ವರ್ಷದಲ್ಲಿ ದಲಿತರ ಮೇಲೆ 47,064 ಸಾರಿ ದೌರ್ಜನ್ಯ!

ಬೆಂಗಳೂರು, ಅಕ್ಟೋಬರ್. 30: ದೇಶದಲ್ಲಿ ಮಹಿಳೆಯರ ಮೇಲೆ ಲೈಂಗಿಕ ದೌರ್ಜನ್ಯ ಪ್ರಕರಣಗಳಿಗೆ ಕೊನೆಯೇ ಇಲ್ಲ. ಆದರೆ ವರದಿಯೊಂದು ಬಿಚ್ಚಿಡುವ ಮಾಹಿತಿ ನಮ್ಮನ್ನು ಒಂದು ಕ್ಷಣ ಮೌನವಾಗಿಸುತ್ತದೆ. ಒಂದು ವರ್ಷದ ಅವಧಿಯಲ್ಲಿ ದಲಿತರ ಮೇಲೆ 47,064 ದೌರ್ಜನ್ಯ ಪ್ರಕರಣಗಳು ದಾಖಲಾಗಿವೆ.

ಹೌದು ಈ ಸತ್ಯವನ್ನು ಒಪ್ಪಿಕೊಳ್ಳಲೇಬೇಕು. ದೇಶದ ಜನಸಂಖ್ಯೆಯಲ್ಲಿ 26 ನೇ ಸ್ಥಾನದಲ್ಲಿರುವ ಗೋವಾ ಪರಿಶಿಷ್ಟ ಜಾತಿಯವವರ ಮೇಲಿನ ದೌರ್ಜನ್ಯದ ಶೇಕಡಾವಾರು ಲೆಕ್ಕದಲ್ಲಿ ಮೊದಲ ಸ್ಥಾನ ಪಡೆದುಕೊಂಡಿದೆ. ಉತ್ತರ ಪ್ರದೇಶದಲ್ಲಿ ಅತಿ ಹೆಚ್ಚು ಅಪರಾಧ ಪ್ರಕರಣಗಳು ದಾಖಲಾಗಿವೆ.[ಹುಷಾರ್.. ಹಿಂದೂ ವಿರೋಧಿ ಬರಹ ಬರದ್ರೆ ಬೆರಳು ಕಟ್]

ನ್ಯಾಶನಲ್ ಕ್ರೈಮ್ ರೆಕಾರ್ಡ್ 2014 ರ ಅಂತ್ಯಕ್ಕೆ ಸಂಬಂಧಿಸಿ ವರದಿ ನೀಡಿದೆ. ವರದಿಯ ಹೈ ಲೈಟ್ಸ್ ಇಲ್ಲಿದೆ.
* ಗೋವಾದಲ್ಲಿ ಅತಿ ಹೆಚ್ಚು ಅಂದರೆ 67 ಪ್ರಕರಣಗಳು ದಾಖಲಾಗಿದೆ. ನಂತರ ಸ್ಥಾನವನ್ನು ರಾಜಸ್ಥಾನ(66), ಆಂಧ್ರ ಪ್ರದೇಶ(49) ಪಡೆದುಕೊಂಡಿದೆ.
* ಮಹಿಳೆಯರ ಮೇಲೆ ದಾಳಿಗೆ ಸಂಬಂಧಿಸಿ ಅತಿ ಹೆಚ್ಚಿನ ಪ್ರಕರಣ ದಾಖಲಾಗಿದೆ.
* ಲೈಂಗಿಕ ದೌರ್ಜನ್ಯ, ಖಾಸಗಿತನ ಹಾಳು ಆರೋಪಗಳು ಎರಡನೇ ಸ್ಥಾನ ಪಡೆದುಕೊಂಡಿವೆ. [ಇಬ್ಬರು ದಲಿತ ಮಕ್ಕಳ ಹತ್ಯೆಗೆ ಕಾರಣವಾಗಿದ್ದೊಂದು ಮೊಬೈಲ್!]
* 5 ವರ್ಷದ ಅವಧಿಯಲ್ಲಿ ಶೇ. 44 ರಷ್ಟು ಅಪರಾಧ ಪ್ರಕರಣಗಳು ಪರಿಶಿಷ್ಟ ಜಾತಿಯವರ ಮೇಲೆ ಹೆಚ್ಚಿದೆ.
* ಕರ್ನಾಟಕದಲ್ಲಿ ದಲಿತ ಬರಹಗಾರನ ಮೇಲೆ ಹಲ್ಲೆ ನಡೆದ ಪ್ರಕರಣವನ್ನು ಇಲ್ಲಿ ಉಲ್ಲೇಖ ಮಾಡಬಹುದು.
* ಹರ್ಯಾಣದಲ್ಲಿ ರಜಪೂರತರು ಮತ್ತು ದಲಿತರ ನಡುವೆ ನಡೆದ ಘರ್ಷಣೆಯಲ್ಲಿ ಇಬ್ಬರು ಮಕ್ಕಳು ಹತರಾಗಿದ್ದರು.
* ಉತ್ತರ ಪ್ರದೇಶ(8,075), ರಾಜಸ್ಥಾನ(8.028), ಬಿಹಾರ(7.893), ಮಧ್ಯ ಪ್ರದೇಶ(4,151) ಮತ್ತು ಆಂಧ್ರ ಪ್ರದೇಶದಲ್ಲಿ (4,114) ದಲಿತರ ಮೇಲಿನ ದೌರ್ಜನ್ಯ ಪ್ರಕರಣಗಳು ದಾಖಲಾಗಿವೆ.
* ಕೊಲೆಗೆ ಸಂಬಂಧಿಸಿದ ಅಪರಾಧ ಪ್ರಕರಣಗಳು ಆರನೇ ಸ್ಥಾನದಲ್ಲಿ ನಿಲ್ಲುತ್ತವೆ.
* 2014 ರಲ್ಲಿ ಪರಿಶಿಷ್ಟ ಜಾತಿಯವರ ಮೇಲೆ ಒಟ್ಟು 47,064 ದೌರ್ಜನ್ಯ ಪ್ರಕರಣಗಳು ದೇಶಾದ್ಯಂತ ದಾಖಲಾಗಿವೆ.

English summary

Total 47,064 crimes happened against scheduled caste in 2014, The National Crime Records Bureau (NCRB) report said.