Click it and Unblock the Notifications
Just In
-
-
-
Don't Miss
-
ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ -
ಡಿ. ಕೆ ಸುರೇಶ್ ಪರ ನಟ ದರ್ಶನ್ ಪ್ರಚಾರ; ಆ 2 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತಬೇಟೆ -
ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್ -
ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್ -
ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್! -
n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ರಫೇಲ್ ಒಪ್ಪಂದ: ರಾಹುಲ್ ಆರೋಪವೇನು? ವಾಸ್ತವ ಸಂಗತಿ ಏನು?
ಬೆಂಗಳೂರು, ಜನವರಿ 2: ರಫೇಲ್ ಒಪ್ಪಂದದ ಕುರಿತಂತೆ ಲೋಕಸಭೆಯಲ್ಲಿ ಬುಧವಾರ ಭಾರಿ ಚರ್ಚೆ ನಡೆದಿದೆ. ಪ್ರಧಾನಿ ಮೋದಿ ತಮ್ಮ ಆತ್ಮೀಯ ಸ್ನೇಹಿತ ಮತ್ತು ವಿಫಲ ಉದ್ಯಮಿಯ ಲಾಭಕ್ಕಾಗಿ ರಫೇಲ್ ಒಪ್ಪಂದ ಬಳಸಿಕೊಂಡಿದ್ದಾರೆ ಎಂದು ರಾಹುಲ್ ಗಾಂಧಿ ಆರೋಪಿಸಿದ್ದಾರೆ.
ಆದರೆ, ರಾಹುಲ್ ಗಾಂಧಿ ಮತ್ತು ವಿರೋಧ ಪಕ್ಷಗಳ ಆರೋಪಗಳು, ಅವರು ಮುಂದಿಟ್ಟ ವಾದಗಳಲ್ಲಿ ಅನೇಕ ತಪ್ಪುಗಳಿವೆ ಎನ್ನುವುದು ಬಿಜೆಪಿ ಪರ ನಿಲುವು ಹೊಂದಿರುವ ವಿಶ್ಲೇಷಕರ ಅಭಿಪ್ರಾಯ.
ಮೋದಿ ಅವರ ಮೇಲೆ ದೇಶದ ಜನ ನಂಬಿಕೆ ಇಟ್ಟರು ಆದರೆ ಅವರು, ತಮ್ಮ ಗೆಳೆಯ ಎಎ (ಅನಿಲ್ ಅಂಬಾನಿ) ಜೇಬು ತುಂಬಿಸಲು ಭಾರತದ ಅವಕಾಶಗಳನ್ನು ಕಿತ್ತುಕೊಂಡರು. ಮೋದಿ ಅವರು ಸಂಸತ್‌ಗೆ ಬರುವ ಧೈರ್ಯವೇ ಇಲ್ಲ. ಅವರು ಐದು ನಿಮಿಷ ಸಹ ರಫೇಲ್ ಬಗ್ಗೆ ಮಾತನಾಡಲಾರರು ಎಂದು ರಾಹುಲ್ ಗಾಂಧಿ ಟೀಕಿಸಿದ್ದರು.
ರಾಹುಲ್ ಗಾಂಧಿ ಅವರ ಆರೋಫಗಳ ಬಗ್ಗೆ 'ಸ್ವರಾಜ್ಯ' ಮ್ಯಾಗಜೀನ್ ಪಟ್ಟಿ ಮಾಡಿರುವ ಕೆಲವು ತಪ್ಪುಒಪ್ಪುಗಳ ಪಟ್ಟಿ ಇಲ್ಲಿದೆ.
ಎಚ್‌ಎಎಲ್ ನಿರ್ಮಿಸಿದ್ದಲ್ಲ
ಆರೋಪ: ಎಚ್‌ ಎ ಎಲ್ ಸು-30, ಮಿರಾಜ್ ವಿಮಾನ ಮತ್ತು ಎಂಐಜಿ 27ಅನ್ನು ತಯಾರಿಸಿದೆ.
ವಾಸ್ತವ: ಭಾರತವು ಡಸಾಲ್ಟ್ ಏವಿಯೇಷನ್ ನಿರ್ಮಿತ ಮಿರಾಜ್-2000ಅನ್ನು ಫ್ರಾನ್ಸ್‌ನಿಂದ ಖರೀದಿಸಿತ್ತು. ಈ ಯುದ್ಧ ವಿಮಾನವನ್ನು ಭಾರತದಲ್ಲಿ ಎಚ್‌ಎಎಲ್ ನಿರ್ಮಿಸಿದ್ದಲ್ಲ.
