ರಾಜ್ಯಸಭಾ ಚುನಾವಣೆಯಲ್ಲಿ ಬಿಜೆಪಿಗೆ ಮತ ಹಾಕಿದ ಕಾಂಗ್ರೆಸ್ಸಿಗರು ಇವರೇ!

ಅಹ್ಮದಾಬಾದ್, ಆಗಸ್ಟ್ 9: ನಿನ್ನೆ(ಆಗಸ್ಟ್ 8) ಮುಕ್ತಾಯವಾದ ಗುಜರಾತ್ ರಾಜ್ಯಸಭಾ ಚುನಾವಣೆಯ ಫಲಿತಾಂಶ ತೀವ್ರ ಕುತೂಹಲ ಕೆರಳಿಸಿ ಕೊನೆಗೂ ಹೊರಬಿದ್ದಿದೆ. ಹಲವು ಕಾರಣಗಳಿಂದ ಬಹುಮುಖ್ಯವಾಗಿದ್ದ ಈ ರಾಜ್ಯಸಭಾ ಚುನಾವಣೆ ಹಿಂದೆಂದಿಗಿಂತಲೂ ಹೆಚ್ಚಿನ ಕುತೂಹಲ ಕೆರಳಿಸಿತ್ತು.

ಕಾಂಗ್ರೆಸ್ಸಿನ ಇಬ್ಬರು ಶಾಸಕರು ಬಿಜೆಪಿಗೆ ಮತಹಾಕಿದ್ದರಿಂದ ಈ ಮತವನ್ನು ಅಸಿಂಧುಗೊಳಿಸಬೇಕೆಂದು ಕಾಂಗ್ರೆಸ್ ಚುನಾವಣಾ ಆಯೋಗದ ಮೊರೆ ಹೋಗಿತ್ತು. ಅದಕ್ಕೆಂದೇ ಮತಎಣಿಕೆಯೂ ತಡವಾಗಿ ಆರಂಭವಾಗಿ ಆಗಸ್ಟ್ 8 ರ ಮಧ್ಯರಾತ್ರಿ ಸಮಯಕ್ಕೆ ಫಲಿತಾಂಶ ಹೊರಬಿತ್ತು. ಈ ನಡುವೆ ಚುನಾವಣಾ ಆಯೋಗ ಇಬ್ಬರು ಕಾಂಗ್ರೆಸ್ ಶಾಸಕರ ಮತವನ್ನು ಅಸಿಂಧುಗೊಳಿಸಿತ್ತು. ಅಷ್ಟಕ್ಕೂ ಬಿಜೆಪಿಗೆ ಮತಚಲಾಯಿಸಿದ ಆ ಇಬ್ಬರು ಕಾಂಗ್ರೆಸ್ಸಿಗರು ಯಾರು?

ಭೋಲಾ ಭಾಯಿ ಗೊವಿಲ್ ಮತ್ತು ರಾಘವ್ ಭಾಯಿ ಪಟೇಲ್ ಎಂಬ ಇಬ್ಬರು ಶಾಸಕರೇ ಬಿಜೆಪಿಗೆ ಮತ ಹಾಕಿದ ಕಾಂಗ್ರೆಸ್ಸಿಗರು! ಆದರೆ ಚುನಾವಣಾ ಆಯೋಗ ಈ ಇಬ್ಬರ ಮತವನ್ನು ಅಮಾನ್ಯ ಮಾಡಿದ್ದನ್ನು ಬಿಜೆಪಿ ವಿರೋಧಿಸಿ, ಇದರ ವಿರುದ್ಧ ಕಾನೂನು ಸಮರ ಸಾರುವುದಾಗಿ ಹೇಳಿದೆ.

ಈ ಇಬ್ಬರು ಶಾಸಕರ ಮತವನ್ನು ಅಮಾನ್ಯಮಾಡಿದ್ದೇ ಅಹಮದ್ ಪಟೇಲ್ ಗೆಲುವಿಗೆ ಮುಖ್ಯಕಾರಣವಾದ್ದರಿಂದ ಬಿಜೆಪಿಯೂ ಇದನ್ನು ಇಲ್ಲಿಗೇ ಬಿಟ್ಟುಬಿಡುವುದಿಲ್ಲ. ಒಟ್ಟಿನಲ್ಲಿ ರಾಜ್ಯಸಭಾ ಚುನಾವಣೆಯೂ ಈ ಪರಿ ಕುತೂಹಲ ಕೆರಳಿಸಿದ್ದು ಇದೇ ಪ್ರಥಮ ಬಾರಿಗೆ ಎಂಬುದಂತೂ ದಿಟ!

English summary

The Congress got a boost when the Election Commission of India disqualified two votes by Congress MLAs which were in favour of the BJP in the Rajya Sabha elections from Gujarat. The disqualification of the two votes helped Ahmed Patel retain his Rajya Sabha seat for the fifth time. The two MLAs whose votes were disqualified were that of Bhola Bhai Gohil and Raghav Bhai Patel. Following the order Patel said that he appreciated the same.