ಕಣ್ಣೀರುಕ್ಕಿಸುವ ವೈರಲ್ ವಿಡಿಯೋ: ಆರು ವರ್ಷದ ನಂತರ ತಾಯ್ನೆಲದ ಸ್ಪರ್ಶ
ಕಾಶ್ಮೀರ, ಡಿಸೆಂಬರ್ 19: ಕಳೆದ ಆರು ವರ್ಷಗಳಿಂದ ಪಾಕಿಸ್ತಾನದಲ್ಲಿ ಜೈಲುಶಿಕ್ಷೆ ಅನುಭವಿಸುತ್ತಿದ್ದ ಹಮಿದ್ ನಿಶಾಲ್ ಅನ್ಸಾರಿ ಎಂಬ ಇಂಜಿನಿಯರ್ ಮಂಗಳವಾರ ಸ್ವದೇಶಕ್ಕೆ ಮರಳಿದರು.
ಅಟ್ಟಾರಿ-ವಾಘಾ ಗಡಿಯಲ್ಲಿ ಭಾರತಕ್ಕೆ ಬಂದ ಅವರು ತಾಯಿ ನೆಲವನ್ನು ಸ್ಪರ್ಶಿಸುತ್ತಿದ್ದಂತೆಯೇ ನೆಲಕ್ಕೆ ನಮಸ್ಕರಿಸಿದರು. ನಂತರ ತಮ್ಮ ಕುಟುಂಬಸ್ಥರೊಬ್ಬರನ್ನು ತಬ್ಬಿಕೊಂಡು ಇಬ್ಬರೂ ಬಿಕ್ಕಿ ಬಿಕ್ಕಿ ಅಳುತ್ತಿದ್ದ ದೃಶ್ಯ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿತ್ತು.
#WATCH: Indian national Hamid Ansari crosses the Attari-Wagah border to reach India. He was lodged in a jail in Pakistan and was released today. pic.twitter.com/FYJAlAZGac
— ANI (@ANI) December 18, 2018
ಅನ್ಸಾರಿ ಅವರ ಬರುವಿಕೆಗೇ ಕಾಯುತ್ತ ವಾಘಾ ಬಾರ್ಡರ್ ನಲ್ಲಿ ನಿಂತಿದ್ದ ಅವರ ತಂದೆ-ತಾಯಿ ಕುಟುಂಬಸ್ಥರ ಮುಖದಲ್ಲಿ ಸಂಭ್ರಮ ಮನೆಮಾಡಿತ್ತು.
6 ವರ್ಷಗಳ ನಂತರ ಪಾಕ್ ಜೈಲಿಂದ ಬಿಡುಗಡೆಯಾದ ಮುಂಬೈ ಎಂಜಿನಿಯರ್
ಕಾನೂನು ಬಾಹಿರವಾಗಿ ದೇಶ ಪ್ರವೇಶ, ದೇಶವಿರೋಧಿ ಕೃತ್ಯಗಳಲ್ಲಿ ಭಾಗಿ, ದಾಖಲೆ ತಿದ್ದಿರುವ ಆರೋಪದಲ್ಲಿ ಅನ್ಸಾರಿ ಅವರನ್ನು ಜೈಲಿಗಟ್ಟಲಾಗಿತ್ತು. ಮುಂಬೈ ಮೂಲದ ಇಂಜಿನಿಯರ್ ಆಗಿದ್ದ ಅನ್ಸಾರಿ 2012 ರಲ್ಲಿ ಪಾಕಿಸ್ತಾನಕ್ಕೆ ತೆರಳಿದ್ದ ಸಂದರ್ಭದಲ್ಲಿ ಬಂಧನಕ್ಕೊಳಗಾಗಿದ್ದರು.
ಪಾಕ್ ಜೈಲಿನಲ್ಲಿ 36 ವರ್ಷ ಇದ್ದು ಬಂದು, ಮತ ಚಲಾಯಿಸಿದರು