ಆರೋಪ: ರಿಲಯನ್ಸ್‌ಗೆ ಒಪ್ಪಂದದ ಭಾಗ ನೀಡುವಂತೆ ಮೋದಿ ಅವರೇ ಒತ್ತಾಯಿಸಿದ್ದರು ಎಂಬುದಾಗಿ ಫ್ರಾನ್ಸ್ ಮಾಜಿ ಅಧ್ಯಕ್ಷರು ಹೇಳಿದ್ದಾರೆ.
ವಾಸ್ತವ: ಭಾರತ ಸರ್ಕಾರ ರಿಲಯನ್ಸ್ ಡಿಫೆನ್ಸ್ ಹೆಸರನ್ನು ಸೂಚಿಸಿತ್ತು ಎಂದು ಮಾಜಿ ಅಧ್ಯಕ್ಷ ಫ್ರಾಂಕೋಯಿಸ್ ಒಲಾಂಡ್ ಹೇಳಿದ್ದರೇ ಹೊರತು ನರೇಂದ್ರ ಮೋದಿ ಎಂದಲ್ಲ.
ರಿಲಯನ್ಸ್ ಡಿಫೆನ್ಸ್ ಆರಂಭ
ಆರೋಪ: ಫ್ರಾನ್ಸ್ ಜೊತೆ ಪ್ರಧಾನಿ ಮೋದಿ ಅವರು ರಫೇಲ್ ಒಪ್ಪಂದಕ್ಕೆ ಸಹಿ ಹಾಕುವ ಹತ್ತು ದಿನಗಳ ಮುಂಚೆಯಷ್ಟೇ ಅನಿಲ್ ಅಂಬಾನಿ ರಿಲಯನ್ಸ್ ಡಿಫೆನ್ಸ್ ಆರಂಭಿಸಿದ್ದರು.
ವಾಸ್ತವ: ಈ ಆರೋಪ ಮೊದಲು ಪ್ರಕಟವಾಗಿದ್ದು ಕಾಂಗ್ರೆಸ್ ಮುಖವಾಣಿ 'ನ್ಯಾಷನಲ್ ಹೆರಾಲ್ಡ್'ನಲ್ಲಿ. ಅದರ ವಿರುದ್ಧ ಅನಿಲ್ ಅಂಬಾನಿ ಪ್ರಕರಣ ದಾಖಲಿಸಿದ್ದಾರೆ. ಅಲ್ಲಿಂದ ನ್ಯಾಷನಲ್ ಹೆರಾಲ್ಡ್ ತನ್ನ ಶೀರ್ಷಿಕೆಯಲ್ಲಿ ಅನಿಲ್ ಅಂಬಾನಿ ಅವರು ಮೋದಿ ರಫೇಲ್ ಒಪ್ಪಂದ ಪ್ರಕಟಿಸುವ 12 ದಿನಗಳ ಮುಂಚೆಯಷ್ಟೇ ರಿಲಯನ್ಸ್ ಡಿಫೆನ್ಸ್ ಆರಂಭಿಸಿದ್ದರು ಎಂದು ಬರೆಯಲಾಗುತ್ತಿದೆ.
ರಿಲಯನ್ಸ್ ಒಪ್ಪಂದದ ಭಾಗವಲ್ಲ
ಆರೋಪ: ಅನಿಲ್ ಅಂಬಾನಿ ಎಚ್‌ಎಎಲ್‌ನ ಒಪ್ಪಂದವನ್ನು ತಮ್ಮ ಸಂಸ್ಥೆಗೆ ಪಡೆದುಕೊಂಡರು.
ವಾಸ್ತವ: ಇದು ಸರ್ಕಾರದ ವಿರುದ್ಧ ದಾಳಿ ನಡೆಸಲು ರಾಹುಲ್ ಗಾಂಧಿ ಬಳಸಿಕೊಳ್ಳುತ್ತಿರುವ ಅಸ್ತ್ರ. ಆದರೆ, ಇದು ಅಸತ್ಯ. ಅನಿಲ್ ಅಂಬಾನಿ ಅವರ ರಿಲಯನ್ಸ್ ಡಿಫೆನ್ಸ್ ರಫೇಲ್ ಒಪ್ಪಂದದ ಭಾಗವಲ್ಲ. ಅದು ಭಾರತೀಯ ಸೇನೆಗೆ ರಫೇಲ್ ವಿಮಾನ ತಯಾರಿಸುತ್ತಿಲ್ಲ. ಆಪ್‌ಸೆಟ್ ತಯಾರಿಕೆಗಾಗಿ ಡಸಾಲ್ಟ್ ಏವಿಯೇಷನ್ ತಾನೇ ರಿಲಯನ್ಸ್ ಡಿಫೆನ್ಸ್ ಅನ್ನು ಆಯ್ದುಕೊಂಡಿದೆ.
