ನವೆಂಬರ್ ನಲ್ಲಿ ಮತ್ತೊಮ್ಮೆ ಚೀನಾ ಅಧ್ಯಕ್ಷರ ಭೇಟಿ ಮಾಡಲಿದ್ದಾರೆ ಮೋದಿ
ನವದೆಹಲಿ, ಅಕ್ಟೋಬರ್ 15: ಪ್ರಧಾನಿ ನರೇಂದ್ರ ಮೋದಿ ಹಾಗೂ ಚೀನಾದ ಅಧ್ಯಕ್ಷ ಕ್ಸಿ ಜಿನ್ ಪಿಂಗ್ ಮುಂದಿನ ತಿಂಗಳು (ನವೆಂಬರ್) ಅರ್ಜೆಂಟಿನಾದಲ್ಲಿ ಭೇಟಿ ಆಗಲಿದ್ದಾರೆ ಎಂದು ಸೋಮವಾರ ಚೀನಾ ರಾಯಭಾರಿ ತಿಳಿಸಿದ್ದಾರೆ.
ಜಿ20 ಸಮಾವೇಶದ ಜತೆಗೆ ಈ ಭೇಟಿ ಕಾರ್ಯಕ್ರಮವು ನಿಗದಿಯಾಗಿದೆ ಎಂದು ಆಫ್ಘನ್ ರಾಜತಾಂತ್ರಿಕರಿಗಾಗಿ ಆಯೋಜಿಸಿದ್ದ ಇಂಡೋ-ಚೀನಾ ತರಬೇತಿ ಕಾರ್ಯಕ್ರಮದಲ್ಲಿ ಅವರು ನೀಡಿದ್ದಾರೆ.
ಭಾರತಕ್ಕೆ ಚೀನಾ ಸೆಡ್ಡು: ವಿಮಾನ ನಿಲ್ದಾಣ ವಾಯುನೆಲೆಯಾಗಿ ಪರಿವರ್ತನೆ
ಕಳೆದ ಜುಲೈನಲ್ಲಿ ಜೋಹಾನ್ಸ್ ಬರ್ಗ್ ನಲ್ಲಿ ಕ್ಸಿ ಜಿನ್ ಪಿಂಗ್ ಅವರನ್ನು ಮೋದಿ ಭೇಟಿ ಆಗಿದ್ದರು. ಭಾರತ ಹಾಗೂ ಚೀನಾ ಮಧ್ಯೆ ಸ್ನೇಹ ವೃದ್ಧಿ ಆಗಬೇಕು ಎಂಬ ಕಾರಣಕ್ಕೆ ಆ ಭೇಟಿ ಮಾಡಿದ್ದರು. ಬ್ರಿಕ್ಸ್ ಸಮ್ಮೇಳನದಲ್ಲಿ ಭಾಗವಹಿಸಿದ್ದ ಮೋದಿ ಅವರು, ಕಳೆದ ನಾಲ್ಕು ತಿಂಗಳಲ್ಲಿ ಮೂರನೇ ಸಲಕ್ಕೆ ಭೇಟಿ ಆಗಿದ್ದರು.
ನನ್ನ ಬಗ್ಗೆ ಭಾರತೀಯರು ಹೆಮ್ಮೆ ಪಡುತ್ತಾರೆ: ಇದು ಮೋದಿ ಮಾತು
ಏಪ್ರಿಲ್ ನಲ್ಲಿ ಚೀನಾದ ವುಹಾನ್ ನಗರದಲ್ಲಿ ನಡೆದ ಎರಡು ದಿನಗಳ ಸಮಾವೇಶದಲ್ಲಿ ಇಬ್ಬರು ನಾಯಕರು ಅನೌಪಚಾರಿಕವಾಗಿ ಭೇಟಿ ಆಗಿದ್ದರು. ಶಾಂಘೈ ಸಹಕಾರ ಸಂಸ್ಥೆ ಸಮಾವೇಶ ನಡೆದ ವೇಳೆ ಜೂನ್ ನಲ್ಲಿ ಕೂಡ ಮತ್ತೊಮ್ಮೆ ಭೇಟಿ ಆಗಿದ್ದರು.