ಅಕ್ಟೋಬರ್ 15ರಿಂದ ಬೆಂಗಳೂರಿನಿಂದ ಸೇವಾ ಸರ್ವೀಸ್ ರೈಲು ಆರಂಭ
ಬೆಂಗಳೂರು, ಅಕ್ಟೋಬರ್ 14: ಭಾರತೀಯ ರೈಲ್ವೆ 10 ಹೊಸ 'ಸೇವಾ ಸರ್ವೀಸ್' ರೈಲುಗಳನ್ನು ಅಕ್ಟೋಬರ್ 15ರಿಂದ ಆರಂಭಿಸಲಿದೆ. ಈ ಪೈಕಿ 5 ರೈಲುಗಳು ಪ್ರತಿದಿನ ಸಂಚರಿಸಲಿವೆ. ಮಿಕ್ಕ ರೈಲುಗಳು ವಾರಕ್ಕೆ 6 ದಿನಗಳ ಸಂಚರಿಸಲಿವೆ ಎಂದು ಪ್ರಕಟಣೆಯಿಂದ ತಿಳಿಸಲಾಗಿದೆ.
ದೇಶದ ಪ್ರಮುಖ ನಗರಗಳಿಂದ ಸಣ್ಣ ಪಟ್ಟಣಗಳಿಗೆ ಸಂಪರ್ಕ ಒದಗಿಸುವ ನಿಟ್ಟಿನಲ್ಲಿ ರೈಲ್ವೆ ಸಚಿವಾಲಯವು ಇತ್ತೀಚೆಗೆ 'ಸೇವಾ ಸರ್ವೀಸ್' ರೈಲುಗಳಿಗೆ ಚಾಲನೆ ನೀಡಲಾಗಿತ್ತು. ಅ.15ರಿಂದ ದೆಹಲಿ ಹಾಗೂ ಶಾಮ್ಲಿ, ಭುವನೇಶ್ವರ್ ನಯಾಘರ್ ಪಟ್ಟಣ, ಮುರ್ಕೊಗ್ಸೆಲೆಕ್ಸ್ ಹಾಗೂ ದಿಬ್ರುಗರ್, ಕೋಟಾ ಹಾಗೂ ಝಲಾವರ್ ನಗರ, ಕೊಯಮತ್ತೂರು ಹಾಗೂ ಪಳನಿ ನಡುವೆ ಪ್ರತಿದಿನ ಸೇವಾ ಎಕ್ಸ್ ಪ್ರೆಸ್ ರೈಲು ಸಂಚರಿಸಲಿದೆ.
ವಿಶ್ವಮಾನವ ಎಕ್ಸ್ಪ್ರೆಸ್ ರೈಲು ಬೆಳಗಾವಿ ತನಕ ವಿಸ್ತರಣೆ
ಕೇಂದ್ರ ರೈಲ್ವೆ ಸಚಿವ ಪಿಯೂಷ್ ಗೋಯೆಲ್ ಅವರು ವಿಡಿಯೋ ಕಾನ್ಫರೆನ್ಸ್ ಮೂಲಕ ದೆಹಲಿ -ಶಾಮ್ಲಿ ನಡುವಿನ ರೈಲಿಗೆ ನವದೆಹಲಿಯಲ್ಲಿ ಮಂಗಳವಾರದಂದು ಚಾಲನೆ ನೀಡಲಿದ್ದಾರೆ.
ಈ ಮಾರ್ಗಗಳಲ್ಲದೆ ವಡ್ನಗರ್ ನಿಂದ ಮಹೇಸಾನಾ, ಅಸರ್ಯಾ ಇಂದ ಹಿಮ್ಮತ್ ನಗರ, ಕರೂರು ಇಂದ ಸೇಲಂ, ಯಶವಂತಪುರಂ ಇಂದ ತುಮಕೂರು, ಕೊಯಮತ್ತೂರು ಇಂದ ಪೊಲ್ಲಾಚಿ ನಡುವಿನ ಸೇವಾ ಎಕ್ಸ್ ಪ್ರೆಸ್ ರೈಲು ವಾರದ 6 ದಿನಗಳ ಸಂಚರಿಸಲಿದೆ.
10 'Seva Service' trains will be flagged off on 15th October, 2019 by Hon’ble MR @PiyushGoyal. These trains will benefit the commuters in establishing connectivity between the small towns of the country with major cities. pic.twitter.com/oxiLgxh1Ji
— Ministry of Railways (@RailMinIndia) October 12, 2019
ಮತ್ತೊಂದು ಬೆಳವಣಿಗೆಯಲ್ಲಿ ಪ್ರಯಾಣಿಕರು ದೂರು ದಾಖಲಿಸಲು ಭಾರತೀಯ ರೈಲ್ವೆ ಹೊಸ ವೆಬ್ ಸೈಟ್ ಹಾಗೂ ಮೊಬೈಲ್ ಅಪ್ಲಿಕೇಷನ್ ಆರಂಭಿಸಿದೆ.