ಪ್ರವಾಸಕ್ಕೆ ಹೋದ ಬಾಲಕಿಗೆ ವೃದ್ಧಾಶ್ರಮದಲ್ಲಿ ಸಿಕ್ಕರು ಅಜ್ಜಿ: ಕಣ್ಣು ಒದ್ದೆ ಮಾಡುವ ಘಟನೆ
ಬೆಂಗಳೂರು, ಆಗಸ್ಟ್ 21: ಶಾಲಾ ಪ್ರವಾಸದ ಭಾಗವಾಗಿ ವೃದ್ಧಾಶ್ರಮವೊಂದಕ್ಕೆ ತೆರಳಿದ್ದ ಬಾಲಕಿಯೊಬ್ಬಳಿಗೆ ಅಲ್ಲಿ ತನ್ನ ಅಜ್ಜಿ ಪತ್ತೆಯಾದ ಹೃದಯಸ್ಪರ್ಶಿ ಘಟನೆ ವರದಿಯಾಗಿದೆ.
Recommended Video
ಶಾಲೆಯೊಂದರ ವಿದ್ಯಾರ್ಥಿಗಳನ್ನು ಪ್ರವಾಸಕ್ಕೆಂದು ಕರೆದೊಯ್ಯಲಾಗಿತ್ತು. ಅದರ ಭಾಗವಾಗಿ ವೃದ್ಧಾಶ್ರಮವೊಂದಕ್ಕೂ ತೆರಳಿದ್ದರು. ಅಲ್ಲಿ ವಿದ್ಯಾರ್ಥಿನಿಯರ ಬಳಗದಲ್ಲಿದ್ದ 14 ವರ್ಷದ ಬಾಲಕಿಯೊಬ್ಬಳಿಗೆ ತನ್ನ ಅಜ್ಜಿ ಆಕಸ್ಮಿಕವಾಗಿ ಪತ್ತೆಯಾಗಿದ್ದಾರೆ.
ಕುಸುಮಜ್ಜಿ ಬದುಕಿನ ಸಂಧ್ಯಾಕಾಲದಲ್ಲಿ ಬೆಳಕಾದ ಬಜಪೆ ಪೊಲೀಸರು
ಅಜ್ಜಿಯನ್ನು ಕಂಡ ಕೂಡಲೇ ಬಾಲಕಿ ಅಚ್ಚರಿ ಮತ್ತು ಆಘಾತಕ್ಕೆ ಒಳಗಾಗಿದ್ದಾಳೆ. ಪ್ರೀತಿಯ ಅಜ್ಜಿ ಮತ್ತೆ ಸಿಗುತ್ತಿದ್ದಂತೆಯೇ ಬಾಲಕಿಯ ದುಃಖದ ಕಟ್ಟೆಯೊಡೆದುಬಂದಿದೆ. ಅಜ್ಜಿ-ಮೊಮ್ಮಗಳ ಪ್ರೀತಿಯ ಮರುಸೇರ್ಪಡೆಯ ಭಾವುಕ ಕ್ಷಣಗಳಿಗೆ ಶಾಲೆಯ ಶಿಕ್ಷಕರು, ವಿದ್ಯಾರ್ಥಿಗಳು ಮತ್ತು ವೃದ್ಧಾಶ್ರಮದ ನಿವಾಸಿಗಳು ಸಾಕ್ಷಿಯಾದರು.
ಮನಮಿಡಿವ 'ಆ ಸುದ್ದಿ'ಗೆ ಒನ್ಇಂಡಿಯಾ ಓದುಗರ ಹೃದಯಸ್ಪರ್ಶಿ ಪ್ರತಿಕ್ರಿಯೆ
ಈ ಮನಮಿಡಿಯುವ ದೃಶ್ಯ ಅಲ್ಲಿ ನೆರೆದಿದ್ದ ಜನರ ಕಣ್ಣಾಲಿಗಳಲ್ಲಿಯೂ ನೀರು ಜಿನುಗಿಸಿತು. ಅಜ್ಜಿಯ ಜತೆ ಜತೆ ಕುಳಿತ ಬಾಲಕಿ ಬಿಕ್ಕಿ ಅಳುತ್ತಿರುವ ಚಿತ್ರ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ಬಾಲಕಿಗೆ ತಿಳಿಯದಂತೆ ಆಕೆಯ ಪೋಷಕರು ಅಜ್ಜಿಯನ್ನು ವೃದ್ಧಾಶ್ರಮಕ್ಕೆ ಕರೆತಂದು ಸೇರಿಸಿ ಹೋಗಿದ್ದರು. ಬಾಲಕಿ ವಿಚಾರಿಸಿದಾಗ ತಮ್ಮ ಸಂಬಂಧಿಕರ ಮನೆಯಲ್ಲಿ ಅಜ್ಜಿ ವಾಸಿಸುತ್ತಿರುವುದಾಗಿ ಬಾಲಕಿಗೆ ಸುಳ್ಳು ಹೇಳಿದ್ದರು ಎನ್ನಲಾಗಿದೆ.
ಉಳುವಾ ನ್ಯಾಯಮೂರ್ತಿಯ ನೋಡಲ್ಲಿ!: ಕೃಷಿಗಿಳಿದು ಮಾದರಿಯಾದ ನ್ಯಾ. ಸೆಲ್ವಂ
A school organised a tour to an old age home and this girl found her grandmother there. When she used to ask her parents about the whereabouts of grandma, she was told that she has gone to meet her relatives. This is the society we are creating...#Heart_touching.. pic.twitter.com/fHRFVFAFyx
— Anita Chauhan (@anita_chauhan80) 21 August 2018
ವಿದೇಶಿ ಸಂಸ್ಕೃತಿಯಿಂದ ಪ್ರೇರಣೆಗೊಂಡ ನಾವು ಸೃಷ್ಟಿಸುತ್ತಿರುವ ಸಮಾಜ ಇದಾಗಿದೆ. ಅವಿಭಕ್ತ ಕುಟುಂಬಗಳು ಕಣ್ಮರೆಯಾಗಿ ಎಲ್ಲರೂ ಪ್ರತ್ಯೇಕವಾಗಿ ವಾಸಿಸುತ್ತಾ ಸಂಬಂಧಗಳ ಮೌಲ್ಯ ಮರೆತಿದ್ದೇವೆ. ಇದು ದುರದೃಷ್ಟಕರ ಎಂದು ಈ ಫೋಟೊವನ್ನು ಹಂಚಿಕೊಂಡಿರುವ ಅನೇಕರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
ನನ್ನಪ್ಪನ ಸಾವಿನ ಪ್ರತೀಕಾರ ತೀರಿಸಿಕೊಳ್ಳುತ್ತೇನೆ: ಯೋಧನ ಮಗನ ಭಾವುಕ ನುಡಿ!
ಆದರೆ, ಈ ಫೋಟೊ ಯಾವ ಊರಿನದು, ಬಾಲಕಿಯ ಪೋಷಕರು ಯಾರು ಮುಂತಾದ ಮಾಹಿತಿಗಳು ತಿಳಿದುಬಂದಿಲ್ಲ.