ಮೋದಿಯದ್ದು 'ಸ್ಕಿಲ್ ಇಂಡಿಯಾ' ಅಲ್ಲ 'ಕಿಲ್ ಇಂಡಿಯಾ': ರಾಹುಲ್ ಕುಟುಕು
Recommended Video
ನವದೆಹಲಿ, ಸೆಪ್ಟೆಂಬರ್ 26: ನರೇಂದ್ರ ಮೋದಿ ಅವರದ್ದು 'ಸ್ಕಿಲ್ ಇಂಡಿಯಾ' ಅಲ್ಲ 'ಕಿಲ್ ಇಂಡಿಯಾ' ಎಂದು ರಾಹುಲ್ ಗಾಂಧಿ ಕಟುವಾಗಿ ಮೋದಿ ಅವರ ನೀತಿಯನ್ನು ಟೀಕಿಸಿದ್ದಾರೆ.
ಈ ಕುರಿತು ಟ್ವೀಟ್ ಮಾಡಿರುವ ಅವರು, ಮೋದಿ ಅವರು, 30000 ಕೋಟಿಯನ್ನು ಎಚ್ಎಎಲ್ನಿಂದ ಕದ್ದು ಅದನ್ನು ವಿಮಾನ ನಿರ್ಮಾಣದ ಕೌಶಲ್ಯವೇ ಇಲ್ಲದ ಅನಿಲ್ ಅಂಬಾನಿಗೆ ನೀಡಿದ್ದಾರೆ ಎಂದು ಅವರು ದೂರಿದ್ದಾರೆ.
ದೇಶದ ಕೋಟ್ಯಂತರ ಕೌಶಲ್ಯಭರಿತ ಯುವಜನರು ಕಳೆದ 20 ವರ್ಷಗಳಲ್ಲೇ ಕಂಡಿರದಿದ್ದ ನಿರೋದ್ಯೋಗವನ್ನು ಈ ಅವಧಿಯಲ್ಲಿ ಕಾಣುತಿದ್ದಾರೆ ಎಂದು ರಾಹುಲ್ ಗಾಂಧಿ ಟ್ವೀಟ್ ಮಾಡಿದ್ದಾರೆ.
ಕೇಸ್ ಹಾಕಿದ್ದಕ್ಕೆ ರಮ್ಯಾ ನೀಡಿದ್ದು ಎರಡೇ ಪದದ ಪ್ರತಿಕ್ರಿಯೆ!
ಭಾರತವು ಕಳೆದ 20 ವರ್ಷದಲ್ಲೇ ಕಂಡಿರದ ನಿರುದ್ಯೋಗವನ್ನು ಈ ಅವಧಿಯಲ್ಲಿ ಕಂಡಿದೆ ಎಂಬ ವರದಿಯೊಂದನ್ನು ಸಹ ರಾಹುಲ್ ಗಾಂಧಿ ಅವರು ತಮ್ಮ ಟ್ವೀಟ್ಗೆ ಅಂಟಿಸಿದ್ದಾರೆ.
PM'S-KILL India Program
— Rahul Gandhi (@RahulGandhi) September 26, 2018
30,000 Cr stolen from HAL and given to a man with no SKILLS in making aircraft.
Meanwhile, millions of SKILLED youngsters face the highest unemployment rate in twenty years.https://t.co/1it0SCaYu5
ಯುವಜನರಿಂದ ಹಣ ಕದ್ದು, ಅಂಬಾನಿ ಕಿಸೆಗೆ ತುಂಬಿಸುವ ಚೌಕಿದಾರ: ರಾಹುಲ್ ಆರೋಪ
ರಫೆಲ್ ಹಗರಣದ ಬಗ್ಗೆ ಕಾಂಗ್ರೆಸ್ ತನ್ನ ಹೋರಾಟ ತೀವ್ರಗೊಳಿಸಿದ್ದು, ರಾಹುಲ್ ಗಾಂಧಿ ಅವರು ಹೋರಾಟದ ಮುಂದಾಳತ್ವ ವಹಿಸಿದ್ದಾರೆ. ರಫೆಲ್ ಹಗರಣದ ನೆರಳಲ್ಲಿ ಕೇಂದ್ರವನ್ನು ಕಟ್ಟಿಹಾಕಲು ಕಾಂಗ್ರೆಸ್ ಸರ್ವ ಪ್ರಯತ್ನಗಳನ್ನೂ ಮಾಡುತ್ತಿದೆ. ಮತ್ತು ನಿಧಾನ ಗತಿಯ ಯಶಸ್ಸನ್ನೂ ಕಾಣುತ್ತಿದೆ.