• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಮಿಯಾಂ ಮಿಯಾಂ ಬಿರಿಯಾನಿ ಬೇಕೇ, ಇಲ್ಲೇ ಪಕ್ಕದ ಕರಾವಳಿಯಲ್ಲಿ ಸಿಗುತ್ತೆ!

By Balaraj
|

ಚೆನ್ನೈ, ಅ 30: ಚಿಕನ್, ಮಟನ್ ಬಿರಿಯಾನಿ ಕೇಳಿದ್ದೇವೆ, ಬೌಬೌ ಬಿರಿಯಾನಿಯೂ ಸುದ್ದಿ ಮಾಡಿದ್ದಾಗಿತ್ತು. ಈಗ ಬೆಕ್ಕನ್ನೂ ಬಿಡದ ಕೆಲವು ಭಕ್ಷಕರು ಬೆಕ್ಕಿನ ಮಾಂಸದ ಬಿರಿಯಾನಿಯ ರುಚಿಯನ್ನೂ ಸವಿದಿದ್ದಾಗಿದ್ದಂತೆ. ಅಕಟಕಟಾ..

ಹೌದು, ವಿಚಿತ್ರವಾದರೂ ಇದು ಸತ್ಯ. ಕರಾವಳಿ ನಗರ ಚೆನ್ನೈನ ಪಲ್ಲಾವರಂ ಏರಿಯಾದಲ್ಲಿ ಕೆಲವು ನಿರ್ದಿಷ್ಟ ಗ್ರಾಹಕರಿಗೆ ಬೆಕ್ಕಿನ ಮಾಂಸದ ಬಿರಿಯಾನಿಯನ್ನು ಉಣಬಡಿಸಲಾಗುತ್ತಿದೆಯಂತೆ. ವಿಷಯ ತಿಳಿದ ಪೊಲೀಸರು ಹದಿನಾರು ಜೀವಂತ ಬೆಕ್ಕನ್ನು ರಕ್ಷಿಸಿದ್ದಾರೆ.

ಪೀಪಲ್ಸ್ ಫಾರ್ ಅನಿಮಲ್ಸ್ ಸಂಘಟನೆಯ ಕಾರ್ಯಕರ್ತರು ನೀಡಿದ ದೂರಿನನ್ವಯ, ಕಾರ್ಯಪ್ರವೃತ್ತರಾದ ಪೊಲೀಸರು ಶುಕ್ರವಾರ (ಅ 28) ಬಡಪಾಯಿ ಬೆಕ್ಕುಗಳನ್ನು ರಕ್ಷಿಸಿ, ಆರೋಪಿಗಳನ್ನು ಕೃಷ್ಣನ ಜನ್ಮಸ್ಥಾನಕ್ಕೆ ಕಳುಹಿಸಿದ್ದಾರೆ ಎಂದು ಟೈಮ್ಸ್ ಆಫ್ ಇಂಡಿಯಾ ಪತ್ರಿಕೆ ವರದಿ ಮಾಡಿದೆ.

Sixteen-cats kept for meat rescued in Chennai

ನಾರಿಕೋರ್ವಾಸ್ ಎನ್ನುವ ಸಮುದಾಯದವರು ಬಿರಿಯಾನಿ ತಯಾರಿಸಲು ಬೆಕ್ಕಿನ ಮಾಂಸವನ್ನು ಪಲ್ಲಾವರಂ ಏರಿಯಾದ ರಸ್ತೆಬದಿ ವ್ಯಾಪಾರಿಗಳಿಗೆ ನೀಡುತ್ತಿದ್ದರು ಎನ್ನುವ ವಿಷಯ ಪೊಲೀಸ್ ವಿಚಾರಣೆಯ ವೇಳೆ ಬಹಿರಂಗಗೊಂಡಿದೆ.

ಪೀಪಲ್ಸ್ ಫಾರ್ ಅನಿಮಲ್ಸ್ ಸಂಘಟನೆಯ ಇಬ್ಬರು ಕಾರ್ಯಕರ್ತರು ನಾರಿಕೋರ್ವಾಸ್ ಸಮುದಾಯದ ಯುವಕರನ್ನು ಸಂಪರ್ಕಿಸಿ, ಹೇಗೆ ಬೆಕ್ಕನ್ನು ಕದ್ದುತಂದು ಅದರ ಮಾಂಸ ತೆಗೆದು ಬಿರಿಯಾನಿ ಅಂಗಡಿಗೆ ಮಾರಾಟ ಮಾಡಲಾಗುತ್ತದೆ ಎನ್ನುವುದರ ಬಗ್ಗೆ ತಿಳಿದುಕೊಂಡಿದ್ದಾರೆ.

ಆ ಸಮುದಾಯದ ಯುವಕರು ನೀಡಿದ ಮಾಹಿತಿಯನ್ನು ವಿಡಿಯೋ ಫುಟೇಜ್ ಸಹಿತ ಪಲ್ಲಾವರಂ ಪೊಲೀಸರಿಗೆ ಸಂಘಟನೆಯವರು ದೂರು ನೀಡಿದ್ದಾರೆ. ಶುಕ್ರವಾರ ಬೆಳಗ್ಗೆ ಈ ಪ್ರದೇಶಕ್ಕೆ ಹೋದ ಪೊಲೀಸರು ಒಂದೇ ಬೋನಿನಲ್ಲಿ ಇಡಲಾಗಿದ್ದ 16 ಬೆಕ್ಕುಗಳನ್ನು ರಕ್ಷಿಸಿದ್ದಾರೆ.

ಬೆಕ್ಕು ಕಾಣೆಯಾಗಿದೆ ಎನ್ನುವ ದೂರು ಬಹಳಷ್ಟು ನಾಗರೀಕರಿಂದ ಬರುತ್ತಿದ್ದವು. ಆರೋಪಿಗಳನ್ನು ಬಂಧಿಸಿ ಕಟ್ಟುನಿಟ್ಟಿನ ವಿಚಾರಣೆ ನಡೆಸಲಾಗುವುದು. ಮುಂದೆ ಇಂತಹ ಘಟನೆ ನಡೆಯದಂತೆ ಎಚ್ಚರ ವಹಿಸುತ್ತೇವೆಂದು ಪೊಲೀಸ್ ಅಧಿಕಾರಿಗಳು ಹೇಳಿದ್ದಾರೆ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Police and volunteers of People for Animals (PfA) rescued 16 cats from a narikorava settlement in Pallavaram in Chennai on Friday (Oct 28). The cats were kept for their meat for preparing biriyani.

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more