Click it and Unblock the Notifications
Just In
-
-
-
Don't Miss
-
ದೊಡ್ಡ ಸಿಗ್ನಲ್ ಕೊಟ್ಟ ಫೋರ್ಡ್: ಭಾರತಕ್ಕೆ ಬರುತ್ತಿದೆ ಹೊಸ ಎಸ್ಯುವಿ... ಟಾಟಾಗೆ ಆತಂಕ ಶುರು -
Gold rate: ಇಂದಿನ ಚಿನ್ನದ ಬೆಲೆ, ಬೆಂಗಳೂರಿನಲ್ಲಿ ದರ ಎಷ್ಟಿದೆ ತಿಳಿಯಿರಿ -
ಹರ್ಷಿಕಾ ಪೂಣಚ್ಚ- ಭುವನ್ ಪೊನ್ನಣ್ಣ ಹಲ್ಲೆ; "ನಮ್ಮ ಬೆಂಗಳೂರಿನಲ್ಲಿ ನಾವು ಎಷ್ಟು ಸುರಕ್ಷಿತ?" ಎಂದ ನಟಿ -
ಜೈಪುರ ವ್ಯಾಕ್ಸ್ ಮ್ಯೂಸಿಯಂನಲ್ಲಿ ವಿರಾಟ್ ಕೊಹ್ಲಿ ಮೇಣದ ಪ್ರತಿಮೆ; ದಿಗ್ಗಜರ ಸಾಲಿಗೆ ಸೇರಿದ ಶ್ರೇಷ್ಠ ಬ್ಯಾಟರ್ -
ಇಂದು ಸ್ಯಾಮ್ಸಂಗ್ ಗ್ಯಾಲಕ್ಸಿ F15 5G ಫೋನ್ ಸೇಲ್!..ಬೆಲೆ ಎಷ್ಟು? -
ಹೊಟ್ಟೆಯೇ ಇಲ್ಲದೆ ಬದುಕಿದ್ದ ನತಾಶಾ ದಿಡ್ಡಿ ನಿಧನ...! ಈಕೆ ಯಾರು ಗೊತ್ತಾ? -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ISIS ಅಡಗುದಾಣಗಳ ಮೇಲೆ ಬಾಂಬ್: ಕೇರಳದ ಯುವಕರ ಸಾವು?
ಮೂಲಗಳ ಪ್ರಕಾರ, ಕೇರಳದಿಂದ ಇತ್ತೀಚೆಗೆ ಸುಮಾರು 21 ಯುವಕರು ನಾಪತ್ತೆಯಾಗಿದ್ದಾರೆ. ಈ ಎಲ್ಲಾ ಹುಡುಗರೂ ಐಎಸ್ ಐಎಸ್ ಉಗ್ರ ಸಂಘಟನೆಗೆ ಸೇರಿರುವ ಶಂಕೆಯಿದೆ.
ಜಲಾಲಾಬಾದ್, ಏಪ್ರಿಲ್ 14: ಆಫ್ಘಾನಿಸ್ತಾನ- ಪಾಕಿಸ್ತಾನ ಗಡಿ ಪ್ರದೇಶಗಳಲ್ಲಿನ ಐಎಸ್ಐಎಸ್ ಉಗ್ರರ ಅಡಗುದಾಣಗಳ ಮೇಲೆ ಗುರುವಾರ (ಏಪ್ರಿಲ್ 13) ರಾತ್ರಿ ಅಮೆರಿಕ ನಡೆಸಿದ ಭೀಕರ ಬಾಂಬ್ ದಾಳಿಯಲ್ಲಿ ಕೇರಳ ಮೂಲದ ಯುವಕರ ತಂಡವೊಂದು ಸಾವನ್ನಪ್ಪಿರಬಹುದೆಂದು ಶಂಕಿಸಲಾಗಿದೆ.
ಮೂಲಗಳ ಪ್ರಕಾರ, ಕೇರಳದಿಂದ ಇತ್ತೀಚಿನ ವರ್ಷಗಳಲ್ಲಿ ಸುಮಾರು 21 ಯುವಕರು ನಾಪತ್ತೆಯಾಗಿದ್ದಾರೆ. ಈ ಎಲ್ಲಾ ಹುಡುಗರೂ ಐಎಸ್ ಐಎಸ್ ಉಗ್ರ ಸಂಘಟನೆಗೆ ಸೇರಿರುವ ಶಂಕೆಯಿತ್ತು. ಆನಂತರ ಈ ನಂಬಿಕೆ ನಿಜ ಎಂದು ಗುಪ್ತಚರ ಇಲಾಖೆ ಹೇಳಿತ್ತು.[ಬಾಂಬ್ ಗಳ ಮಹಾತಾಯಿ ಅಂದರೆ ಏನು? ವಿವರಗಳು]
ಕೇರಳದ ಒಬ್ಬ ಮಹಿಳೆ ಸೇರಿ ಸುಮಾರು 21 ಯುವಕರು ಐಎಸ್ಐಎಸ್ ಉಗ್ರ ಸಂಘಟನೆಗೆ ಸೇರಿಕೊಂಡಿದ್ದರು. ಈಗ ಅಮೆರಿಕ ಬಾಂಬ್ ದಾಳಿ ನಡೆಸಿರುವ ನಗರ್ಹಾರ್ ಪ್ರದೇಶದಲ್ಲಿನ ಗುಹೆಗಳಲ್ಲೇ ಈ ಎಲ್ಲಾ ಕೇರಳಿಗರೂ ವಾಸ್ತವ್ಯ ಹೂಡಿದ್ದರು. ನೂರಾರು ಗುಹೆಗಳಿರುವ ಆ ಜಾಗದಲ್ಲಿನ ಒಂದು ಗುಹೆಯನ್ನು ಇವರಿಗೆ ಬಿಟ್ಟುಕೊಡಲಾಗಿತ್ತು. ಈ ಹಿನ್ನೆಲೆಯಲ್ಲಿ, ಇವರ ಸ್ಥಳವನ್ನು ಕೇರಳ ಹಳ್ಳಿಯೆಂದೇ ಐಎಸ್ಐಎಸ್ ಉಗ್ರರು ಗುರುತಿಸಿ ಆ ಹೆಸರಿನಿಂದಲೇ ಸಂಬೋಧಿಸುತ್ತಿದ್ದರು ಎಂದು ಹೇಳಲಾಗಿದೆ.
