ಬುಲೆಟ್ ಟ್ರೈನ್ ಯೋಜನೆಗೆ ಇಂದು ಮೋದಿ - ಅಬೆ ಅಡಿಗಲ್ಲು
Recommended Video
ನವದೆಹಲಿ, ಸೆಪ್ಟೆಂಬರ್ 13: ಬಹುನಿರೀಕ್ಷಿತ ಅಹಮದಾಬಾದ್ ಮತ್ತು ಮುಂಬೈ ನಡುವಿನ ಬುಲೆಟ್ ಟ್ರೈನ್ ಯೋಜನೆಗೆ ಪ್ರಧಾನಿ ನರೇಂದ್ರ ಮೋದಿ ಮತ್ತು ಜಪಾನ್ ಪ್ರಧಾನಿ ಶಿಂಜೊ ಅಬೆ ಇಂದು ಶಂಕುಸ್ಥಾಪನೆ ನೆರವೇರಿಸಲಿದ್ದಾರೆ. ಅಹಮದಾಬಾದ್ನಲ್ಲಿ ಈ ಕಾರ್ಯಕ್ರಮ ನಡೆಯಲಿದೆ.
ಶೆಲ್ ಕಂಪನಿಗಳೇ ಮೋದಿ ಸರ್ಕಾರದ ಮುಂದಿನ ಟಾರ್ಗೆಟ್
2014ರ ಚುನಾವಣೆ ವೇಳೆ ಪ್ರಧಾನಿ ನರೇಂದ್ರ ಮೋದಿ ಈ ಬುಲೆಟ್ ರೈಲು ಯೋಜನೆಯ ಭರವಸೆ ನೀಡಿದ್ದರು. ಇದೀಗ ತಾವು ನೀಡಿದ್ದ ಭರವಸೆ ಇಡೇರಿಸುವಲ್ಲಿ ಒಂದು ಹೆಜ್ಜೆ ಮುಂದಕ್ಕೆ ಸಾಗಲಿದ್ದಾರೆ.
ರೂಪಾಯಿ1.10 ಲಕ್ಷ ಕೋಟಿ ವೆಚ್ಚದ ಯೋಜನೆ ಇದಾಗಿದ್ದು, ಜಪಾನ್ ಸರಕಾರ ಈ ಯೋಜನೆಗೆ ಬಂಡವಾಳ ಹೂಡಲಿದೆ. ಈಗಾಗಲೇ ಯೋಜನೆಗೆ ಪೂರ್ವಭಾವಿಯಾಗಿ ಮಣ್ಣಿನ ಪರೀಕ್ಷೆ ಮುಗಿದಿದೆ. ಡಿಸೆಂಬರ್ 2023ರ ಒಳಗೆ ಯೋಜನೆ ಪೂರ್ಣಗೊಳಿಸುವ ಗುರಿ ಹೊಂದಲಾಗಿದೆ.
ಶಾಂಘೈ, ಬೀಜಿಂಗ್ ನಡುವೆ ಶೀಘ್ರವೇ ವಿಶ್ವದ ಅತಿ ವೇಗದ ರೈಲು ಸೇವೆ
750 ಪ್ರಯಾಣಿಕರು ಪ್ರಯಾಣಿಸಬಹುದಾದ ಸಾಮರ್ಥ್ಯದ ಬುಲೆಟ್ ರೈಲು ಇದಾಗಿರಲಿದೆ. ಈ ಬುಲೆಟ್ ರೈಲು ಚಾಲ್ತಿಗೆ ಬಂದರೆ ಅಹಮದಾಬಾದ್ ಮತ್ತು ಮುಂಬೈ ನಡುವಿನ ಹಾಲಿ ಪ್ರಯಾಣ ಅವಧಿ 8 ಗಂಟೆಯಿಂದ ಮೂರುವರೆ ಗಂಟೆಗೆ ಇಳಿಯಲಿದೆ.
ಇದೇ ಭಾನುವಾರ ಪ್ರಧಾನಿ ನರೇಂದ್ರ ಮೋದಿ ತಮ್ಮ 67ನೇ ಹುಟ್ಟುಹಬ್ಬ ಆಚರಿಸಿಕೊಳ್ಳಲಿದ್ದು, ಇದಕ್ಕೆ ಜಪಾನ್ ಪ್ರಧಾನಿಯೂ ಸಾಕ್ಷಿಯಾಗಲಿದ್ದಾರೆ.