Click it and Unblock the Notifications
Just In
-
-
-
Don't Miss
-
'ಮಾರ್ಟಿನ್' ಚಿತ್ರದ ನಿರ್ಮಾಪಕ- ನಿರ್ದೇಶಕರ ಮಧ್ಯೆ ಕಿರಿಕ್: ಕೊನೆಗೂ ಸಿಕ್ತು ಸ್ಪಷ್ಟನೆ -
RCB vs KKR IPL 2024: ಕೆಕೆಆರ್ ವಿರುದ್ಧ ಆರ್ಸಿಬಿ ಹಸಿರು ಜೆರ್ಸಿಯಲ್ಲಿ ಕಣಕ್ಕೆ; ಅಂದೇ ಏಕೆ? -
ಮನೆಯಲ್ಲಿ ಸುಲಭವಾಗಿ ಬೀನ್ಸ್ ಬೆಳೆಯಬಹುದು..! ಹೇಗೆ ನೋಡಿ..! -
ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ! -
ಬಿಸಿಲ ಬೇಗೆಯಿಂದ ರಕ್ಷಿಸಿಕೊಳ್ಳಲು ಟ್ರಾಫಿಕ್ ಪೊಲೀಸರಿಗೆ ರಿಲಿಫ್: ಬಂತು ಹವಾನಿಯಂತ್ರಿತ ಎಸಿ ಹೆಲ್ಮೆಟ್! -
Samsung: ಸ್ಯಾಮ್ಸಂಗ್ನ ಈ ಸರಣಿ ಫೋನ್ಗಳಲ್ಲಿ ಗ್ರೀನ್ ಲೈನ್ ಸಮಸ್ಯೆ! ವರದಿ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ತಾಯಿಯನ್ನು ಕೊಂದು, ಆಕೆ ಹೃದಯಕ್ಕೆ ಚಟ್ನಿ, ಮೆಣಸುಪುಡಿ ಹಚ್ಚಿ ತಿಂದ ಮಗ
ಪುಣೆ, ಆಗಸ್ಟ್ 29: ಕುಡಿತ ಹಾಗೂ ಹಸಿವು ಜತೆಗೆ ಸೇರಿದರೆ ಮನುಷ್ಯತ್ವವನ್ನೇ ಕಸಿದು ಬಿಡುತ್ತದೆಯೇ ಎಂದು ಪ್ರಶ್ನೆ ಮೂಡಿಸುವಂಥ ಘಟನೆಯಿದು. ಕೊಲ್ಲಾಪುರದಲ್ಲಿ ಸೋಮವಾರ ಮಧ್ಯಾಹ್ನ ಪಾನಮತ್ತನಾದ ವ್ಯಕ್ತಿಯೊಬ್ಬ ತನ್ನ ತಾಯಿಯನ್ನು ಕೊಂದು, ಆಕೆಯ ಹೃದಯವನ್ನು ಕತ್ತರಿಸಿ, ಚಟ್ನಿ ಹಾಗೂ ಮೆಣಸಿನ ಪುಡಿಯೊಂದಿಗೆ ಸ್ವಲ್ಪ ಭಾಗವನ್ನು ತಿಂದಿದ್ದಾನೆ.
ಆ ನಂತರ ಮನೆಯಿಂದ ಆಚೆ ಬಂದ ಆತನ ಕೈಗಳಿಂದ ರಕ್ತ ಸೋರುತ್ತಿರುವುದನ್ನು ಕಂಡು ಯಾರು ದೂರು ನೀಡಿದರೋ ಪೊಲೀಸರು ಬಂಧಿಸಿದ್ದಾರೆ. ಸುನೀಲ್ ಕುಂಚಕರ್ಣಿ ಬಂಧಿತ. ಈತ ತಾರಾರಾಣಿ ಚೌಕದ ಮಹಾವಾಲ ವಸತ್ ನ ನಿವಾಸಿ. ತನ್ನ ತಾಯಿ ಎಳವ ಎಂಬಾಕೆಯನ್ನು ಕೊಂದಿದ್ದಾನೆ. ಆತನ ವಿರುದ್ಧ ಕೊಲೆ ಪ್ರಕರಣ ದಾಖಲಿಸಲಾಗಿದೆ.
Recommended Video
ಸುನೀಲ್ ನಿರ್ಮಾಣ ಕಾರ್ಯಗಳಲ್ಲಿ ಕೆಲಸ ಮಾಡುತ್ತಿದ್ದ ಕೂಲಿ ಕಾರ್ಮಿಕ. ಆತನಿಗೆ ಮದುವೆಯಾಗಿದ್ದು, ಮೂವರು ಮಕ್ಕಳಿವೆ. ಆದರೆ ಪತ್ನಿಯು ಮಕ್ಕಳ ಜತೆಗೆ ಮುಂಬೈನ ತವರುಮನೆಯಲ್ಲಿ ಇದ್ದಾರೆ.
ಕೊಲೆ ನಡೆದ ದಿನ ಸುನೀಲ್ ವಿಪರೀತ ಕುಡಿದಿದ್ದ. ಮೊದಲಿಗೆ ನೆರೆಮನೆಗೆ ಹೋಗಿ ಊಟ ಕೇಳಿದ್ದಾನೆ. ಅವರು ಕೊಡದಿದ್ದಾಗ ತನ್ನ ಮನೆಗೆ ಹೋಗಿದ್ದಾನೆ. ಹೋದಹೋದವನೇ ತನ್ನ ತಾಯಿ ಜತೆಗೆ ಹೊಡೆದಾಟ ನಡೆಸಿದ್ದಾನೆ. ಆ ನಂತರ ಆಕೆಯನ್ನು ತಿವಿದು ಕೊಂದಿದ್ದಾನೆ. ಹೃದಯವನ್ನು ಬಗೆದು ಅದಕ್ಕೆ ಚಟ್ನಿ ಹಚ್ಚಿ, ಮೆಣಸು ಪುಡಿ ಸವರಿ ಸ್ವಲ್ಪ ಭಾಗ ತಿಂದಿದ್ದಾನೆ.
ಸದ್ಯಕ್ಕೆ ಸುನೀಲ್ ನನ್ನು ಬಂಧಿಸಲಾಗಿದ್ದು, ವಿಚಾರಣೆ ಮುಂದುವರಿದಿದೆ.
