'ಯೂರಿನ್' ನಿಂದ ಯೂರಿಯಾ ಉತ್ಪಾದನೆ: ಇದು ಗಡ್ಕರಿ ಐಡಿಯಾ
ನಾಗ್ಪುರ್, ಮಾರ್ಚ್ 04: ಕೇಂದ್ರ ಸಚಿವ ನಿತಿನ್ ಗಡ್ಕರಿ ಅವರು ನೀಡಿರುವ ಹೊಸ ಸಲಹೆ ಕೇಳಿ ಹಲವರ ಹುಬ್ಬೇರಬಹುದು.
ದೇಶದ ಜನರ ಮೂತ್ರವನ್ನು ಸಂಗ್ರಹಿಸಿ ಅದರಿಂದ ಯೂರಿಯಾ ಉತ್ಪಾದಿಸಬಹುದಾಗಿದೆ. ಈ ಮೂಲಕದ ವಿದೇಶದಿಂದ ಯೂರಿಯಾ ಆಮದು ಮಾಡಿಕೊಳ್ಳುವುದನ್ನು ತಪ್ಪಿಸಬಹುದು ಎಂದು ಕೇಂದ್ರ ಸಾರಿಗೆ ಸಚಿವ ನಿತಿನ್ ಗಡ್ಕರಿ ಅವರು ಸಲಹೆ ನೀಡಿದರು.
ಪುಲ್ವಾಮಾ ದಾಳಿ ಪರಿಣಾಮ: ಪಾಕಿಸ್ತಾನದ ಮೇಲೆ 'ಜಲ ಬಾಂಬ್'
ನಾಗಪುರದ ಮುನ್ಸಿಪಲ್ ಕಾರ್ಪೋರೇಷನ್ ನಲ್ಲಿ ಭಾನುವಾರದಂದು ಆಯೋಜಿಸಿದ್ದ ಮೇಯರ್ ಇನ್ನೋವೇಶನ್ ಅವಾರ್ಡ್ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಮಾತನಾಡಿದ ಗಡ್ಕರಿ, ಮೂತ್ರದಿಂದ ಯೂರಿಯಾವನ್ನು ಉತ್ಪಾದಿಸಬಹುದಾಗಿದೆ. ಈ ಕುರಿತಂತೆ ಸಂಶೋಧನೆ ನಡೆಸಲಾಗಿದೆ. ದೇಶದ ಜನರ ಮೂತ್ರವನ್ನು ಸಂಗ್ರಹಿಸಿದಲ್ಲಿ ವಿದೇಶದಿಂದ ರಸಗೊಬ್ಬರ ಆಮದು ನಿಲ್ಲಿಸಬಹುದು ಎಂದರು.
ಜೈವಿಕ ಇಂಧನಗಳನ್ನು ನೈಸರ್ಗಿಕ ತ್ಯಾಜ್ಯದಿಂದ ಹೇಗೆ ಪಡೆಯಬಹುದು ಎಂಬುದರ ಬಗ್ಗೆ ಗಡ್ಕರಿ ಉದಾಹರಣೆ ನೀಡಿದರು. ಈ ಹಿಂದೆ 'ನಾನು ವಿಮಾನ ನಿಲ್ದಾಣದಲ್ಲಿ ಮೂತ್ರ ಸಂಗ್ರಹಿಸುವಂತೆ ಹೇಳಿದ್ದೆ. ಆದರೆ ಅದನ್ನು ಯಾರೂ ಕೇಳಿಸಿಕೊಳ್ಳಲಿಲ್ಲ' ಎಂದು ತಿಳಿಸಿದರು.
ಪಿಎಂ ಹುದ್ದೆ, ಮೋದಿಗೆ ಪರ್ಯಾಯವಾಗಿ ಇನ್ನೊಬ್ಬರು: ಗಡ್ಕರಿ ಸ್ಪಷ್ಟನೆ
ಮನುಷ್ಯನ ತಲೆ ಕೂದಲು ಬಳಸಿ ಅಮೈನೋ ಆಸಿಡ್ ಉತ್ಪಾದನೆ ಮಾಡಲಾಗುತ್ತದೆ. ನಾಗಪುರದಲ್ಲಿ ಜಾಸ್ತಿ ಕೂದಲು ಸಿಗದ ಕಾರಣ, ತಿರುಪತಿಯಿಂದ ಐದು ಟ್ರಕ್ ಕೂದಲು ತರುತ್ತೇವೆ ಎಂದರು. ತಲೆಕೂದಲಿನ ಪ್ರಯೋಗ ಯಶಸ್ವಿಯಾದ ನಂತರದಲ್ಲಿ ಅಮೈನೋ ಆಸಿಡ್ ಉತ್ಪಾದನೆ ಶೇ. 25 ರಷ್ಟು ಹೆಚ್ಚಾಗಿದೆ. ಅಮೈನೊ ಆಸಿಡ್ ವಿದೇಶಕ್ಕೆ ರಫ್ತು ಮಾಡುತ್ತಿದ್ದೇವೆ. ದುಬೈನಿಂದ ಜೈವಿಕ ಇಂಧನಕ್ಕಾಗಿ 180 ಕಂಟನೈರ್ ಗಳು ಸಾಗಲಿವೆ ಎಂದರು. ಉದ್ಯಮಿಯೂ ಆಗಿರುವ ನಿತಿನ್ ಗಡ್ಕರಿ ಅವರು ಪೂರ್ತಿ ಗ್ರೂಪ್ ಆಫ್ ಇಂಡಸ್ಟ್ರೀಯ ಮಾಲೀಕರಾಗಿದ್ದಾರೆ.(ಪಿಟಿಐ)