ವೈರಲ್ ವಿಡೀಯೋ: ವಾಜಪೇಯಿ ಶ್ರದ್ಧಾಂಜಲಿ ಸಭೆಯಲ್ಲಿ ನಕ್ಕ ಬಿಜೆಪಿ ನಾಯಕರು!
Recommended Video
ರಾಯ್ಪುರ, ಆಗಸ್ಟ್ 24: ಮಾಜಿ ಪ್ರಧಾನಿ ಅಟಲ್ ಬಿಹಾರಿ ವಾಜಪೇಯಿ ಅವರ ಶ್ರದ್ಧಾಂಜಲಿ ಸಭೆಯಲ್ಲಿ ಬಿಜೆಪಿಯ ಇಬ್ಬರು ಪ್ರಭಾವಿ ನಾಯಕರು ಗಹಗಹಿಸಿ ನಗುತ್ತಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ಛತ್ತೀಸ್ ಗಢದ ರಾಯ್ಪುರಲ್ಲಿ ಆ.23 ರಂದು ನಡೆಯುತ್ತಿದ್ದ ವಾಜಪೇಯಿ ಶ್ರದ್ಧಾಂಜಲಿ ಸಭೆಯಲ್ಲಿ, ಛತ್ತೀಸ್ ಗಢದ ಕೃಷಿ ಸಚಿವ ಬೃಜ್ಮೋಹನ್ ಅಗರ್ವಾಲ್ ಮತ್ತು ಆರೋಗ್ಯ ಸಚಿವ ಅಜಯ್ ಚಂದ್ರಶೇಖರ್ ಅವರು ಹಾಸ್ಯ ಮಾಡಿಕೊಂಡು ನಗುತ್ತಿದ್ದರು.
A clip of former PM #AtalBihariVajpayee Ji’s “ प्रार्थना सभा”
— Priyanka Gandhi (@PriyankaJi_) August 22, 2018
Organised by Chhattisgarh Govt., just look the faces of Cabinet of BJP.
Shameless creatures 👎 pic.twitter.com/56pE6S2bSB
ಮಾಜಿ ಪ್ರಧಾನಿಯೊಬ್ಬರ ಶ್ರದ್ಧಾಂಜಲಿ ಸಭೆಯಲ್ಲಿ ಅವರದೇ ಪಕ್ಷದ ನಾಯಕರು, ಅದರಲ್ಲೂ ಜವಾಬ್ದಾರಿಯುತ ಸ್ಥಾನದಲ್ಲಿರುವ ಮಂತ್ರಿಗಳು ಹೀಗೆ ನಗುತ್ತಿರುವುದನ್ನು ಹಲವರು ಖಂಡಿಸಿದ್ದಾರೆ.
ರಾಜಕೀಯ ದಾಳವಾದ ವಾಜಪೇಯಿ ಚಿತಾಭಸ್ಮ! ಸಂಬಂಧಿಯಿಂದ ಆರೋಪ
ಬಹುದಿನಗಳಿಂದ ಅನಾರೋಗ್ಯದಿಂದ ಬಳಲುತ್ತಿದ್ದ ಮಾಜಿ ಪ್ರಧಾನಿ ಅಟಲ್ ಬಿಹಾರಿ ವಾಜಪೇಯಿ(93) ಅವರು ಆಗಸ್ಟ್ 16 ರಂದು ದೆಹಲಿಯ ಏಮ್ಸ್ ಆಸ್ಪತ್ರೆಯಲ್ಲಿ ಮೃತರಾದರು.
ಛತ್ತೀಸ್ ಗಢದ ಹೊಸ ರಾಜಧಾನಿಯ ಹೆಸರು ಅಟಲ್ ನಗರ!
ಅವರ ಮರಣಾನಂತರ ಅವರ ನೆನಪಿಗಾಗಿ ಛತ್ತೀಸ್ ಗಢ ರಾಜಧಾನಿ ನಯಾ ರಾಯ್ಪುರವನ್ನು ಅಟಲ್ ನಗರ ಎಂದು ಮರುನಾಮಕರಣ ಮಾಡಲು ಛತ್ತೀಸ್ ಗಢ ಸರ್ಕಾರ ನಿರ್ಧರಿಸಿತ್ತು. ಆದರೆ ಅಟಲ್ ಜೀ ಅವರಿಗೆ ಇಷ್ಟೆಲ್ಲ ಗೌರವ ನೀಡಲು ಹೊರಟ ಛತ್ತೀಸ್ ಗಢದ ನಾಯಕರೇ ಅವರ ಶ್ರದ್ಧಾಂಜಲಿ ಸಭೆಯಲ್ಲಿ ಹೀಗೆ, ಗಾಂಭೀರ್ಯ ಮರೆತು ನಕ್ಕಿದ್ದು ಸರಿಯೇ ಎಂಬುದು ಈಗಿರುವ ಪ್ರಶ್ನೆ!