ಕ್ಯಾಮರಾ ಮುಂದೆ ಖುಷಿಯಿಂದ ಪೋಸ್ ಕೊಡುತ್ತಿದ್ದ ದಿ ಗ್ರೇಟ್ ಖಲಿ, ದಿಢೀರ್ ಅಳುವ ವಿಡಿಯೋ
ಕ್ಯಾಮರಾ ಮುಂದೆ ಖುಷಿಯಿಂದ ಪೋಸ್ ಕೊಡುತ್ತಿದ್ದ ದಿ ಗ್ರೇಟ್ ಖಲಿ ದಿಢೀರ್ ಅಳುವ ವಿಡಿಯೋ ನೋಡಿ ಅಭಿಮಾನಿಗಳು ಅಚ್ಚರಿಗೊಂಡಿದ್ದಾರೆ. ಕುಸ್ತಿಪಟು ಖಲಿಯ ಮೈಕಟ್ಟು ನೋಡದರೆ ಇವರಲ್ಲಿ ಇಂತಹ ಮೃದು ಮನಸ್ಸು ಇದೆ ಎನ್ನುವ ವಿಚಾರ ಯಾರಿಗೂ ಬರುವುದಿಲ್ಲ. ಹೀಗಾಗಿ ಅವರು ಕ್ಯಾಮಾರ ಮುಂದೆ ಕಣ್ಣೀರು ಹಾಕಿದಾಗ ಎಲ್ಲರೂ ಏನಾಯ್ತು ಎನ್ನುವ ಪ್ರಶ್ನೆಯಲ್ಲಿ ಚಿಂತಿತರಾಗಿದ್ದಾರೆ.
Recommended Video
ಭಾರತದ ಖ್ಯಾತ ವೃತ್ತಿಪರ ಕುಸ್ತಿಪಟು ದಿ ಗ್ರೇಟ್ ಖಲಿ (ದಲಿಪ್ ಸಿಂಗ್ ರಾಣಾ ಎಂದೂ ಸಹ ಕರೆಯುತ್ತಾರೆ) ವೃತ್ತಿಪರ ಕುಸ್ತಿ ಪ್ರದರ್ಶನಗಳಾದ WWE ಅಥವಾ ಬಾಲಿವುಡ್ ಚಲನಚಿತ್ರಗಳಲ್ಲಿ ಅವರ ಪಾತ್ರಗಳ ಮೂಲಕ ಯಾವಾಗಲೂ ಅವರ ಅಭಿಮಾನಿಗಳನ್ನು ರಂಜಿಸುತ್ತಾರೆ. ಖಲಿ ತನ್ನ ಸುತ್ತಲಿರುವ ಎಲ್ಲಾ ಕ್ಯಾಮರಾಗಳಿಗೆ ನಗು ತರಿಸಲು ಪ್ರಯತ್ನಿಸಿದ್ದಾರೆ. ಆದರೆ ಅದೇನಾಯಿತೋ ಕಳುತ್ತಾ ಹೋಗಿರುವುದು ಕಂಡು ಬಂದಿದೆ. ದಿ ಗ್ರೇಟ್ ಖಲಿ WWE ಸೂಪರ್ಸ್ಟಾರ್ ಅಂಡರ್ಟೇಕರ್, ಮಾರ್ಕ್ ಹೆನ್ರಿ ಮತ್ತು ಇತರ ಅನೇಕ ಸೂಪರ್ಸ್ಟಾರ್ಗಳನ್ನು ಸೋಲಿಸುವ ಮೂಲಕ ಪ್ರಮುಖ ವ್ಯಕ್ತಿಯಾಗಿ ಕುಸ್ತಿಯ ಜಗತ್ತನ್ನು ಪ್ರವೇಶಿಸಿದರು. ಭಾರತಕ್ಕೆ ಹಲವಾರು ಪ್ರಶಸ್ತಿಗಳನ್ನು ತಂದುಕೊಟ್ಟಿದ್ದಾರೆ.
