ಪತ್ತೆಗೆ ನಾಲ್ಕು ತಂಡಗಳನ್ನು ರಚಿಸಲಾಗಿದೆ.

English summary
The owner of a private school in Rajkot received a 'parcel bomb' in a gift box, which was destroyed Wednesday morning, a senior police official said. Police are now looking for the unidentified sender.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more