ಸರ್ಕಾರಿ ನೌಕರರಿಗೆ ಕಹಿ ಸುದ್ದಿ: ವಾರದಲ್ಲಿ ಆರು ದಿನ ಕೆಲಸ

ಗ್ಯಾಂಗ್‌ಟಾಕ್‌, ಮಾರ್ಚ್ 10: ಇನ್ನುಮುಂದೆ ಸರ್ಕಾರಿ ನೌಕರರು ವಾರದಲ್ಲಿ ಆರು ದಿನ ಕೆಲಸ ಮಾಡಬೇಕು ಎಂದು ಸಿಕ್ಕಿಂ ಸರ್ಕಾರ ಆದೇಶ ಹೊರಡಿಸಿದೆ.

ಮುಖ್ಯಮಂತ್ರಿಯಾಗಿ ಪ್ರೇಮ್ ಸಿಂಗ್ ತಮಂಗ್ ಕಳೆದ ವರ್ಷ ಅಧಿಕಾರ ಸ್ವೀಕರಿಸಿದಾಗ ಸರ್ಕಾರಿ ನೌಕರರು ಐದು ದಿನ ಮಾತ್ರ ಕೆಲಸ ಕೆಲಸ ಮಾಡಬೇಕು ಎಂದು ಸೂಚನೆ ನಿಡಿದ್ದರು.

ಆದರೆ ಸರ್ಕಾರಿ ನೌಕರರ ಕೆಲಸ ತೃಪ್ತಿದಾಯಕವಾಗಿಲ್ಲದ ಕಾರಣ ಮತ್ತೆ ವಾರದಲ್ಲಿ ಆರು ದಿನಗಳು ಕೆಲಸ ಮಾಡಬೇಕು ಎಂದು ಆದೇಶಿಸಿದ್ದಾರೆ.

ಕೇವಲ ಎರಡನೇ ಮತ್ತು ನಾಲ್ಕನೇ ಶನಿವಾರ ಮಾತ್ರ ರಜೆ ಇರಲಿದೆ. ಈ ಹೊಸ ನಿಯಮ ಏಪ್ರಿಲ್ 1ರಿಂದ ಜಾರಿಗೆ ಬರಲಿದೆ. 2019ರ ಮೇ 28 ರಂದು ಸರ್ಕಾರವೇ ಹೊರಡಿಸಿದ್ದ ನೋಟಿಫಿಕೇಷನ್‌ನಲ್ಲಿ ತಿದ್ದುಪಡಿ ಮಾಡಿ ಸರ್ಕಾರದ ಮುಖ್ಯ ಕಾರ್ಯದರ್ಶಿ ಎಸ್‌ಸಿ ಗುಪ್ತಾ ಏಪ್ರಿಲ್‌ 1 2020ರಿಂದ ಹೊಸ ನಿಯಮ ಜಾರಿಗೆ ಬರಲಿದೆ ಎಂದು ತಿಳಿಸಿದ್ದಾರೆ.

English summary

Not happy with the performance of the employees, the Sikkim government has withdrawn the five-day working week system and declared that they will get holidays only on second and fourth Saturdays.