Click it and Unblock the Notifications
Just In
-
-
-
Don't Miss
-
ಸಂಸ್ಥೆಯ ಎಲ್ಲ 30,000 ಉದ್ಯೋಗಿಗಳಿಗೆ ವರ್ಕ್ ಫಮ್ ಹೋಂ ನೀಡಿದ ಟೆಕ್ ಕಂಪೆನಿ -
Neha Murder Case: ನೇಹಾ ಹತ್ಯೆ ಅಪರಾಧಿಗೆ ಅತ್ಯುಗ್ರ ಶಿಕ್ಷೆ ನೀಡಬೇಕು ಎಂದು ಸಿನಿಮಾ ತಾರೆಯರ ಆಗ್ರಹ -
Earbuds: 2000 ರೂ. ಒಳಗೆ ಲಭ್ಯ ಇರುವ ಅತ್ಯುತ್ತಮ ಇಯರ್ಬಡ್ಸ್! ಸಖತ್ ಫೀಚರ್ಸ್... -
ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ -
ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್ -
ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಇಂದು ಮತ್ತು ನಾಳೆ ಪರ್ಸೀಡ್ ಉಲ್ಕಾಪಾತ: ಆಕಾಶದ ಈ ವಿಸ್ಮಯ ವೀಕ್ಷಣೆ ಹೇಗೆ?
ಸದಾ ವಿಸ್ಮಯಕಾರಿ ಸಂಗತಿಗಳನ್ನು ತೋರಿಸುವ ಆಕಾಶ, ಮತ್ತೊಂದು ಅಪರೂಪದ ವಿದ್ಯಮಾನವನ್ನು ಪ್ರದರ್ಶಿಸಲಿದೆ. ಕಳೆದ ತಿಂಗಳು ನಮ್ಮ ಸೌರ ವ್ಯವಸ್ಥೆಯಲ್ಲಿ ನಿಯೋವೈಸ್ ಧೂಮಕೇತು ಕಂಡು ಖಗೋಳಪ್ರಿಯರು ರೋಮಾಂಚನಗೊಂಡಿದ್ದರು. ಆಕಾಶದ ವಿವಿಧ ನಕ್ಷತ್ರ, ಧೂಮಕೇತು, ಕಾಯಗಳ ಕುರಿತು ಆಸಕ್ತಿಯುಳ್ಳವರಿಗೆ ಮತ್ತೊಂದು ಖುಷಿಯ ಸಂಗತಿ ದೊರಕಿದೆ.
ಮೋಡದ ನಡುವೆಯೂ ಆಕಾಶದ ಬೆರಗು ಉಲ್ಕಾಪಾತದ ಅದ್ಭುತ ನೋಟವನ್ನು ಕಣ್ತುಂಬಿಕೊಳ್ಳುವ ಅವಕಾಶ ಬಂದಿದೆ. ಇದು ಈ ವರ್ಷದ ಅತ್ಯಂತ ಪ್ರಕಾಶಮಾನ ಉಲ್ಕಾಪಾತವಾಗಿದ್ದು, ಭಾರತದಲ್ಲಿಯೂ ಗೋಚರಿಸಲಿದೆ. ಆದರೆ ಭಾರತದ ಎಲ್ಲ ಭಾಗಗಳಲ್ಲಿಯೂ ಇದು ಕಾಣಿಸಲಿದೆ ಎನ್ನುವಂತಿಲ್ಲ. ಕೆಲವು ಪ್ರದೇಶಗಳಲ್ಲಿ ಅರ್ಧಚಂದ್ರನ ಬೆಳಕು ಹಾಗೂ ಇನ್ನುಕೆಲವೆಡೆ ಮುಂಗಾರು ಮೋಡಗಳು ಈ ವಿಹಂಗಮ ದೃಶ್ಯವನ್ನು ಸವಿಯಲು ಅಡ್ಡಿಪಡಿಸುವ ಸಾಧ್ಯತೆ ಇದೆ. ಮುಂದೆ ಓದಿ...
