ವಿ.ಎಸ್.ಸಂಪತ್ ಕಾಂಗ್ರೆಸ್ ಪರ: ವಿಕಿಲೀಕ್ಸ್
ನವದೆಹಲಿ, ಮೇ 10: ಹಾಲಿ ಮುಖ್ಯ ಚುನಾವಣಾ ಆಯುಕ್ತ ವಿ.ಎಸ್. ಸಂಪತ್ ಖಡಕ್ ಅಧಿಕಾರಿ ಎಂದು ಪ್ರಸಿದ್ಧರಾದರೂ, ಅವರು ಕಾಂಗ್ರೆಸ್ ಪರ ನಿಲುವು ಹೊಂದಿದ್ದಾರೆ ಎಂದು ಅಮೆರಿಕದ ರಾಯಭಾರಿ ಒಬ್ಬರು ಕಳುಹಿಸಿರುವ ಸಂದೇಶವನ್ನು ವೀಕಿಲಿಕ್ಸ್ ಬಹಿರಂಗ ಪಡಿಸಿದೆ.
ಲೋಕಸಭಾ ಚುನಾವಣೆಯಲ್ಲಿ ಚುನಾವಣಾ ಆಯೋಗದ ನಡೆ ಸರಿಯಿಲ್ಲ ಎಂದು ಬಿಜೆಪಿ ಹೋರಾಟ ನಡೆಸುತ್ತಿರುವಾಗಲೇ ವಿಕಿಲೀಕ್ಸ್ ಬಿಡುಗಡೆ ಮಾಡಿದ ಈ ಸಂದೇಶ ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡಲಾರಂಭಿಸಿದೆ.[ಮೋದಿ ಸಮಾವೇಶಕ್ಕೆ ಚುನಾವಣಾ ಆಯೋಗದಿಂದ ಬ್ರೇಕ್
ಯುಪಿಎ ಸರ್ಕಾರ 2014ರ ಲೋಕಸಭಾ ಚುನಾವಣೆಯನ್ನು ಗಮನದಲ್ಲಿಟ್ಟುಕೊಂಡು 2009ರಲ್ಲಿ 59 ವರ್ಷದ ಸಂಪತ್ ಅವರನ್ನು ಚುನಾವಣಾ ಆಯುಕ್ತರನ್ನಾಗಿ ನೇಮಕ ಮಾಡಿತ್ತು.ಇಂಧನ ಇಲಾಖೆ ಕಾರ್ಯದರ್ಶಿಯಾಗಿದ್ದ ಸಂಪತ್ ಅವರು ಆಂಧ್ರದ ಪ್ರದೇಶದ ಮುಖ್ಯಮಂತ್ರಿ ವೈ.ಎಸ್. ರಾಜಶೇಖರ ರೆಡ್ಡಿಗೆ ಆಪ್ತರು. ರಾಜಶೇಖರ ರೆಡ್ಡಿ ಪ್ರಭಾವದಿಂದಾಗಿ ಸಂಪತ್ರನ್ನು ಚುನಾವಣಾ ಆಯುಕ್ತರನ್ನಾಗಿ ಯುಪಿಎ ನೇಮಕ ಮಾಡಿದೆ ಎಂದು 2009ರಲ್ಲಿ ಅಮೆರಿಕ ರಾಯಭಾರಿ ಕಳುಹಿಸಿರುವ ಕೇಬಲ್ ಸಂದೇಶವನ್ನು ವಿಕಿಲೀಕ್ಸ್ ಬಹಿರಂಗ ಪಡಿಸಿದೆ.
ಚುನಾವಣಾ ಆಯುಕ್ತರಾಗಿ ಈ ಹಿಂದೆ ನೇಮಕವಾಗಿದ್ದ ನವೀನ್ ಚಾವ್ಲಾ ಕಾಂಗ್ರೆಸ್ ಪರವಾಗಿ ಕೆಲಸ ಮಾಡುತ್ತಿದ್ದಾರೆ. ಅವರನ್ನು ಹುದ್ದೆಯಿಂದ ವಜಾಗೊಳಿಸಬೇಕೆಂದು ಅಂದಿನ ಮುಖ್ಯ ಚುನಾವಣಾ ಆಯುಕ್ತ ಎನ್. ಗೋಪಾಲಸ್ವಾಮಿ ಸುಪ್ರೀಂ ಕೋರ್ಟ್ಗೆ 2009ರಲ್ಲಿ ಶಿಫಾರಸು ಮಾಡಿದ್ದರು. ಈ ಸಂದರ್ಭದಲ್ಲಿ ತೆರವಾದ ಸ್ಥಾನಕ್ಕೆ ವಿ.ಎಸ್.ಸಂಪತ್ರನ್ನು ಯುಪಿಎ ನೇಮಕ ಮಾಡಿತ್ತು.