ವೈರಲ್ ವಿಡಿಯೋ: ಹೋಳಿ ಹಬ್ಬದಂದು ಡಾನ್ಸ್ ಮಾಡಿದ್ದ ವಾಜಪೇಯಿ!
ನವದೆಹಲಿ, ಆಗಸ್ಟ್ 16: ದೇಶದ ಪ್ರಧಾನಿಯಾದರೂ ಸಾಮಾನ್ಯರೊಂದಿಗೆ ಸಾಮಾನ್ಯರಾಗಿರುತ್ತಿದ್ದ ಕಾರಣಕ್ಕೇ ಅಟಲ್ ಬಿಹಾರಿ ವಾಜಪೇಯಿ ಅವರು ಕೋಟ್ಯಂತರ ಜನರ ಹೃದಯದಲ್ಲಿ ನೆಲೆಸಿದ್ದಾರೆ.
ಹೋಳಿ ಹಬ್ಬದಂದು ಬಣ್ಣ ಹಚ್ಚಿಕೊಂಡು ಅವರು ಜನಸಾಮಾನ್ಯರೊಂದಿಗೆ ಕುಣಿಯುತ್ತಿರುವ ಅತ್ಯಪರೂಪದ ವಿಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ಮಹಾನ್ ನಾಯಕರೊಬ್ಬರ ಸರಳ ಬದುಕಿಗೆ ಈ ವಿಡಿಯೋ ಕನ್ನಡಿ ಹಿಡಿಯುತ್ತದೆ.
ANI ARCHIVES: #WATCH Former PM #AtalBihariVaajpayee dancing at a program. pic.twitter.com/HXMBiCB18h
— ANI (@ANI) August 16, 2018
ಅತ್ಯಪರೂಪದ ರಾಜಕಾರಣಿ ಅಟಲ್ ಜೀ ಅವರ ಅಪರೂಪದ ಚಿತ್ರಗಳು
ಬಹು ದಿನಗಳಿಂದ ಅನಾರೋಗ್ಯದಿಂದ ಬಳಲುತ್ತಿದ್ದ ಅಟಲ್ ಬಿಹಾರಿ ವಾಜಪೇಯಿ ಅವರು ಇಂದು(ಆ.16) ನಮ್ಮನ್ನಗಲಿದ್ದಾರೆ. 93 ವರ್ಷ ವಯಸ್ಸಿನ ವಾಜಪೇಯಿ ಅವರು ಇನ್ನಿಲ್ಲ ಎಂಬುದು ಅರಗಿಸಿಕೊಳ್ಳಲಾಗದ ವಿಷಯ. ಆದರೆ ಜನಸಾಮಾನ್ಯರೊಂದಿಗೂ ಆತ್ಮೀಯರಾಗಿ, ಜನರ ಪ್ರಧಾನಿ ಎನ್ನಿಸಿದ್ದ, ಸರಳತೆಯ, ಸಜ್ಜನಿಕೆಯ ವಾಜಪೇಯಿ ಅವರು ಹಲವು ನೆನಪುಗಳನ್ನು ಬಿಟ್ಟು ಹೋಗಿದ್ದಾರೆ.
ಅಜಾತಶತ್ರು ಅಟಲ್ ಬಿಹಾರಿ ವಾಜಪೇಯಿ (1924-2018) ವ್ಯಕ್ತಿಚಿತ್ರ
ಅವರು ನೃತ್ಯ ಮಾಡುತ್ತಿರುವ ಈ ಅಪರೂಪದ ವಿಡಿಯೋ ಸಹ ಬದುಕಿನ ಬಗೆಗಿನ ಅವರ ಪ್ರೀತಿಯನ್ನು, ಪ್ರತಿಕ್ಷಣವನ್ನೂ ಸಂಭ್ರಮಿಸುವ ಅವರ ಮಗುವಿನಂಥ ಮನಸ್ಸಿನ ಪ್ರತೀಕವೆನ್ನಿಸಿದೆ.