Click it and Unblock the Notifications
Just In
-
-
-
Don't Miss
-
HMD ಪಲ್ಸ್ ನ ಕಲರ್ ಹಾಗೂ ಫೀಚರ್ಸ್ ಲೀಕ್! ಶೀಘ್ರದಲ್ಲೇ ಲಾಂಚ್... -
ರಾಮನವಮಿ ವಿಶೇಷ: ಬಾಲರಾಮನಿಗೆ ಸೂರ್ಯರಶ್ಮಿ ಅಭಿಷೇಕದ ಅದ್ಭುತ ದೃಶ್ಯಾವಳಿ..! -
ಬೆಂಗಳೂರಿನಲ್ಲಿ ನಮ್ಮ ಯಾತ್ರಿ ಕ್ಯಾಬ್ ಸೇವೆ ಪ್ರಾರಂಭ, ಶೂನ್ಯ ಕಮಿಷನ್ ಭರವಸೆ -
ಭಾರತದಲ್ಲಿ ಎಪ್ರಿಲಿಯಾ ಶ್ರೇಣಿಯ ನವೀಕರಣ... ಸೂಪರ್ ಬೈಕ್ ಸಂಸ್ಕೃತಿಗೆ ಅಡಿಪಾಯ -
RCB: ಇದೇ ಆರ್ಸಿಬಿ ಸಮಸ್ಯೆ ಮೂಲ; ವಿದೇಶಿ ಕೋಚಿಂಗ್ ಸ್ಟಾಫ್ ವಿರುದ್ಧ ಸಿಡಿಮಿಡಿಗೊಂಡ ವೀರೇಂದ್ರ ಸೆಹ್ವಾಗ್ -
ದ್ವಾರಕೀಶ್ ನಿಧನಕ್ಕೆ ಪಿಎಂ ಮೋದಿ ಸಂತಾಪ.. ಶಿವಣ್ಣ ಅಂತಿಮ ದರ್ಶನ; ಇಲ್ಲಿದೆ 'ಪ್ರಚಂಡ ಕುಳ್ಳ'ನ ಅಂತ್ಯಕ್ರಿಯೆ ಡಿಟೈಲ್ಸ್ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ಉಡ್ತಾ ಪಂಜಾಬ್' ಸ್ಥಿತಿ ವಿರುದ್ಧ ಸಮರ ಸಾರಿರುವ ಪಂಜಾಬ್ ಸರ್ಕಾರ
ಚಂಢೀಘಡ, ಜುಲೈ 03: ಹಿಂದಿ ಚಿತ್ರ 'ಉಡ್ತಾ ಪಂಜಾಬ್' ನೋಡಿದ್ದರೆ ಪಂಜಾಬ್‌ನಲ್ಲಿ ಡ್ರಗ್ಸ್ ಎಷ್ಟು ವ್ಯಾಪಕವಾಗಿ ಹರಡಿದೆ ಎಂದು ತಿಳಿದಿರಲಿಕ್ಕೆ ಸಾಕು. ಚಿತ್ರದಲ್ಲಿ ತೋರಿರುವುದು ಅತಿಶಯೋಕ್ತಿಯಲ್ಲ ಎಂಬುದಕ್ಕೆ ಉದಾಹರಣೆ ಪಂಜಾಬ್‌ನಲ್ಲಿ ಕಳೆದ ಒಂದೇ ತಿಂಗಳಲ್ಲಿ ಡ್ರಗ್ಸ್‌ನಿಂದ ಸತ್ತವರ ಸಂಖ್ಯೆ 35.
ಮಾದಕ ವಸ್ತು ಮಾರಿಯಿಂದ ಕಂಗೆಟ್ಟಿರುವ ಪಂಜಾಬ್ ಸರ್ಕಾರ ಹಲವು ವಿಶೇಷ ದಳಗಳು, ತನಿಖಾ ದಳಗಳು, ಇತರೆ.. ಇತರೆಗಳ ನಂತರ ಈಗ ಈ ಜಾಲದ ಬುಡವನ್ನೇ ಕಿತ್ತೊಗೆಯಲು ಮಹತ್ತರವಾದ ಹೆಜ್ಜೆ ಇಟ್ಟಿದೆ.