ನಾಲ್ಕು ಸಂಸ್ಥೆಗಳ ಜೊತೆ ಒಪ್ಪಂದ
ಆರೋಪ: ಅನಿಲ್ ಅಂಬಾನಿ ಅವರಿಗೆ ಈ ಒಪ್ಪಂದದಿಂದ 30 ಸಾವಿರ ಕೋಟಿ ಪಡೆದುಕೊಳ್ಳುತ್ತಾರೆ.
ವಾಸ್ತವ: ಆಫ್‌ಸೆಟ್ ಒಪ್ಪಂದವು ನಾಲ್ಕು ಸಂಸ್ಥೆಗಳ ನಡುವೆ ವಿಭಜನೆಯಾಗಿದೆ. ಏರ್ ಫ್ರೇಮ್ ಮತ್ತು ವಿಮಾನದ ಸಮಗ್ರ ಸಾಧನಗಳನ್ನು ಡಸಾಲ್ಟ್ ವಿವಿಧ ಸಂಸ್ಥೆಗಳಿಂದ ಪಡೆದುಕೊಳ್ಳಲಿದೆ. ಥೇಲ್ಸ್ ಕಂಪೆನಿ ರಾಡಾರ್ಸ್ ಮತ್ತು ಏವಿಯಾನಿಕ್‌ಗಳನ್ನು ತಯಾರಿಸುತ್ತದೆ. ಸಫ್ರಾನ್ ಕಂಪೆನಿ ಎಂಜಿನ್ ಹಾಗೂ ಎಲೆಕ್ಟ್ರಾನಿಕ್ಸ್ ವಿಭಾಗದ ಸಾಧನಗಳನ್ನು ಒದಗಿಸುತ್ತದೆ. ಎಂಬಿಡಿಎ ಶಸ್ತ್ರಾಸ್ತ್ರಗಳ ಜವಾಬ್ದಾರಿ ನಿಭಾಯಿಸುತ್ತದೆ. ಈ ಒಪ್ಪಂದವು ಸುಮಾರು 60,000 ಕೋಟಿಯದ್ದು. ಇದರಲ್ಲಿ ಆಫ್‌ಸೆಟ್ ಕೆಲಸಗಳಿಗೆ 30 ಸಾವಿರ ಕೋಟಿ ರೂ ಬೇಕಾಗುತ್ತದೆ. ಒಟ್ಟಾರೆ ಆಫ್‌ಸೆಟ್ ಮೊತ್ತದಲ್ಲಿ ಶೇ 3ರಷ್ಟು ಅಂದರೆ, 845 ಕೋಟಿ ರೂ.ಗಳಷ್ಟು ಹೂಡಿಕೆ ಹಣವನ್ನು ರಿಲಯನ್ಸ್ ಪಡೆದುಕೊಳ್ಳಲಿದೆ.
ರಕ್ಷಣಾ ಸಚಿವಾಲಯ ತಕರಾರು
ಆರೋಪ: ವಿಮಾನದ ಹೊಸ ದರಪಟ್ಟಿಗೆ ರಕ್ಷಣಾ ಸಚಿವಾಲಯ ತಕರಾರು ತೆಗೆದಿತ್ತು.
ವಾಸ್ತವ: ರಕ್ಷಣಾ ಸಚಿವಾಲಯದ ಅಧಿಕಾರಿಯೊಬ್ಬರು ಹೊಸ ಬೆಲೆ ಮಾನದಂಡಕ್ಕೆ ಆಕ್ಷೇಪ ದಾಖಲಿಸಿದ್ದರೇ ವಿನಾ ರಫೇಲ್ ವಿಮಾನದ ದರದ ಬಗ್ಗೆಯಲ್ಲ. ಅಧಿಕಾರಿಯ ಆಕ್ಷೇಪದ ವರದಿಯಲ್ಲಿ ಹಿರಿಯ ಅಧಿಕಾರಿಯೊಬ್ಬರು ನಿರಾಕರಿಸಿದ್ದರು. ಡೈಲಿ ಮೇಲ್ ವರದಿ ಪ್ರಕಾರ ಇಬ್ಬರು ಹಿರಿಯ ಅಧಿಕಾರಿಗಳು ಕಾಂಗ್ರೆಸ್ ಸರ್ಕಾರದ ಸಮಯದ ಒಪ್ಪಂದಕ್ಕೆ ಆಕ್ಷೇಪಿಸಿದ್ದರು.