ಅವರು ಹಿಮಾಚಲ ಪ್ರದೇಶದ ಸಿರ್ಮೌರ್ನ ಧೀರಿನಾದಲ್ಲಿ ಜನಿಸಿದರು. ಆದರೆ ಈ ಬೃಹತ್ 7 ಅಡಿ ಮನುಷ್ಯ ತನ್ನೊಳಗೆ ತುಂಬಾ ಮೃದುವಾದ ವ್ಯಕ್ತಿತ್ವವನ್ನು ಇಟ್ಟುಕೊಳ್ಳುತ್ತಾನೆ ಎಂದರೆ ನೀವು ನಂಬುತ್ತೀರಾ.
|
ಅಚ್ಚರಿಗೊಂಡ ಅಭಿಮಾನಿಗಳು
ಇತ್ತೀಚೆಗಷ್ಟೇ ಟ್ವಿಟ್ಟರ್ ಪ್ಲಾಟ್ಫಾರ್ಮ್ನಲ್ಲಿ ವಿಡಿಯೋವೊಂದು ವೈರಲ್ ಆಗುತ್ತಿದ್ದು, ಅದರಲ್ಲಿ ದಿ ಗ್ರೇಟ್ ಖಲಿ ಮಾಧ್ಯಮದ ಮುಂದೆ ಅಳುತ್ತಿರುವುದನ್ನು ಕಾಣಬಹುದು. ಮಾಜಿ WWE ತಾರೆ ಅವರು ತಮ್ಮ ಜಿಮ್ಗೆ ಹೋಗುತ್ತಿರುವಾಗ ನೀಲಿ ತೋಳಿಲ್ಲದ ಹೂಡಿ ಟೀ ಶರ್ಟ್ನಲ್ಲಿ ಕಾಣಿಸಿಕೊಂಡರು. ಆರಂಭದ ವಿಡಿಯೊದಲ್ಲಿ ಕುಸ್ತಿಪಟು ಕ್ಯಾಮೆರಾಗಳ ಮುಂದೆ ನಗುತ್ತಿರುವುದನ್ನು ಕಾಣಬಹುದು ಮತ್ತು ನಂತರ ಮಾಧ್ಯಮಗಳು ಅವರನ್ನು ಪ್ರಶ್ನೆಗಳನ್ನು ಕೇಳಲು ಪ್ರಾರಂಭಿಸಿದವು.
ವಿಡಿಯೊದಲ್ಲಿ ಯಾರೋ ಒಬ್ಬರು ದಿ ಗ್ರೇಟ್ ಖಲಿ ಅವರ ಜನ್ಮದಿನದ ಯೋಜನೆಗಳ ಬಗ್ಗೆ ಕೇಳುತ್ತಾರೆ. ಆಗ ಅವರು ಸಂಪೂರ್ಣವಾಗಿ ಅಸಮಾಧಾನಗೊಂಡಿರುವುದನ್ನು ನಾವು ನೋಡಿದ ಮರು ಕ್ಷಣವೇ ಅವರ ಕಣ್ಣುಗಳನ್ನು ಉಜ್ಜಲು ಪ್ರಾರಂಭಿಸಿತು. ಕಣ್ಣೀರು ಉಕ್ಕಿ ಹರಿಯಿತು. ಖಲಿ ಬಗ್ಗೆ ಅಭಿಮಾನಿಗಳಲ್ಲಿ ಭೀತಿ ಉಂಟಾಗಿದ್ದು, ಕುಸ್ತಿಪಟು ಏಕಾಏಕಿ ಕ್ಯಾಮರಾಗಳ ಮುಂದೆ ಕಣ್ಣೀರಿಟ್ಟಿದ್ದು ಏಕೆ ಎಂದು ಆಶ್ಚರ್ಯ ಪಡುತ್ತಿದ್ದಾರೆ.
