ಕೊವಿಡ್19: ಟಾಪ್ 10 ರಾಜ್ಯಗಳ ಪಟ್ಟಿಯಲ್ಲಿ ಕರ್ನಾಟಕ ಭಾರಿ ಜಿಗಿತ
ದೆಹಲಿ, ಜುಲೈ 16: ಕೇಂದ್ರ ಆರೋಗ್ಯ ಇಲಾಖೆ ನೀಡಿರುವ ವರದಿ ಪ್ರಕಾರ ಭಾರತದಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 9,68,876ಕ್ಕೆ ಏರಿಕೆಯಾಗಿದೆ. ಈ ಪೈಕಿ 6,12,815 ಜನರು ಸೋಂಕಿನಿಂದ ಚೇತರಿಕೆ ಕಂಡಿದ್ದಾರೆ. 3,31,146 ಇನ್ನು ಚಿಕಿತ್ಸೆ ಪಡೆದುಕೊಳ್ಳುತ್ತಿದ್ದಾರೆ. ಇದುವರೆಗೂ ದೇಶದಲ್ಲಿ 24,915 ಜನರು ಕೊರೊನಾದಿಂದ ಮೃತಪಟ್ಟಿದ್ದಾರೆ.
Recommended Video
ಅತಿ ಹೆಚ್ಚು ಸೋಂಕು ಹೊಂದಿರುವ ರಾಜ್ಯಗಳ ಪಟ್ಟಿಯಲ್ಲಿ ಮಹಾರಾಷ್ಟ್ರ ಈಗಲೂ ಮೊದಲ ಸ್ಥಾನದಲ್ಲಿ ಮುಂದುವರಿದಿದೆ. ಎರಡನೇ ಸ್ಥಾನದಲ್ಲಿ ತಮಿಳುನಾಡು ಸಾಗುತ್ತಿದೆ. ಮೂರನೇ ಸ್ಥಾನದಲ್ಲಿ ರಾಷ್ಟ್ರ ರಾಜಧಾನಿ ದೆಹಲಿ ಇದ್ದರೆ, ನಾಲ್ಕನೇ ಸ್ಥಾನಕ್ಕೆ ಕರ್ನಾಟಕ ಏರಿದೆ.
IISc study: ಭಾರತದಲ್ಲಿ ಮಾರ್ಚ್ ಅಂತ್ಯದೊಳಗೆ 6 ಕೋಟಿ ಕೊವಿಡ್ ಕೇಸ್ ಪತ್ತೆ!
ದೈನಂದಿನ ವರದಿಯಲ್ಲೂ ಈಗ ಲೆಕ್ಕಾಚಾರ ಉಲ್ಟಾಪಲ್ಟ ಆಗಿದೆ. ಪ್ರತಿದಿನದ ಸೋಂಕಿತರಲ್ಲಿ ದಕ್ಷಿಣ ರಾಜ್ಯಗಳಲ್ಲಿ ಹೆಚ್ಚು ಕೇಸ್ ದಾಖಲಾಗುತ್ತಿದೆ. ಟಾಪ್ ಹತ್ತರ ಪಟ್ಟಿಯಲ್ಲಿ ಕರ್ನಾಟಕ ಭಾರಿ ಏರಿಕೆ ಕಂಡಿದೆ. ಹಾಗಿದ್ರೆ, ಜುಲೈ 15ರ ವರದಿಯಲ್ಲಿ ಯಾವ ರಾಜ್ಯಗಳು ಎಷ್ಟನೇ ಸ್ಥಾನದಲ್ಲಿದೆ? ಮುಂದೆ ಓದಿ....
