ತ್ವರಿತ ಅಲರ್ಟ್ ಗಳಿಗಾಗಿ
For Daily Alerts
GST: ಸಕ್ಕರೆ, ಟೀ, ಕಾಫಿ ಬೆಲೆ ಜುಲೈ 1ರಿಂದ ಇಳಿಕೆ
ಜೂನ್ 1 ರಿಂದ ಸಕ್ಕರೆ, ಟೀ, ಕಾಫಿ ಮತ್ತು ಹಾಲಿನ ಪುಡಿ ಬೆಲೆ ಕಡಿಮೆಯಾಗಲಿದೆ. ಇದೀಗ ಸಕ್ಕರೆ ಮೇಲೆ ಒಟ್ಟಾರೆ ಶೇಕಡಾ 8 ತೆರಿಗೆ ಇದೆ. ಜಿಎಸ್ಟಿ ಜಾರಿಗೆ ಬರುತ್ತಿದ್ದಂತೆ ಇದು ಇಳಿಕೆಯಾಗಲಿದೆ.
ನವದೆಹಲಿ, ಮೇ 25: ಜೂನ್ 1 ರಿಂದ ಸಕ್ಕರೆ, ಟೀ, ಕಾಫಿ ಮತ್ತು ಹಾಲಿನ ಪುಡಿ ಬೆಲೆ ಕಡಿಮೆಯಾಗಲಿದೆ. ಸದ್ಯ ಸಕ್ಕರೆಗೆ ಕ್ವಿಂಟಾಲಿಗೆ 71 ರೂಪಾಯಿ ಅಬಕಾರಿ ಸುಂಕ ಹಾಗೂ 124 ರೂಪಾಯಿ ಸೆಸ್ ವಿಧಿಸಲಾಗುತ್ತಿದೆ.
ಇದೀಗ ಸಕ್ಕರೆ ಮೇಲೆ ಒಟ್ಟಾರೆ ಶೇಕಡಾ 8 ತೆರಿಗೆ ಇದೆ. ಜಿಎಸ್ಟಿ ಜಾರಿಗೆ ಬರುತ್ತಿದ್ದಂತೆ ಇದು ಇಳಿಕೆಯಾಗಲಿದೆ.
"ಜಿಎಸ್ಟಿಯಲ್ಲಿ ಸಕ್ಕರೆಗೆ ಕೇವಲ ಶೇಕಡಾ 5 ತೆರಿಗೆ ಶಿಫಾರಸ್ಸು ಮಾಡಲಾಗಿದೆ. ಸದ್ಯದ ತೆರಿಗೆಗಿಂತ ಇದು ಶೇಕಡಾ 3ರಷ್ಟು ಕಡಿಮೆಯಾಗಿದೆ," ಎಂದು ಹಣಕಾಸು ಇಲಾಖೆ ಹೇಳಿದೆ.
ಇದೇ ರೀತಿಯಲ್ಲಿ ಕಾಫಿ ಮತ್ತು ಚಹಾ ಬೆಲೆಯೂ ಇಳಿಕೆಯಾಗಲಿದೆ. ಸದ್ಯ ಇವುಗಳ ಮೇಲೆ ಶೇಕಡಾ 7 ತೆರಿಗೆ ಇದ್ದು ಇದು ಶೇಕಡಾ 5ಕ್ಕೆ ಇಳಿಕೆಯಾಗಲಿದೆ.
ಇನ್ನು ಸದ್ಯ ಹಾಲಿನ ಪೌಡರ್ ಮೇಲೆ ಶೇಕಡಾ 7 ತೆರಿಗೆ ಇದೆ. ಮುಂದೆ ಇದು ಶೇಕಡಾ 5ಕ್ಕೆ ಇಳಿಕೆಯಾಗಲಿದೆ.
ಇನ್ನು ಎಲ್ಲಾ ಉತ್ಪನ್ನಗಳ ಮೇಲೆ ಪರೋಕ್ಷ ತೆರಿಗೆಯೂ ಇರದೇ ಇರುವುದರಿಂದ ಇನ್ನೂ ಒಂದಷ್ಟು ಬೆಲೆ ಇಳಿಕೆಯಾಗಲಿದೆ.
Comments
English summary
Sugar, tea, coffee and milk powder will cost less with tax incidence coming down under the goods and services tax scheduled to be rolled out from July 1.
Story first published: Thursday, May 25, 2017, 21:27 [IST]