ರೆಮ್ಡೆಸಿವಿರ್ ಚುಚ್ಚುಮದ್ದು ಬೆಲೆ ಇಳಿಕೆ ಮಾಡಿದ ಫಾರ್ಮಾ ಕಂಪನಿಗಳು
ನವದೆಹಲಿ, ಏಪ್ರಿಲ್ 17: ಕೊರೊನಾವೈರಸ್ ಸಾಂಕ್ರಾಮಿಕ ಪಿಡುಗಿನ ಎರಡನೇ ಅಲೆಯ ತೀವ್ರತೆ ಹೆಚ್ಚಾಗುತ್ತಿದ್ದಂತೆ ಆಸ್ಪತ್ರೆಗಳಲ್ಲಿ ಜೀವರಕ್ಷಕ ರೆಮ್ಡೆಸಿವಿರ್ ಔಷಧಿ ಲಭ್ಯತೆ, ಬೆಲೆ ಏರಿಕೆ ಬಗ್ಗೆ ಅಪಸ್ವರ ಎದ್ದಿತ್ತು. ಪ್ರಧಾನಿ ಮೋದಿ ಈ ಬಗ್ಗೆ ಚರ್ಚಿಸಿದ ಬಳಿಕ ಕೇಂದ್ರ ಆರೋಗ್ಯ ಇಲಾಖೆಯು ಬೆಲೆ ಇಳಿಕೆ ಮಾಡುವಂತೆ ಖಾಸಗಿ ಫಾರ್ಮಾ ಕಂಪನಿಗಳಿಗೆ ಸೂಚಿಸಲು ಮುಂದಾಗಿತ್ತು.
ಅದರಂತೆ ಇಂದು ಪ್ರಮುಖ ಏಳು ಫಾರ್ಮಾಸ್ಯೂಟಿಕಲ್ಸ್ ಕಂಪನಿಗಳು ಜೀವರಕ್ಷಕ ರೆಮ್ಡೆಸಿವಿರ್ ಚುಚ್ಚುಮದ್ದು ಗರಿಷ್ಠ ರೀಟೈಲ್ ಬೆಲೆ(ಎಂಆರ್ಪಿ) ಇಳಿಕೆ ಮಾಡುತ್ತಿರುವುದಾಗಿ ಪ್ರಕಟಿಸಿವೆ. 100mg/Vial ಪರಿಷ್ಕೃತ ದರ ಪಟ್ಟಿ ಹೀಗಿದೆ ಎಂದು ಕೇಂದ್ರ ಆರೋಗ್ಯ ಸಚಿವ ಡಾ. ಹರ್ಷ್ ವರ್ಧನ್ ಟ್ವೀಟ್ ಮಾಡಿದ್ದಾರೆ.
ಬೆಂಗಳೂರಿನಲ್ಲಿ ಭೀತಿ: ಕೊರೊನಾ ಹೆಚ್ಚು ರೆಮ್ಡೆಸಿವಿರ್ ಔಷಧಿ ಕಡಿಮೆ!
ರೆಮ್ಡೆಸಿವಿರ್ ಚುಚ್ಚುಮದ್ದು 100mg/Vial 2,800 ರು ನಿಂದ 5,400 ರು ತನಕ ಬೆಲೆ ನಿಗದಿಯಾಗಿತ್ತು. ಆದರೆ, ಈಗ 899 ರು ನಿಂದ 3,490 ರು ನಂತೆ ಸಿಗಲಿದ್ದು, ಖಾಸಗಿ ಔಷಧಿ ಉತ್ಪಾದನಾ ಸಂಸ್ಥೆಗಳು ಸ್ವಯಂಪ್ರೇರಿತರಾಗಿ ದರ ಇಳಿಕೆ ಮಾಡಿವೆ ಎಂದು ತಿಳಿದು ಬಂದಿದೆ.
To meet the increasing demand of #Remdesivir and to enhance its availability and affordability, the Govt has capped its price. @PMOIndia #Unite2FightCorona @MoHFW_INDIA pic.twitter.com/G1MoAjMvB2
— Dr Harsh Vardhan (@drharshvardhan) April 17, 2021
ರೆಮ್ಡೆಸಿವಿರ್ ಚುಚ್ಚುಮದ್ದು 100mg/Vial | |||
---|---|---|---|
ಸಂಸ್ಥೆ ಹೆಸರು | ಬ್ರ್ಯಾಂಡ್ ಹೆಸರು | ಹಿಂದಿನ ದರ | ಪರಿಷ್ಕೃತ ದರ |
ಕ್ಯಾಡಿಲಾ ಹೆಲ್ತ್ ಕೇರ್ ಲಿಮಿಟೆಡ್ | REMDAC | 2,800ರು | 899ರು |
ಸಿಂಜೆನ್ ಇಂಟರ್ ನ್ಯಾಷನಲ್(ಬಯೋಕಾನ್) | RemWin | 3,950 | 2,450 |
ಡಾ. ರೆಡ್ಡಿಸ್ ಲ್ಯಾಬರೋಟರಿಸ್ ಲಿ. | REDYX | 5,400 | 2,700 |
ಸಿಪ್ಲಾ ಲಿಮಿಟೆಡ್ | CIPREMI | 4,000 | 3,000 |
ಮೈಲಾನ್ ಫಾರ್ಮಾಸ್ಯೂಟಿಕಲ್ಸ್ ಲಿಮಿಟೆಡ್ | DESREM | 4,800 | 3,400 |
ಜ್ಯುಬಿಲೆಂಟ್ ಜನರಿಕ್ಸ್ ಲಿಮಿಟೆಡ್ | JUBI_R | 4,700 | 3,400 |
ಹೆಟೆರೋ ಹೆಲ್ತ್ ಕೇರ್ ಲಿಮಿಟೆಡ್ | COVIFOR | 5,400 | 3,490 |