ಕೊನೆಗೂ ಮೋದಿ-ಟ್ರುಡೋ ಭೇಟಿ: ಊಹಾಪೋಹಗಳಿಗೆ ತೆರೆ!

ನವದೆಹಲಿ, ಫೆಬ್ರವರಿ 23: ಒಂದು ವಾರಗಳ ಭಾರತ ಪ್ರವಾಸದಲ್ಲಿರುವ ಕೆನಡಾ ಪ್ರಧಾನಿ ಜಸ್ಟಿನ್ ಟ್ರುಡೋ ಅವರನ್ನು ಪ್ರಧಾನಿ ನರೇಂದ್ರ ಮೋದಿ ಇಂದು(ಫೆ.23) ದೆಹಲಿಯ ರಾಷ್ಟ್ರಪತಿ ಭವನದಲ್ಲಿ ಭೇಟಿಯಾದರು. ದೆಹಲಿಯ ಹೈದರಾಬಾದ್ ಹೌಸ್ ನಲ್ಲಿ ನಡೆಯುವ ಸಭೆಯಲ್ಲಿ ಉಭಯ ನಾಯಕರೂ ಮಾತುಕತೆ ನಡೆಸಲಿದ್ದಾರೆ.

ಕೆನಡಾದಲ್ಲಿ ಪ್ರತ್ಯೇಕ ಖಾಲಿಸ್ತಾನ್ ರಾಜ್ಯ ನಿರ್ಮಾಣಕ್ಕೆ ಭಾರತ ಬೆಂಬಲ ನೀಡುತ್ತಿರುವುದರಿಂದ ಪ್ರಧಾನಿ ಮೋದಿಯವರು, ಟ್ರುಡೋ ಅವರನ್ನು ಭೇಟಿ ಮಾಡಿಲ್ಲ ಎಂದು ಮಾಧ್ಯಮಗಳು ಗುಲ್ಲೆಬ್ಬಿಸಿದ್ದವು. ಆದರೆ ಭಾರತ ಭೇಟಿಯ ಆರನೇ ದಿನದಂದು ಮೋದಿಯವರು ಟ್ರುಡೋ ಅವರನ್ನು ಆಲಂಗಿಸಿ, ಉಭಯಕುಶಲೋಪರಿ ವಿಚಾರಿಸುತ್ತಿದ್ದ ದೃಶ್ಯ ಈ ಎಲ್ಲಾ ಊಹಾಪೋಹಗಳಿಗೆ ತೆರೆ ಎಳೆದಿದೆ.

Prime Minister Narendra Modi meets Canadian Prime Minister #JustinTrudeau at #Delhi's Hyderabad House, to hold delegation level talks later. pic.twitter.com/zoQTiZ8E2f

— ANI (@ANI) February 23, 2018

ಇದಕ್ಕೂ ಮುನ್ನ ಟ್ರುಡೋ ಮತ್ತವರ ಕುಟುಂಬವನ್ನು ಇಂದು ಭೇಟಿ ಮಾಡುತ್ತಿರುವ ಬಗ್ಗೆ ಟ್ವಿಟ್ಟರ್ ನಲ್ಲಿ ಬರೆದುಕೊಂದಿದ್ದ ಮೋದಿ, ಟ್ರುಡೋ ಅವರ ಮಕ್ಕಳನ್ನು ಭೇಟಿ ಮಾಡಲು ಉತ್ಸುಕನಾಗಿದ್ದೇನೆ ಎಂದಿದ್ದರು. 2015 ರಲ್ಲಿ ಕೆನಡಾ ಪ್ರವಾಸದಲ್ಲಿದ್ದ ಮೋದಿ ಟ್ರುಡೋ ಅವರ ಮಗಳ ಕಿವಿ ಹಿಂಡುತ್ತಿರುವ ಫೋಟೋವನ್ನೂ ಟ್ವಿಟ್ಟರ್ ಮೂಲಕ ನೆನಪಿಸಿದ್ದರು.

I hope PM @JustinTrudeau and his family had a very enjoyable stay so far. I particularly look forward to meeting his children Xavier, Ella-Grace, and Hadrien. Here is a picture from my 2015 Canada visit, when I'd met PM Trudeau and Ella-Grace. pic.twitter.com/Ox0M8EL46x

— Narendra Modi (@narendramodi) February 22, 2018

ಇದೀಗ ಇಬ್ಬರು ನಾಯಕರೂ ಭೇಟಿಯಾಗಿದ್ದು, ಉಭಯ ದೇಶಗಳ ದ್ವಿಪಕ್ಷೀಯ ಒಪ್ಪಂದಗಳ ಬಗ್ಗೆ ಮಾತುಕತೆ ನಡೆಸಲಿದ್ದಾರೆ.

English summary

Prime Minister Narendra Modi meets Canadian Prime Minister Justin Trudeau at Delhi's Hyderabad House, to hold delegation level talks later.