ನಿವೃತ್ತ ನೌಕರರ ಜೀವನ ಮಟ್ಟ: ಭಾರತಕ್ಕೆ ಕಡೇ ಸ್ಥಾನ
ನಿವೃತ್ತರಿಗೆ ಭಾರತ ಉತ್ತಮ ದೇಶವಲ್ಲ. ಫ್ರೆಂಚ್ ದೇಶದ ಸಂಸ್ಥೆಯೊಂದು ನಡೆಸಿದ ಅಧ್ಯಯನದಲ್ಲಿ ಭಾರತಕ್ಕೆ ಕಡೆ ಸ್ಥಾನ. 43 ದೇಶಗಳಲ್ಲಿ ನಡೆಸಿದ ಅಧ್ಯಯನದಲ್ಲಿ ನಾರ್ವೆ ನಂಬರ್ ಒನ್ ಸ್ಥಾನದಲ್ಲಿ.
ನವದೆಹಲಿ, ಆಗಸ್ಟ್ 9: ಸೇವೆಯಿಂದ ನಿವೃತ್ತಿಗೊಳ್ಳುವ ನೌಕರರಿಗೆ (ಖಾಸಗಿ ಅಥವಾ ಸರ್ಕಾರಿ) ನಾನಾ ದೇಶಗಳಲ್ಲಿ ಸಿಗುವ ಸೌಲಭ್ಯಗಳು ಹಾಗೂ ಜೀವನ ಮಟ್ಟದ ಆಧಾರದಲ್ಲಿ ಅಧ್ಯಯನವೊಂದನ್ನು ನಡೆಸಲಾಗಿದ್ದು, ಇದರಲ್ಲಿ ಭಾರತ ಕಡೆಯ ಸ್ಥಾನ ಪಡೆದುಕೊಂಡಿದೆ.
ಫ್ರಾನ್ಸ್ ನ ಆರ್ಥಿಕ ನಿರ್ವಹಣಾ ಸಂಸ್ಥೆಯಾದ ನ್ಯಾಟಿಕ್ಸಿಸ್ ಗ್ಲೋಬಲ್ ಎಂಬ ಸಂಸ್ಥೆಯು ಸುಮಾರು 43 ರಾಷ್ಟ್ರಗಳಲ್ಲಿ ಈ ಸಮೀಕ್ಷೆಯನ್ನು ನಡೆಸಿ, ಅದರ ಫಲಿತಾಂಶದ ಆಧಾರದ ಮೇಲೆ ಪಟ್ಟಿಯನ್ನು ಬಿಡುಗಡೆಗೊಳಿಸಿದೆ.
ನಿವೃತ್ತರಿಗೆ ಸರ್ಕಾರದಿಂದ ಸಿಗುವ ಸೌಲಭ್ಯಗಳು, ಅವರ ಉಳಿತಾಯದ ಹಣವನ್ನು ಕಾಪಾಡುವಂಥ ಗುಣಮಟ್ಟದ ಆರ್ಥಿಕ ಸೇವೆಗಳು, ಉತ್ತಮ ವೈದ್ಯಕೀಯ ಸೌಲಭ್ಯ ಹಾಗೂ ಸ್ವಚ್ಛ, ಸುರಕ್ಷಿತವಾದ ಪರಿಸರ - ಈ ನಾಲ್ಕು ಮಾನದಂಡಗಳನ್ನು ಇಟ್ಟುಕೊಂಡು ಸಂಸ್ಥೆಯು ಸಮೀಕ್ಷೆ ನಡೆಸಿದೆ. ಬೇಸರದ ವಿಚಾರವೆಂದರೆ, ಈ ನಾಲ್ಕೂ ಮಾನದಂಡಗಳಲ್ಲಿ ಭಾರತ ಕಡೆಯ ಸ್ಥಾನ ಗಳಿಸಿದೆ.
ಅಂದಹಾಗೆ, ಈ ಪಟ್ಟಿಯಲ್ಲಿ ಸ್ವಿಜರ್ಲೆಂಡ್, ನಾರ್ವೆ ಹಾಗೂ ಐಸ್ ಲ್ಯಾಂಡ್ ದೇಶಗಳು ಕ್ರಮವಾಗಿ ಮೊದಲ ಮೂರು ಸ್ಥಾನಗಳಲ್ಲಿವೆ. ಈ ಪಟ್ಟಿಯ ಟಾಪ್ 10 ರಾಷ್ಟ್ರಗಳು ಹೀಗಿವೆ:
1. ನಾರ್ವೆ
2. ಸ್ವಿಜರ್ಲೆಂಡ್
3. ಐಸ್ ಲ್ಯಾಂಡ್
4. ಸ್ವೀಡನ್
5. ನ್ಯೂಜಿಲೆಂಡ್
6. ಆಸ್ಟ್ರೇಲಿಯಾ
7. ಜರ್ಮನಿ
8. ಡೆನ್ಮಾರ್ಕ್
9. ಹಾಲೆಂಡ್
10. ಲಕ್ಸೆಂಬರ್ಗ್