ಹೊಸ ಕೇಸ್ಗಳ ಪಟ್ಟಿಯಲ್ಲಿ ರಾಜ್ಯಕ್ಕೆ 3ನೇ ಸ್ಥಾನ
ಹೊಸ ಕೇಸ್ಗಳ ಪಟ್ಟಿಯಲ್ಲಿ ಕರ್ನಾಟಕ ಮೂರನೇ ಸ್ಥಾನದಲ್ಲಿದೆ. ಮಹಾರಾಷ್ಟ್ರ, ತಮಿಳುನಾಡು ಬಳಿಕ ಕರ್ನಾಟಕದಲ್ಲಿ ಅತಿ ಹೆಚ್ಚು ಸೋಂಕು ಕಂಡುಬಂದಿದೆ. ಜುಲೈ 15ರ ಅಂಕಿ ಅಂಶ ಗಮನಿಸಿದರೆ ಮಹಾರಾಷ್ಟ್ರದಲ್ಲಿ 7975 ಕೇಸ್, ತಮಿಳುನಾಡಿನಲ್ಲಿ 4496 ಕೇಸ್ ಹಾಗೂ ಕರ್ನಾಟಕದಲ್ಲಿ 3176 ಕೇಸ್ ವರದಿಯಾಗಿದೆ. ಒಂದು ತಿಂಗಳ ಹಿಂದೆ ಕರ್ನಾಟಕ ಟಾಪ್ 10ರೊಳಗೆ ಇರಲಿಲ್ಲ. ಈಗ ಟಾಪ್ 3ಗೆ ಬಂದಿದೆ.
ಅತಿ ಹೆಚ್ಚು ಸೋಂಕಿನಲ್ಲಿ ನಾಲ್ಕನೇ ಸ್ಥಾನ
ಒಂದು ಸಮಯದಲ್ಲಿ ಇಡೀ ಭಾರತಕ್ಕೆ ಕರ್ನಾಟಕ ಮಾದರಿಯಾಗಿತ್ತು. ಕೊವಿಡ್ ನಿಯಂತ್ರಣದಲ್ಲಿ ಯಡಿಯೂರಪ್ಪ ಸರ್ಕಾರಕ್ಕೆ ಮೆಚ್ಚುಗೆ ಸಹ ವ್ಯಕ್ತವಾಗಿತ್ತು. ಆದ್ರೀಗ, ದೇಶದಲ್ಲಿ ಅತಿ ಹೆಚ್ಚು ಸೋಂಕಿತರನ್ನು ಹೊಂದಿರುವ ರಾಜ್ಯಗಳ ಪಟ್ಟಿಯಲ್ಲಿ ನಾಲ್ಕನೇ ಸ್ಥಾನಕ್ಕೆ ಕರ್ನಾಟಕ ಜಿಗಿದಿದೆ. ನೋಡು ನೋಡುತ್ತಿದ್ದಂತೆ ಕೊರೊನಾ ಸೋಂಕಿತರ ಸಂಖ್ಯೆ ದಿಢೀರ್ ಅಂತ ಏರಿದೆ.
ಇದೇ ಮೊದಲ ಬಾರಿಗೆ ಭಾರತದಲ್ಲಿ ಅತಿ ಹೆಚ್ಚು ಕೊರೊನಾ ಕೇಸ್ ಪತ್ತೆ
ಯಾವ ರಾಜ್ಯದಲ್ಲಿ ಎಷ್ಟು ಕೇಸ್ ಇದೆ?
ಮಹಾರಾಷ್ಟ್ರದಲ್ಲಿ - 2,75,640
ತಮಿಳುನಾಡು - 1,51,820
ದೆಹಲಿ - 1,16,993
ಕರ್ನಾಟಕ - 47,253
ಗುಜರಾತ್ - 44,648
ಉತ್ತರ ಪ್ರದೇಶ - 41,383
ತೆಲಂಗಾಣ - 39,342
ಆಂಧ್ರಪ್ರದೇಶ - 35,451
ಪಶ್ಚಿಮ ಬಂಗಾಳ - 34,427
ರಾಜಸ್ಥಾನ - 26,580
ಆಕ್ಟಿವ್ ಕೇಸ್ಗಳ ಪಟ್ಟಿಯಲ್ಲಿ ಕರ್ನಾಟಕಕ್ಕೆ ಎಷ್ಟನೇ ಸ್ಥಾನ?
ಮಹಾರಾಷ್ಟ್ರದಲ್ಲಿ - 1,11,801
ತಮಿಳುನಾಡು - 47,343
ಕರ್ನಾಟಕ - 27,849
ದೆಹಲಿ - 17,807
ಆಂಧ್ರಪ್ರದೇಶ - 16,621
ಉತ್ತರ ಪ್ರದೇಶ - 14,628
ತೆಲಂಗಾಣ - 12,957
ಪಶ್ಚಿಮ ಬಂಗಾಳ - 12,747
ಗುಜರಾತ್ - 11,222
ಅಸ್ಸಾಂ - 6,810