ಮಂಗಳನ ಅಂಗಳದ ಮತ್ತಷ್ಟು ಚಿತ್ರಗಳು

ಬೆಂಗಳೂರು, ಸೆ. 30 : ಮಂಗಳಯಾನ ಕೆಂಪು ಗ್ರಹದ ಮೇಲ್ಮೈನ ಸಂಪೂರ್ಣ ಚಿತ್ರಗಳನ್ನು ರವಾನಿಸಿದೆ. ಧೂಳು ಮಿಶ್ರಿತ ವಾತಾವರಣದಲ್ಲಿ ನಡೆಯುತ್ತಿರುವ ಬದಲಾವಣೆಗಳನ್ನು ಅರಿಯಲು ಚಿತ್ರ ನೆರವಾಗಲಿದೆ ಎಂದು ಇಸ್ರೋ ಹೇಳಿದೆ.

ಈ ಬಗ್ಗೆ ಇಸ್ರೋ ತನ್ನ ಫೇಸ್‌ ಬುಕ್‌ ಪೇಜ್‌ನಲ್ಲಿ ಬರೆದುಕೊಂಡಿದ್ದು ಮಂಗಳಯಾನ ಕಳಿಸಿದ ಚಿತ್ರವನ್ನು ಅಪ್‌ಲೋಡ್‌ ಮಾಡಿದೆ. ಮಂಗಳನ ಉತ್ತರ ಗೋಲಾರ್ಧದ ಚಿತ್ರ ಇದಾಗಿದ್ದು ಮಂಗಳನ ಮೇಲ್ಮೈನಿಂದ ಸುಮಾರು 74 ಸಾವಿರ ಕಿಲೊಮೀಟರ್‌ ಅಂತರದಿಂದ ತೆಗೆಯಲಾಗಿದೆ ಎಂದು ತಿಳಿಸಿದೆ.('ಮಾಮ್‌' ಕಳಿಸಿದ ಮಂಗಳನ ಅಂಗಳದ ಚಿತ್ರಗಳು)

ಇದಕ್ಕೂ ಮೊದಲೆ 'ಮಾಮ್' ಕೆಲವು ಚಿತ್ರಗಳನ್ನು ಕಳಿಸಿತ್ತು. ಸ್ವತಃ ಪ್ರಧಾನ ಮಂತ್ರಿಯೇ ಚಿತ್ರ ನೋಡಿ ಮೆಚ್ಚುಗೆ ಸೂಚಿಸಿದ್ದರು. ಪ್ರಥಮ ಯತ್ನದಲ್ಲಿಯೇ ಯಶಸ್ವಿಯಾಗಿ ಮಂಗಳನನ್ನು ತಲುಪಿದ 'ಮಾಮ್' ಅತಿ ಕಡಿಮೆ ವೆಚ್ಚದ ಉಪಗ್ರಹ ಎಂದು ದಾಖಲೆ ಬರೆದಿತ್ತು.

ಮುಂದಿನ ಆರು ತಿಂಗಳು ಕಾಲ 'ಮಾಮ್' ಮಂಗಳನ ಅಂಗಳದಲ್ಲಿ ಸಂಚಾರ ಮಾಡಲಿದ್ದು ಅನೇಕ ಸಂಶೋಧನೆಗಳಿಗೆ ನೆರವಾಗಲಿದೆ. ಮಂಗಳನ ಮೇಲ್ಮೈ, ಮೀಥೇನ್‌ ಮತ್ತು ಖನಿಜಗಳ ಲಭ್ಯತೆ ಬಗ್ಗೆ ಮಾಮ್ ಅಭ್ಯಾಸ ನಡೆಸಲಿದೆ.(ದಿನಪತ್ರಿಕೆಗಳ ಮುಖಪುಟದಲ್ಲಿ 'ಮಂಗಳಯಾನ')

ಕಳೆದ ನವೆಂಬರ್ 5 ರಂದು ಶ್ರೀಹರಿಕೋಟಾದದಿಂದ ಉಡಾವಣೆಗೊಂಡಿದ್ದ ಉಪಗ್ರಹ ಕಳೆದ ವಾರ ಯಶಸ್ವಿಯಾಗಿ ಮಂಗಳನ ಅಂಗಳ ತಲುಪಿತ್ತು.

#MarsColorCam captures regional dust storm over northern hemisphere of Mars.RT@MarsOrbiter: Something's brewing here! pic.twitter.com/I6vtZ9LPpI

— ISRO (@isro) September 29, 2014

English summary

India's Mars Orbiter sent its first complete picture of the Red Planet with regional dust storm activities, said ISRO. Its official Facebook page said,"Regional dust storm activities over northern hemisphere of Mars - captured by Mars Color Camera on-board Mars Orbiter Mission (MOM)."It further added that the images were taken from an altitude of 74,500 km from the surface of Mars.