ತ್ವರಿತ ಅಲರ್ಟ್ ಗಳಿಗಾಗಿ
For Daily Alerts
ಡಿಜಿಟಲ್ ಪೇಮೆಂಟ್: 8 ಲಕ್ಷ ಗ್ರಾಹಕರಿಗೆ 133 ಕೋಟಿ ರು. ಬಹುಮಾನ
ಅಪನಗದೀಕರಣದ ನಂತರ ನಗದು ರಹಿತ ವ್ಯವಹಾರಗಳನ್ನು ಉತ್ತೇಜನಗೊಳಿಸಲು ಕಳೆದ ವರ್ಷಾಂತ್ಯಕ್ಕೆ ಆರಂಭಿಸಲಾಗಿದ್ದ ಯೋಜನೆ.
ನವದೆಹಲಿ, ಫೆಬ್ರವರಿ 12: ಡಿಜಿಟಲ್ ಪೇಮೆಂಟ್ ಯೋಜನೆಯಡಿ ನಗದು ರಹಿತ ವ್ಯವಹಾರಕ್ಕೆ ಉತ್ತೇಜನ ನೀಡುವ ಸಲುವಾಗಿ ಕೇಂದ್ರ ಸರ್ಕಾರ ಆರಂಭಿಸಿದ್ದ 'ಲಕ್ಕಿ ಗ್ರಾಹಕ್ ಯೋಜನಾ' ಹಾಗೂ 'ಡಿಜಿ ಧನ್ ವ್ಯಾಪಾರ್ ಯೋಜನಾ'ದಡಿ ಈವರೆಗೆ ಸುಮಾರು 8 ಲಕ್ಷ ಅದೃಷ್ಟವಂತ ಗ್ರಾಹಕರಿಗೆ 133 ರು.ಗಳಷ್ಟು ಬಹುಮಾನ ವಿತರಿಸಲಾಗಿದೆ ಎಂದು ಕೇಂದ್ರ ನೀತಿ ಆಯೋಗ ತಿಳಿಸಿದೆ.
ಈ ಬಗ್ಗೆ ಟ್ವಿಟರ್ ನಲ್ಲಿ ಮಾಹಿತಿ ನೀಡಿರುವ ನೀತಿ ಆಯೋಗ, ಡಿಜಿ ಧನ್ ಮೇಳದ ಅಡಿಯಲ್ಲಿ ನೂರು ದಿನಗಳ ಕಾಲ ಲಕ್ಕಿ ಗ್ರಾಹಕರಿಗೆ ಬಹುಮಾನ ವಿತರಿಸುವ ಯೋಜನೆಯನ್ನು ಆರಂಭಿಸಿ 50 ದಿನಗಳಾಗಿವೆ. ಇಷ್ಟು ದಿನಗಳಲ್ಲಿ 8 ಲಕ್ಷ ಗ್ರಾಹಕರು ಆಯೋಗ ನೀಡುವ ಬಹುಮಾನಕ್ಕೆ ಭಾಜನರಾಗಿದ್ದಾರೆ ಎಂದು ತಿಳಿಸಿದೆ.
ಕಳೆದ ವರ್ಷ ಡಿಸೆಂಬರ್ 25ರಂದು 'ಲಕ್ಕೀ ಗ್ರಾಹಕ್ ಯೋಜನಾ' ಹಾಗೂ 'ಡಿಜಿ ಧನ್ ವ್ಯಾಪಾರ್ ಯೋಜನಾ' ಸ್ಕೀಂ ಗಳಿಗೆ ಚಾಲನೆ ನೀಡಲಾಗಿತ್ತು. ಇದೇ ವರ್ಷ ಏಪ್ರಿಲ್ 14ರಂದು ಈ ಸ್ಕೀಂಗಳು ಅಂತ್ಯಗೊಳ್ಳಲಿವೆ.
Comments
English summary
Over eight lakh people have been awarded Rs. 133 crore in total under Digi Dhan Yojna which was started by Central Government to encourage digital payments, said Niti Ayog.
Story first published: Sunday, February 12, 2017, 18:03 [IST]