ನೆಟ್ಟಿಗರ ಹಾಸ್ಯಸ್ಪಾದ ಪ್ರತಿಕ್ರಿಯೆ
ಖಲಿ ಆಗಸ್ಟ್ 27ಕ್ಕೆ 50ನೇ ವರ್ಷಕ್ಕೆ ಕಾಲಿಡಲಿದ್ದಾರೆ. ಹುಟ್ಟುಹಬ್ಬದ ಪ್ರಶ್ನೆಗೆ ಅವರು ಯಾಕೆ ಭಾವುಕರಾದರು ಎಂಬುದು ಸಾಮಾಜಿಕ ಜಾಲತಾಣಗಳಲ್ಲಿ ಅಭಿಮಾನಿಗಳ ಕುತೂಹಲಕ್ಕೆ ಕಾರಣವಾಗಿದೆ. ಅಭಿಮಾನಿಗಳು ಕೂಡ ಆಶ್ಚರ್ಯ ವ್ಯಕ್ತಪಡಿಸಿದ್ದಾರೆ. ಜೊತೆಗೆ ಕೆಲ ಹಾಸ್ಯಸ್ಪಾದ ಪ್ರತಿಕ್ರಿಯೆ ನೀಡಿದ್ದಾರೆ. 'ಯಾರಾದರೂ ಸ್ವಲ್ಪ ರಾಜಸ್ಥಾನಕ್ಕೆ ಬನ್ನಿ, ಅಲ್ಲಿ ಮಳೆಯಾಗುತ್ತಿಲ್ಲ ಎಂದು ಖಲಿ ಅಳುತ್ತಿದ್ದಾರೆ' ಎಂದು ಬರೆದಿದ್ದಾರೆ. ಯಾರೋ ಇದನ್ನು ಕ್ರಿಕೆಟ್ಗೆ ಜೋಡಿಸಿ, ಭಾರತವು ದೀರ್ಘಕಾಲದವರೆಗೆ ಐಸಿಸಿ ಈವೆಂಟ್ ಅನ್ನು ಗೆದ್ದಿಲ್ಲ ಎಂದು ಖಲಿ ಅಳುತ್ತಿದ್ದಾರೆ ಎಂದು ಬರೆದಿದ್ದಾರೆ. ನೀವು ಪ್ರತಿಕ್ರಿಯೆಯನ್ನು ಇಲ್ಲಿ ನೋಡಬಹುದು.
WWE ವರ್ಲ್ಡ್ ಹೆವಿವೇಟ್ ಚಾಂಪಿಯನ್ ಗೆದ್ದ ಖಲಿ
ಅವರು 2006 ರಲ್ಲಿ ದಿ ಗ್ರೇಟ್ ಖಲಿ ಎಂಬ ರಿಂಗ್ ಹೆಸರಿನಲ್ಲಿ ವರ್ಲ್ಡ್ ವ್ರೆಸ್ಲಿಂಗ್ ಎಂಟರ್ಟೈನ್ಮೆಂಟ್ಗೆ ಸೇರಿದರು. ಅವರು WWE ನೊಂದಿಗೆ ಸಹಿ ಮಾಡಿದ ಮೊದಲ ಭಾರತೀಯ ವೃತ್ತಿಪರ ಕುಸ್ತಿಪಟು ಎನಿಸಿಕೊಂಡರು. ಖಲಿ ಜುಲೈ 20, 2007 ರಂದು WWE ವರ್ಲ್ಡ್ ಹೆವಿವೇಟ್ ಚಾಂಪಿಯನ್ ಅನ್ನು ಗೆದ್ದರು. ನಂತರ ಅವರ ಒಪ್ಪಂದವು 2014 ರಲ್ಲಿ ಮುಕ್ತಾಯಗೊಂಡಿತು. ಇದಾದ ನಂತರವೂ ಅಲ್ಲಿ ಇನ್ನೂ ಕೆಲವು ಪ್ರದರ್ಶನಗಳನ್ನು ಮಾಡಿದರು. ನಂತರ ಖಲಿಯನ್ನು ಮಾರ್ಚ್ 24, 2021 ರಂದು ಹಾಲ್ ಆಫ್ ಫೇಮ್ಗೆ ಸೇರಿಸಲಾಯಿತು.
ಕೆಲ ಚಿತ್ರಗಳಲ್ಲಿ ಕಾಣಿಸಿಕೊಂಡ ಖಲಿ
ಬಾಲಿವುಡ್ ಮತ್ತು ಮನರಂಜನಾ ಕ್ಷೇತ್ರದಲ್ಲಿ ಅವರ ಕೆಲಸದ ಬಗ್ಗೆ ಮಾತನಾಡುವುದಾದರೆ, ಖಲಿ 2010 ರಲ್ಲಿ ಸಲ್ಮಾನ್ ಖಾನ್ ಅವರ ಹೋಸ್ಟ್ ಶೋ ಬಿಗ್ ಬಾಸ್ನ ಭಾಗವಾಗಿದ್ದಾರೆ. ಖಲಿ ಅವರನ್ನು ಪ್ರದರ್ಶನದಲ್ಲಿ ಇಷ್ಟಪಡಲಾಯಿತು. ಆ ಋತುವಿನಲ್ಲಿ ರನ್ನರ್ ಅಪ್ ಆಗಲು ಯಶಸ್ವಿಯಾದರು. ಇದಲ್ಲದೆ ಅವರು 2010 ರಲ್ಲಿ ಬಿಡುಗಡೆಯಾದ ಕುಸ್ತಿಯಂತಹ ಚಿತ್ರಗಳಲ್ಲಿಯೂ ಕಾಣಿಸಿಕೊಂಡರು.