ತ್ವರಿತ ಆಮದು ಸುಂಕ ಇಳಿಕೆಗೆ ಪ್ಲಾಸ್ಟಿಕ್ ರಫ್ತು ಮಂಡಳಿ ಆಗ್ರಹ
ನವದೆಹಲಿ,ಫೆಬ್ರವರಿ 01: ಸುಮಾರು 400ಕ್ಕೂ ಅಧಿಕ ವಸ್ತುಗಳ ಮೇಲಿನ ಆಮದು ಸುಂಕ ವಿನಾಯಿತಿ ಬಗ್ಗೆ ಕೇಂದ್ರ ಸರ್ಕಾರ ಮಾಹಿತಿ ನೀಡಿದೆ.
ಕೂಡಲೇ ಈ ಆಮದು ಸುಂಕ ನೀತಿಯನ್ನು ಜಾರಿ ಮಾಡಬೇಕು ಎಂದು ಪ್ಲಾಸ್ಟಿಕ್ ರಫ್ತು ಮಂಡಳಿ ಆಗ್ರಹಿಸಿದೆ.
ಭಾರತೀಯರ ಆತ್ಮ ವಿಶ್ವಾಸವನ್ನು ಹೆಚ್ಚಿಸುವ ಬಜೆಟ್ ಇದಾಗಿದೆ: ಮೋದಿ
ಭಾರತದ ಸಧ್ಯದ ಅಭಿವೃದ್ಧಿಗೆ ಉತ್ಪಾದನಾ ವಲಯದ ಅಭಿವೃದ್ಧಿ ಅವಶ್ಯಕ ಎಂದು ಕೇಂದ್ರ ಸಚಿವರು ತಿಳಿಸಿದ್ದಾರೆ ಇದು ಅಕ್ಷರಶಃ ನಿಜ ಈ ನಿಟ್ಟಿನಲ್ಲಿ ಪ್ಲಾಸ್ಟಿಕ್ ಗೆ ಅಗತ್ಯವಿರುವ ಕಚ್ಚಾ ವಸ್ತುಗಳ ಮೇಲಿನ ಆಮದು ಸುಂಕವನ್ನು ಕಡಿತಗೊಳಿಸಬೇಕಿದೆ.
ಇದರಿಂದ ಭಾರತದಲ್ಲಿ ಇತರೆ ಪ್ಲಾಸ್ಟಿಕ್ ಉತ್ಪಾದನೆ ಮೇಲೆ ಧನಾತ್ಮಕ ಪರಿಣಾಮ ಬೀರಲಿದೆ ಎಂದು ಮಂಡಳಿ ಅಧ್ಯಕ್ಷ ಅರವಿಂದ್ ಗೋಯೆಂಕಾ ತಿಳಿಸಿದ್ದಾರೆ.
ಆದರೆ 2019-20 ಹಾಗೂ 20-21ರಲ್ಲಿ ಎಂಇಐಎಸ್ ಶಿಪ್ಮೆಂಟ್ಗೆ ಸಂಬಂಧಿಸಿ ಘೋಷಣೆಯಾಗಿದ್ದರೂ ಅನುದಾನ ಬಿಡುಗಡೆಯಾಗಿಲ್ಲ, ಈ ಬಗ್ಗೆ ಸರ್ಕಾರ ಸ್ಪಷ್ಟನೆ ನೀಡಬೇಕಿದೆ.
ಎಂಎಸ್ಎಂಇ ವಲಯಕ್ಕೆ ಇನ್ನಷ್ಟು ಪ್ರಮಾಣದಲ್ಲಿ ಸುಲಭವಾಗಿ ಸಾಲ ಸಿಗುವ ವ್ಯವಸ್ಥೆ ಮಾಡಬೇಕಿದೆ. ಹಾಗೆಯೇ ಈ ಬಜೆಟ್ನ ಇನ್ನೊಂದು ಧನಾತ್ಮಕ ಅಂಶವೆಂದರೆ ರಸ್ತೆ, ರೈಲ್ವೆ ಹಾಗೂ ಮೂಲಸೌಕರ್ಯಗಳ ಅಭಿವೃದ್ಧಿಗೆ ಒತ್ತು ನೀಡಲಾಗಿದೆ.