ವಿಡಿಯೋ: ಗಣರಾಜ್ಯೋತ್ಸವ ಸಂಭ್ರಮ ಹೆಚ್ಚಿಸಿದ ITBP ಯೋಧರು
ಲೆಹ್, ಜನವರಿ 26: ವಿಶ್ವದ ಅತಿ ಹೆಚ್ಚು ಎತ್ತರದ ಗಡಿ ಪ್ರದೇಶ ಹಾಗೂ ಅತಿ ಶೀತ ಪ್ರದೇಶಗಳಲ್ಲಿ ಒಂದೆನಿಸಿರುವ ಲೆಹ್, ಲಡಾಕ್ ಪ್ರಾಂತ್ಯದಲ್ಲಿ ಇಂಡೊ ಟಿಬೆಟಿಯನ್ ಬಾರ್ಡರ್ ಪೊಲೀಸ್ ಪಡೆ(ITBP) ಗಣರಾಜ್ಯೋತ್ಸವ ಸಂಭ್ರಮಾಚರಣೆಯಲ್ಲಿ ತೊಡಗಿದ್ದು ಎಲ್ಲರ ಗಮನ ಸೆಳೆದಿದೆ.
ಕೊರೆಯುವ ಚಳಿ( ಮೈನಸ್ 30 ಡಿಗ್ರಿ)ಯಲ್ಲಿ ಹಿಮಾಲಯ ಶ್ರೇಣಿಯ ತಪ್ಪಲಲ್ಲಿ ಸಮುದ್ರ ಮಟ್ಟದಿಂದ ಸುಮಾರು18000 ಅಡಿಗಳ ಮೇಲೆ ರಾಷ್ಟ್ರಧ್ವಜ ಹಾರಿಸಿದ ಇಂಡೊ ಟಿಬೆಟಿಯನ್ ಬಾರ್ಡರ್ ಪೊಲೀಸ್ ಪಡೆಗೆ ದೇಶದಾದ್ಯಂತ ಮೆಚ್ಚುಗೆಗಳ ಮಹಾಪೂರ ಹರಿದು ಬರುತ್ತಿದೆ.
#WATCH Indo-Tibetan Border Police (ITBP) jawans marching with the national flag on a frozen water body in Ladakh on #RepublicDay
— ANI (@ANI) January 26, 2021
(Source: ITBP) pic.twitter.com/r2x8Iloq8C
ಐಟಿಬಿಪಿ ಪಡೆ ಜೈ ಹಿಂದ್, ಭಾರತ್ ಮಾತಾ ಕಿ ಜೈ, ವಂದೇ ಮಾತರಂ ಎಂದು ಜಯಘೋಶ ಮೊಳಗಿಸಿದ ವಿಡಿಯೋವನ್ನು ಎಎನ್ಐ ಹಂಚಿಕೊಂಡಿದೆ. ಹೆಪ್ಪುಗಟ್ಟಿದ ಜಲಾಗರಗಳ ಮೇಲೆ ಶಿಸ್ತಿನ ಹೆಜ್ಜೆ ಇಡುತ್ತಾ ಐಟಿಬಿಪಿ ಪಡೆ ಸಾಗುತ್ತಾ 72ನೇ ಗಣರಾಜ್ಯೋತ್ಸವ ಸಂಭ್ರಮಾಚರಣೆ ಮಾಡಿದೆ.
ಗಣರಾಜ್ಯೋತ್ಸವ ಅಂಗವಾಗಿ ಇಂಡೊ ಟಿಬೇಟಿಯನ್ ಗಡಿಯ ಪೊಲೀಸ್ ಪಡೆಯ 17 ಸಿಬ್ಬಂದಿಗೆ ವಿವಿಧ ವಿಭಾಗಗಳಲ್ಲಿ ವಿಶಿಷ್ಟ ಪೊಲೀಸ್ ಪದಕ ನೀಡಿ ಗೌರವಿಸಲಾಗಿದೆ.
#WATCH: Indo Tibetan Border Police (ITBP) jawans celebrate the 72nd #RepublicDay at a high-altitude Border Outpost in Ladakh.
— ANI (@ANI) January 26, 2021
(Source: ITBP) pic.twitter.com/Osgf8pfMAB
ಐಟಿಬಿಪಿ ತುಕಡಿಯೊಂದು ನೀರು ಹೆಪ್ಪುಗಟ್ಟುವ ಚಳಿಯ ವಾತಾವರಣದಲ್ಲೂ ಭಾರತದ ರಾಷ್ಟ್ರಧ್ವಜವನ್ನು ಹಾರಿಸಿದೆ, ಈ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಎಲ್ಲೆಡೆಯಿಂದ ಮೆಚ್ಚುಗೆಗಳು ಕೇಳಿ ಬಂದಿವೆ.
ಗಣರಾಜ್ಯೋತ್ಸವ ಅಂಗವಾಗಿ ಭಾರತೀಯ ಸೇನೆಯು ದೆಹಲಿಯ ರಾಜಪಥದಲ್ಲಿ ನಡೆದ ಪೆರೆಡ್ನಲ್ಲಿ ಕೂಡಾ ಐಟಿಬಿಪಿಯ ತುಕಡಿಯೊಂದು ಪಾಲ್ಗೊಂಡು ತನ್ನ ವೈವಿಧ್ಯತೆ, ಶಕ್ತಿ, ಶಿಸ್ತುಗಳ ಪ್ರದರ್ಶನ ಮಾಡಿದೆ.
72ನೇ ಗಣರಾಜ್ಯೋತ್ಸವ ಸಂಭ್ರಮ ವಿಶೇಷ ಪುಟ
ಗಡಿ ಕಾಯಲು 1962ರಲ್ಲಿ ಬಾರ್ಡರ್ ಪೊಲೀಸ್ ಪಡೆ ಸ್ಥಾಪಿಸಲಾಯಿತು. ಈ ಬಾರಿ ಇಬ್ಬರು ಅಧಿಕಾರಿಗಳಿಗೆ ಶೌರ್ಯ ಪ್ರಶಸ್ತಿ, ಮೂವರಿಗೆ ರಾಷ್ಟ್ರಪತಿಗಳ ವಿಶಿಷ್ಟ ಪದಕ ಹಾಗೂ 12 ಮಂದಿಗೆ ಪ್ರಶಂಸನೀಯ ಸೇವೆಗಾಗಿ ಪದಕ ನೀಡಿ ಗೌರವಿಸಲಾಗಿದೆ.