ಆದರೀಗ, ಅಮೆರಿಕವು ಈ ಪ್ರದೇಶಗಳಲ್ಲೇ ದಾಳಿ ನಡೆಸಿರುವುದರಿಂದ ಸಾಕಷ್ಟು ಉಗ್ರರು ಹತರಾಗಿರುವ ಸಂಭವವಿದ್ದು, ಇವರ ಜತೆ ಕೇರಳದ ಯುವಕರ ಗುಂಪೂ ಸಾವನ್ನಪ್ಪಿರಬಹುದು ಎಂದು ಅನುಮಾನಿಸಲಾಗಿದೆ. ಆದರೆ, ಈ ಬಗ್ಗೆ ಅಮೆರಿಕ ಆಗಲೀ, ಆಫ್ಘಾನಿಸ್ತಾನ ಸರ್ಕಾರವಾಗಲೀ ಅಥವಾ ಗುಪ್ತಚರ ಇಲಾಖೆಯಾಗಲೀ ಅಧಿಕೃತ ಮಾಹಿತಿ ನೀಡಿಲ್ಲ.
ಅತ್ತ, ಬಾಂಬ್ ದಾಳಿಯಲ್ಲಿ ಮೃತರಾಗಿರುವ ಐಎಸ್ಐಎಸ್ ಉಗ್ರರ ಬಗ್ಗೆ ಮಾಹಿತಿ ನೀಡಿರುವ ಆಫ್ಘಾನಿಸ್ತಾನ ಸರ್ಕಾರ, ದಾಳಿಯಲ್ಲಿ ಸುಮಾರು 36 ಉಗ್ರರು ಮೃತಪಟ್ಟಿದ್ದಾರೆಂದು ತಿಳಿಸಿದೆ. ಉಗ್ರರ ದಾಳಿಗೆ ಕೆಲವೇ ಗಂಟೆಗಳ ಮುನ್ನ ಅಮೆರಿಕ ಸರ್ಕಾರ ತನಗೆ ಮಾಹಿತಿ ನೀಡಿದ್ದರಿಂದಾಗಿ, ಸುತ್ತಲಿನ ಪ್ರಾಂತ್ಯಗಳಲ್ಲಿ ನಾಗರಿಕರ ರಕ್ಷಣಾ ಕಾರ್ಯಾಚರಣೆ ಕೈಗೊಳ್ಳಲಾಗಿತ್ತು. ಹಾಗಾಗಿ, ನಾಗರಿಕರಿಗೆ ಬಾಂಬ್ ದಾಳಿಯ ಬಿಸಿ ತಟ್ಟಿಲ್ಲ. ಆದರೆ, ಐಎಸ್ ಉಗ್ರ ಸಂಘಟನೆಗೆ ಸೇರಿದ ಸುಮಾರು 36 ಉಗ್ರರು ಸಾವನ್ನಪ್ಪಿದ್ದಾರೆ ಎಂದು ಹೇಳಿದೆ.[ಅಫ್ಘಾನಿಸ್ತಾನ: ಉಗ್ರರ ಮೇಲೆ ಭಯಂಕರ ಬಾಂಬ್ ಹಾಕಿದ ಅಮೆರಿಕ]
ಅಮೆರಿಕದ 'ಜಿಬಿಯು-43/ಬಿ' ಬಾಂಬ್ ನ ಶಕ್ತಿ ಎಷ್ಟಿತ್ತಂದರೆ, ಗುಹೆಗಳು ಮಾತ್ರವಲ್ಲ, ಒಂದು ಗುಹೆಯಿಂದ ಮತ್ತೊಂದು ಗುಹೆಗೆ ಸಂಪರ್ಕ ಕಲ್ಪಿಸುವ, ಭೂಮಿಯಿಂದ ನೂರಾರು ಅಡಿ ಒಳಗಿದ್ದ ಗುಪ್ತ ಸುರಂಗ ಮಾರ್ಗಗಳು, ಸುರಂಗ ಕೋಣೆಗಳಲ್ಲಿ ಅಡಗಿದ್ದ ಉಗ್ರರನ್ನೂ ಧ್ವಂಸ ಮಾಡಿದೆ ಎಂದು ಆಫ್ಘಾನಿಸ್ತಾನ ಸರ್ಕಾರ ಹೇಳಿದೆ.
