ನೀರವ್ ಮೋದಿಗೆ ಸೇರಿದ ಸಾಗರೋತ್ತರ ಖಾತೆಗಳಿಗೆ ಎಸ್.ಬಿ.ಐ ಬೀಗ
ನವದೆಹಲಿ, ಮಾರ್ಚ್ 2: ನೀರವ್ ಮೋದಿ ಕಂಪನಿಗಳಿಗೆ ಸೇರಿದ ಮೂರು ಸಾಗರೋತ್ತರ ಖಾತೆಗಳನ್ನು ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಸ್ಥಗಿತಗೊಳಿಸಿದೆ. ಮಾತ್ರವಲ್ಲ ಈ ಖಾತೆಗಳಿಗೆ ಸೇರಿದ ಮಾಹಿತಿಯನ್ನು ಬ್ಯಾಂಕ್ ಅಧಿಕಾರಿಗಳು ತನಿಖಾ ಸಂಸ್ಥೆಗಳ ಜೊತೆ ಹಂಚಿಕೊಂಡಿದ್ದಾರೆ.
ನೀರವ್ ಮೋದಿಗೆ ಸೇರಿದ 523 ಕೋಟಿ ಆಸ್ತಿ ಜಪ್ತಿ, ಕೌಂಟಿಂಗ್
"ನಾವು ನಮ್ಮಲ್ಲೇ ಆಂತರಿಕ ತನಿಖೆ ನಡೆಸಿದ್ದೇವೆ. ಈ ವೇಳೆ ನೀರವ್ ಮೋದಿ ಕಂಪನಿಗಳಿಗೆ ಸೇರಿದ ಖಾತೆಗಳು ನಮ್ಮ ಸಾಗರೋತ್ತರ ಶಾಖೆಗಳಲ್ಲಿ ಇರುವುದು ಪತ್ತೆಯಾಗಿದೆ. ಈ ಹಿನ್ನಲೆಯಲ್ಲಿ ನಾವು ಈ ಖಾತೆಗಳ ವ್ಯವಹಾರವನ್ನು ಸ್ಥಗಿತಗೊಳಿಸಿದ್ದೇವೆ," ಎಂದು ಬ್ಯಾಂಕ್ ಅಧಿಕಾರಿಯೊಬ್ಬರು ಪಿಟಿಐಗೆ ಮಾಹಿತಿ ನೀಡಿದ್ದಾರೆ.
ಈ ಖಾತೆಗಳು ಬ್ಯಾಂಕಿನ ದುಬೈ, ಬಹ್ರೇನ್ ಮತ್ತು ಆಟ್ವೆರ್ಪ್ ನಲ್ಲಿ ಇದೆ ಎಂದು ತಿಳಿದು ಬಂದಿದೆ. ಈ ಖಾತೆಗಳಿಗೂ ಪಿಎನ್ ಬಿ ಹಗರಣಕ್ಕೂ ನೇರವಾದ ಸಂಬಂಧಗಳಿಲ್ಲ ಎಂದು ಎಸ್.ಬಿ.ಐ ಹೇಳಿದೆ. ಆದರೆ ಮಾಹಿತಿಗಳನ್ನು ಹಂಚಿಕೊಂಡಿರುವದರಿಂದ 'ಸಿಬಿಐ' ಮತ್ತು 'ಇಡಿ'ಯ ತನಿಖೆಗೆ ಸಹಾಯಕವಾಗಲಿದೆ ಎಂದು ಬ್ಯಾಂಕ್ ಹೇಳಿಕೊಂಡಿದೆ.
ನೀರವ್ ಮೋದಿಗೂ ನಮ್ಮ ಮೈಸೂರಿಗೂ ಏನಿದು ಲಿಂಕು..!?