Click it and Unblock the Notifications
Just In
-
-
-
Don't Miss
-
ಟರ್ಮ್ ಇನ್ಶೂರೆನ್ಸ್ ಖರೀದಿಸುವಾಗ ಈ 5 ವಿಷಯ ಅರಿತುಕೊಳ್ಳಿ -
ಸಲ್ಮಾನ್ ಖಾನ್ ನಿವಾಸದ ಬಳಿ ಗುಂಡಿನ ದಾಳಿ ಪ್ರಕರಣ; ಇಬ್ಬರು ಶಂಕಿತರ ಬಂಧನ -
Oppo: ಒಪ್ಪೋ A3 ಪ್ರೊ ಸ್ಮಾರ್ಟ್ಫೋನ್ ಲಾಂಚ್! 67W ಫಾಸ್ಟ್ ಚಾರ್ಜಿಂಗ್ ಸೌಲಭ್ಯ... ಬೆಲೆ ಎಷ್ಟು? -
RCB vs SRH ಪಂದ್ಯದಿಂದ ನಾನೇ ಹಿಂದೆ ಸರಿದೆ ಎಂದ ಗ್ಲೆನ್ ಮ್ಯಾಕ್ಸ್ವೆಲ್; ಕಾರಣವೇನು? -
ಹಣದ ವಿಚಾರವಾಗಿ ಜಗಳ: ಬರೋಬ್ಬರಿ 1 ಕೋಟಿ ರೂ. ಮೌಲ್ಯದ ಕಾರಿಗೆ ಬೆಂಕಿಯಿಟ್ಟ ಸ್ನೇಹಿತರು -
ಒಂದೇ ಒಂದು ಟೊಮೆಟೋ ಇಲ್ಲದೆ ಈ ಚಟ್ನಿ ಮಾಡಿ..! ಸಿಕ್ಕಾಪಟ್ಟೆ ರುಚಿ..! -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಪ್ರಿಯಾಳ ಮಾಸ್ಕ್‌: ಕೊರೊನಾ ವಿರುದ್ಧ ಸೆಣಸುವ ಮೊದಲ ಕಾಮಿಕ್ ನಾಯಕಿ ಕಥೆ, ಇದೀಗ ಕನ್ನಡದಲ್ಲೂ ಲಭ್ಯ
ಚೆನ್ನೈ, ಜನವರಿ 23: ಚೆನ್ನೈನಲ್ಲಿರುವ ಅಮೆರಿಕ ದೂತಾವಾಸ ಕಚೇರಿಯು ಜನಪ್ರಿಯ ಕಾಮಿಕ್ ಸೀರಿಸ್ "ಪ್ರಿಯಾಳ ಮಾಸ್ಕ್‌" ಅವತರಣಿಕೆಯನ್ನು ತಮಿಳು, ಕನ್ನಡ ಮತ್ತು ಮಲಯಾಳಂ ಭಾಷೆಗಳಲ್ಲಿ ಬಿಡುಗಡೆ ಮಾಡಿದೆ. ಎರಡು ನಿಮಿಷಗಳ ಚಲನಚಿತ್ರವಾದ ಇದು 2020ರ ಕೋವಿಡ್-19 ಸಾಂಕ್ರಾಮಿಕ ರೋಗದ ಕುರಿತಾಗಿ ಸಾರ್ವಜನಿಕ ಸೇವಾ ಪ್ರಕಟಣೆಯಾಗಿದೆ.
ಸಾಂಕ್ರಾಮಿಕ ರೋಗವು ಮಕ್ಕಳು, ಹದಿಹರೆಯದವರು ಮತ್ತು ಅವರ ಕುಟುಂಬಗಳಿಗೆ ದೈನಂದಿನ ಜೀವನದಲ್ಲಿ ಬದಲಾವಣೆಗಳನ್ನು ತರುವ ಮೂಲಕ ತೊಂದರೆಗಳನ್ನು ಸೃಷ್ಟಿಸಿದೆ. ಪ್ರಿಯಾಳ ಮಾಸ್ಕ್‌ ಕಾಮಿಕ್ ಅಂತಹ ಯುವಜನರ ಹೋರಾಟಗಳು ಮತ್ತು ಸಾಂಕ್ರಾಮಿಕ ರೋಗದ ಪರಿಣಾಮಗಳ ಬಗ್ಗೆ ಸ್ವಲ್ಪ ಒಳನೋಟವನ್ನು ತರುವ ಗುರಿಯನ್ನು ಹೊಂದಿದೆ. ಇದು ಕಥಾ ನಾಯಕಿಯನ್ನು ಹೊಂದಿದ ಭಾರತದ ಮೊಟ್ಟಮೊದಲ ಕಾಮಿಕ್ ಪುಸ್ತಕವಾಗಿದೆ.
