ಹುಚ್ಚಾಟದ ವೈರಲ್ ವಿಡಿಯೋ ಸಮರ್ಥಿಸಿಕೊಂಡ ಬಿಜೆಪಿ ಶಾಸಕ
ಡೆಹ್ರಾಡೂನ್, ಜುಲೈ 11: ಪಕ್ಷದಿಂದ ಅಮಾನತುಗೊಂಡಿರುವ ಉತ್ತರಾಖಂಡದ ಬಿಜೆಪಿ ಶಾಸಕ ಪ್ರಣವ್ ಸಿಂಗ್ ಅವರು ಗನ್ ಹಿಡಿದು ಕುಣಿಯುವ ವಿಡಿಯೋ ಸಾಮಾಜಿಕ ಜಾಲ ತಾಣಗಳಲ್ಲಿ ಹರಿದಾಡಿದೆ. ಮೊದಮೊದಲು ತಮ್ಮ ಹುಚ್ಚಾಟದ ಬಗ್ಗೆ ಸಮರ್ಥನೆ ನೀಡಿದ್ದ ಪ್ರಣವ್ ನಂತರ ವೈರಲ್ ವಿಡಿಯೋ ಯಾರೋ ಎಡಿಟಿ ಮಾಡಿದ್ದಾರೆ, ನನ್ನ ಖಾಸಗಿತನಕ್ಕೆ ಧಕ್ಕೆಯಾಗಿದೆ ಎಂದಿದ್ದಾರೆ.
Suspended BJP MLA Pranav Singh Champion who was seen in a viral video brandishing guns has now requested for security from Dehradun police alleging threat to him & his family. BJP Uttarakhand unit has recommended central leadership to permanently suspend him pic.twitter.com/r2PVJ65WDd
— ANI (@ANI) July 11, 2019
ಪತ್ರಕರ್ತರೊಬ್ಬರಿಗೆ ಬೆದರಿಕೆ ಹಾಕಿದ ಪ್ರಕರಣದಲ್ಲಿ ಪ್ರಣವ್ ಅವರನ್ನು ಪಕ್ಷದಿಂದ ಮೂರು ತಿಂಗಳ ಅವಧಿಗೆ ಅಮಾನತು ಮಾಡಲಾಗಿತ್ತು. ಈಗ ಈ ವೈರಲ್ ವಿಡಿಯೋ ದೆಸೆಯಿಂದ ಪಕ್ಷದಿಂದಲೇ ಶಾಶ್ವತವಾಗಿ ಉಚ್ಚಾಟನೆಗೊಳ್ಳುವ ಪರಿಸ್ಥಿತಿ ಎದುರಿಸುತ್ತಿದ್ದಾರೆ.
Shyam Jaju, BJP Uttarakhand state in-charge: Party is taking action against BJP MLA Pranav Champion (who was seen in a viral video brandishing guns), central leadership has been recommended to permanently suspend him. (file pic) pic.twitter.com/bZkknE9jw1
— ANI (@ANI) July 11, 2019
ವಿಡಿಯೋದಲ್ಲಿ ಏನಿದೆ?:53 ವರ್ಷ ವಯಸ್ಸಿನ ಶಾಸಕ ಅವರು ತಮ್ಮ ಫಿಟ್ನೆಸ್ ಬಗ್ಗೆ ಹೆಮ್ಮೆಯಿಂದ ಹೇಳಿಕೊಳ್ಳಲು ಈ ರೀತಿ ಪಾರ್ಟಿ ಮಾಡಿ, ಬಾಲಿವುಡ್ ಸಂಗೀತಕ್ಕೆ ಹೆಜ್ಜೆ ಹಾಕುತ್ತಾ, ಎರಡು ಕೈಗಳಲ್ಲಿ ರಿವಾಲ್ವರ್ ಹಿಡಿದು ಹೆಜ್ಜೆ ಹಾಕಿದ್ದಾರೆ.
'ತಮ್ಮ ಬಳಿಯಿದ್ದ ರಿವಾಲ್ವರ್ ಗಳು ಲೈಸೆನ್ಸ್ ಹೊಂದಿದ್ದು, ಮನೆಯಲ್ಲಿ ಪಾರ್ಟಿ ಮಾಡುವುದು ತಪ್ಪಾ?' ಎಂದು ಪ್ರತಿಕ್ರಿಯಿಸಿದ್ದ ಪ್ರಣವ್ ಅವರು, ಪಕ್ಷದಿಂದ ಶೋಕಾಸ್ ನೋಟಿಸ್ ಬಂದ ನಂತರ ತಣ್ಣಗಾಗಿದ್ದಾರೆ. ನನ್ನ ಕುಟುಂಬಕ್ಕೆ ಜೀವ ಬೆದರಿಕೆ ಇದೆ ಭದ್ರತೆ ಒದಗಿಸಿ ಎಂಡು ಕೋರಿದ್ದಾರೆ. ಈ ವಿಡಿಯೋ ಬಗ್ಗೆ ಪರಿಶೀಲನೆ ನಡೆಸಿ, ಸೂಕ್ತ ಕ್ರಮ ಜರುಗಿಸಲಾಗುವುದು ಎಂದು ಉತ್ತರಾಖಂಡ್ ಉಸ್ತುವಾರಿ ಶ್ಯಾಮ್ ಜಾಜು ಅವರು ಹೇಳಿದ್ದಾರೆ.