ಡ್ರಗ್ಸ್ ಸಾಗಾಟ ಮಾಡುವವರಿಗೆ ಮತ್ತು ಅದರೊಂದಿಗೆ ಗುರುತಿಸಿಕೊಂಡವರಿಗೆ ಮರಣದಂಡನೆ ಶಿಕ್ಷೆ ನೀಡಲು ಮುಂದಾಗಿದ್ದು. ಇದಕ್ಕಾಗಿ ನಿಯಮಾವಳಿಗಳನ್ನು ರೂಪಿಸಿ ರಾಷ್ಟ್ರಪತಿಗಳ ಅನುಮೋದನೆಗೆ ಕಳುಹಿಸಿದೆ. ಮರಣದಂಡನೆಯಂತ 'ಅಂತಿಮ ಹಂತದ ಶಿಕ್ಷೆ' ನೀಡುವ ನಿರ್ಣಯಕ್ಕೆ ಸರ್ಕಾರ ಬಂದಿದೆ ಎಂದರೆ ಡ್ರಗ್ಸ್ ಪಂಜಾಬ್‌ನ ಯುವಕರನ್ನು ಎಷ್ಟು ಹಿಂಡೆ ಹಿಪ್ಪೆ ಮಾಡುತ್ತಿದೆ ಎಂದು ಸುಲಭದಲ್ಲಿ ಊಹಿಸಬಹುದು.
ಪಂಜಾಬ್‌ನಲ್ಲಿ ಕ್ಯಾಪ್ಟನ್ ಅಮರಿಂದರ್ ನೇತೃತ್ವದ ಕಾಂಗ್ರೆಸ್ ಸರ್ಕಾರ ಅಧಿಕಾರಕ್ಕೆ ಬಂದು ಆಗಿರುವುದು 15 ತಿಂಗಳು ಮಾತ್ರ. ಅಧಿಕಾರಕ್ಕೆ ಬರುವ ಮುಂಚೆ, ಡ್ರಗ್ಸ್ ಮಾರಿಯನ್ನು ತೊಡೆದುಹಾಕುವುದಾಗಿ ಪ್ರಣಾಳಿಕೆಯಲ್ಲಿ ಘೋಷಿಸಿದ್ದರು. ಹೀಗಾಗಿ ವಿರೋಧಪಕ್ಷಗಳಾದ ಎಎಪಿ, ಎಸ್‌ಎಡಿ ಸಹ ಡ್ರಗ್ಸ್ ಮಾರಿಗೆ ನಿಯಂತ್ರಣ ಹೇರುವಂತೆ ಆಡಳಿತ ಪಕ್ಷದ ಪಕ್ಕೆಗೆ ಗುದ್ದುತ್ತಿವೆ.
ಪಂಜಾಬ್ ಸರ್ಕಾರದ ಮನವಿಗೆ ರಾಷ್ಟ್ರಪತಿಗಳ ಅಂಕಿತ ದೊರೆತದ್ದೇ ಆದಲ್ಲಿ ಡ್ರಗ್ಸ್ ಸಾಗಾಟಕ್ಕೆ ಮರಣದಂಡನೆ ವಿಧಿಸುವ ದೇಶದ ಮೊದಲ ರಾಜ್ಯ ಪಂಜಾಬ್ ಆಗಲಿದೆ.
ಪಂಜಾಬ್ ರಾಜ್ಯದಲ್ಲಿ ಒಂದೇ ವರ್ಷದಲ್ಲಿ ಡ್ರಗ್ಸ್ ಸಾಗಾಟದಲ್ಲಿ 124% ಏರಿಕೆಯಾಗಿರುವುದು ಸರ್ಕಾರವನ್ನು ಆತಂಕಕ್ಕೆ ತಳ್ಳಿದೆ. ಸಿಕ್ಕಿ ಹಾಕಿಕೊಂಡ ಡ್ರಗ್ಸ್‌ನ ಪ್ರಮಾಣವೇ ಇಷ್ಟಾದರೆ ಸಿಕ್ಕಿ ಹಾಕಿಕೊಳ್ಳದ ಡ್ರಗ್ಸ್ ಪ್ರಮಾಣ ಇದರ ಎರಡಷ್ಟು ಎಂದರೆ 250% ಇರಬಹುದು ಎಂದು ಅಂದಾಜು ಮಾಡಲಾಗಿದೆ.