ಪ್ರಿಯಾ ಜಗತ್ತಿನ ಎಲ್ಲಾ ಹುಡುಗಿಯರಿಗೆ ಸಾಮರ್ಥ್ಯ ಹಾಗೂ ಬದಲಾವಣೆಯ ಪ್ರೇರಕ ಶಕ್ತಿಯ ಸಂಕೇತವಾಗಿದ್ದಾಳೆ. ಎಲ್ಲಾ ದೇಶಗಳಲ್ಲಿ ಜನರ ಆರೋಗ್ಯ ಮತ್ತೆ ಸುರಕ್ಷೆತೆಗೆ ಆತಂಕ ತಂದೊಡ್ಡಿರುವ ಕೋವಿಡ್-19 ಸಾಂಕ್ರಾಮಿಕ ಹಾಗೂ ಅದರ ಸುತ್ತ ಹರಡಿರುವ ತಪ್ಪು ಮಾಹಿತಿ ಮತ್ತು ಭಯದ ವಿರುದ್ಧ ಹೋರಾಡುತ್ತಾಳೆ.
ಈ ಜನಪ್ರಿಯ ಕಾಮಿಕ್ ಸೀರಿಸ್ ಅನ್ನು ಅಮೆರಿಕ ಮೂಲದ ಮಾಧ್ಯಮ ಸಂಸ್ಥೆಯ ಸಂಸ್ಥಾಪಕರು, ಸಾಕ್ಷ್ಯಚಿತ್ರ ನಿರ್ದೇಶಕರು ಹಾಗೂ ತಂತ್ರಜ್ಞಾನ ಪರಿಣಿತರು ಆಗಿರುವ ರಾಮ್ ದೇವಿನೇನಿ ಅವರು ಸೃಷ್ಟಿಸಿದ್ದು, ನವದೆಹಲಿಯ ಅಮೆರಿಕ ದೂತಾವಾಸ ಕಚೇರಿಯ ಶುಭ್ರಾ ಪ್ರಕಾಶ್ ಅವರು ಉತ್ತರ ಭಾರತ ಕಚೇರಿಯ(North India Office) ಸಹಾಯದೊಂದಿಗೆ ಇದನ್ನು ಬರೆದಿದ್ದಾರೆ.
ಪ್ರಿಯಾ, ಯುವತಿಯಾದ ಮೀನಾಳೊಂದಿಗೆ ಸ್ನೇಹ ಬೆಳೆಸುತ್ತಾಳೆ, ಅವರ ತಾಯಿ ನರ್ಸ್ ಆಗಿದ್ದು, ತಾಯಿಯ ಕೆಲಸದ ಮಹತ್ವವನ್ನು ಗಮನಿಸುತ್ತಾಳೆ ಮತ್ತು ಸಮಾಜದ ಹೆಚ್ಚಿನ ಒಳಿತಿಗಾಗಿ ತಾಯಿ ತನ್ನ ಮಗಳೊಂದಿಗಿನ ಸಮಯವನ್ನು ಹೇಗೆ ತ್ಯಾಗ ಮಾಡುತ್ತಿದ್ದಾಳೆಂದು ತಿಳಿಯುತ್ತದೆ.
ಈ ವೀಡಿಯೋದಲ್ಲಿ ತಾಯಿ ಮನೆಗೆ ಹಿಂದಿರುಗಿದಾಗ ನೆರೆಹೊರೆಯವರಿಗೆ ಕಿಟಕಿಗಳ ಬಳಿಗೆ ಬರಲು ಆಯೋಜಿಸುತ್ತಾಳೆ, ಜೊತೆಗೆ ಎಲ್ಲರೂ ಚಪ್ಪಾಳೆ ತಟ್ಟುವ ಮೂಲಕ ಕೃತಜ್ಞತೆ ಸಲ್ಲಿಸುತ್ತಾರೆ.
ಕೋವಿಡ್-19 ಸಂಕಷ್ಟವನ್ನು ಎದುರಿಸುವ, ಧೈರ್ಯ ತುಂಬುವ ಈ ಕಾಮಿಕ್ ಪುಸ್ತಕದ ಜೊತೆಗೆ ಭಾರತ ಮತ್ತು ಅಮೆರಿಕದ ಸೆಲೆಬ್ರೆಟಿಗಳಾದ ರೊಸಾನ ಆರ್ಕೆಟ್, ವಿದ್ಯಾ ಬಾಲನ್, ಮೃಣಾಲ್ ಠಾಕುರ್ ಮತ್ತು ಸೈರಾ ಕಬೀರ್ ಅವರ ಧ್ವನಿಗಳನ್ನು ಹೊಂದಿದ ಅನಿಮೇಟೆಡ್ ಕಿರುಚಿತ್ರ ಕೂಡ ಹೊರಬರಲಿದೆ.
ಪ್ರಿಯಾಳ ಮಾಸ್ಕ್‌ ಚಿತ್ರಕಥೆಯು ಈಗ ತಮಿಳು, ಕನ್ನಡ ಮತ್ತು ಮಲಯಾಳಂ ಭಾಷಾ ಅವೃತ್ತಿಗಳನ್ನು ಉಚಿತವಾಗಿ https://www.priyashakti.com/priyas-mask ಇಲ್ಲಿಂದ ಡೌನ್‌ಲೋಡ್‌ ಮಾಡಿಕೊಳ್ಳಬಹುದು.