ರಾಶಿ ರಾಶಿ ಉಲ್ಕೆಗಳು
ಪೆರ್ಸೀಡ್ ಉಲ್ಕಾಪಾತವು ಮಂಗಳವಾರ ಮತ್ತು ಬುಧವಾರ ಎರಡೂ ದಿನ ಕಾಣಿಸಲಿದೆ. ಸ್ವಿಫ್ಟ್-ಟಟ್ಲ್ ಧೂಮಕೇತುವಿನಿಂದ ದೃಷ್ಟಿಯಾದ ಅವಶೇಷಗಳಿಂದಾಗಿ ಈ ಉಲ್ಕಾಪಾತ ಉಂಟಾಗುತ್ತಿದೆ. ಗಂಟೆಗೆ 60 ಉಲ್ಕೆಗಳು ಬೀಳಲಿದ್ದು, ನಂತರ ಅದು 16-20 ಉಲ್ಕೆಗಳಿಗೆ ಇಳಿಯಲಿದೆ. ಚಂದ್ರನ ಬೆಳಕಿನ ಪ್ರಕಾಶ ಈ ರಮಣೀಯ ಸನ್ನಿವೇಶ ವೀಕ್ಷಣೆಗೆ ಅಡ್ಡಿಯಾದರೂ, ಪ್ರತಿ ಎರಡು ನಿಮಿಷಕ್ಕೊಮ್ಮೆ ಒಂದು ಉಲ್ಕೆ ಸಿಡಿಯುವಂತೆ ಕಾಣಿಸಲಿದೆ.
ಭಾರತದಲ್ಲಿ ವೀಕ್ಷಣೆ ಹೇಗೆ?
ಪರ್ಸೀಡ್ ಉಲ್ಕಾಪಾತವು ಮಂಗಳವಾರ (ಆಗಸ್ಟ್ 11) ಅಧಿಕವಾಗಿದ್ದರೂ ಬುಧವಾರವೂ ರಾತ್ರಿ ಗೋಚರಿಸಲಿದೆ. ಕೆಲವು ದೇಶಗಳಲ್ಲಿ ಗುರುವಾರ ಕೂಡ ಕಾಣಿಸಲಿದೆ. ಆದರೆ ಭಾರತದಲ್ಲಿ ಮಂಗಳವಾರ ಮತ್ತು ಬುಧವಾರ ಕಾಣಿಸಲಿದೆ. ರಾತ್ರಿ 2 ಗಂಟೆಯಿಂದ ನಸುಕಿನವರೆಗೂ ಉಲ್ಕಾಪಾತದ ದರ್ಶನ ಹೆಚ್ಚಾಗಿರಲಿದೆ.
ಬರಿಗಣ್ಣಿನಿಂದ ನೋಡಬಹುದು
ಅಂದಹಾಗೆ, ಉಲ್ಕಾಪಾತದ ಈ ಆಕರ್ಷಕ ಅನುಭವ ಪಡೆದುಕೊಳ್ಳಲು ಯಾವುದೇ ಸಲಕರಣೆಗಳ ಅಗತ್ಯವಿಲ್ಲ. ಬರಿಗಣ್ಣಿನಿಂದ ನೋಡಬಹುದಾಗಿದೆ. ಆದರೆ ಅದಕ್ಕೆ ಮಾಲಿನ್ಯ, ಅಧಿಕ ಬೆಳಕು ಇಲ್ಲದ ಜಾಗವನ್ನು ನೋವು ನೋಡಿಕೊಳ್ಳಬೇಕು, ಮೋಡವಿಲ್ಲದಿದ್ದರೆ ಯಾವ ಸಾಧನವಿಲ್ಲದೆ ಬರಿಗಣ್ಣಿನಿಂದ ನೋಡಲು ಸಾಧ್ಯ.
ನೇರ ಪ್ರಸಾರವೂ ಇದೆ
ಒಂದು ವೇಳೆ ದಟ್ಟ ಮೋಡ ಆವರಿಸಿರುವ ಕಾರಣ ನೇರವಾಗಿ ಆಕಾಶ ದಿಟ್ಟಿಸಿ ಉಲ್ಕಾಪಾತದ ಸುಂದರ ದೃಶ್ಯ ತುಂಬಿಕೊಳ್ಳಲು ಸಾಧ್ಯವಾಗುತ್ತಿಲ್ಲ ಎಂದರೆ ಕೂಡ ನಿರಾಶೆ ಬೇಡ. ಉಲ್ಕಾಪಾತ ವೀಕ್ಷಣೆಗೆಂದೇ ನಾಸಾ ಫೇಸ್‌ಬುಕ್‌ನಲ್ಲಿ ಲೈವ್ ವಿಡಿಯೋ ಪ್ರಸಾರ ಮಾಡಲಿದ್ದು, ಅದರಲ್ಲಿಯೂ ನೋಡಬಹುದು.
