• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಭರವಸೆ ನೀಡಿದ್ದಕ್ಕಿಂತ ವೇಗವಾಗಿ ಪೂರ್ಣಗೊಂಡ ಗ್ರಾಮೀಣ ವಿದ್ಯುತ್ ಸಂಪರ್ಕ, ಇದು ಮೋದಿ ಹಾದಿ

|
      ದೀನ ದಯಾಳು ಉಪಾಧ್ಯಾಯ ಗ್ರಾಮ ಜ್ಯೋತಿ ಯೋಜನೆ ಪೂರ್ಣ | Oneindia Kannada

      ನವದೆಹಲಿ, ಅಕ್ಟೋಬರ್ 24: ಆಗಸ್ಟ್ 15ನೇ ತಾರೀಕು 2015ನೇ ಇಸವಿಯಲ್ಲಿ ಪ್ರಧಾನಿ ನರೇಂದ್ರ ಮೋದಿ ಭರವಸೆ ನೀಡಿದ್ದರು. ಇನ್ನು 1000 ದಿನದಲ್ಲಿ ದೇಶದ ಪ್ರತಿ ಹಳ್ಳಿಗೂ ವಿದ್ಯುತ್ ಸಂಪರ್ಕ ಕಲ್ಪಿಸುತ್ತೇವೆ ಎಂದಿದ್ದರು. ಏಪ್ರಿಲ್ 28ನೇ ತಾರೀಕು 2018ರಲ್ಲಿ ಮಣಿಪುರದ ಪುಟ್ಟ ಗ್ರಾಮ ಲೀಸಂಗ್ ಗೆ ವಿದ್ಯುತ್ ಸಂಪರ್ಕ ಕಲ್ಪಿಸುವ ಮೂಲಕ ಮೋದಿ ಸರಕಾರ ಗ್ರಾಮೀಣ ಭಾರತದಲ್ಲಿ ಶೇ 100ರಷ್ಟು ವಿದ್ಯುತ್ ಸಂಪರ್ಕ ಒದಗಿಸಿತು.

      ಇದಕ್ಕಾಗಿ ಕೇಳಿದ್ದು 1000 ದಿನಗಳು. ಆದರೆ ಗುರಿ ಈಡೇರಿದ್ದು 988 ದಿನಗಳಲ್ಲಿ. ಗ್ರಾಮೀಣ ವಿದ್ಯುದ್ದೀಕರಣ ಎಂಬುದು ಮೋದಿಯವರ ಬಹು ಪ್ರೀತಿಯ ಯೋಜನೆ. ಚುನಾವಣೆ ಭರವಸೆಗಳ ಪೈಕಿ ಅತಿ ಮುಖ್ಯವಾದದ್ದರಲ್ಲಿ ಇದು ಒಂದಾಗಿತ್ತು. 2014ರ ಚುನಾವಣೆಯ ಒಟ್ಟಾರೆ ಪ್ರಚಾರದಲ್ಲಿ ಅಭಿವೃದ್ಧಿ ಹಾಗೂ ಭ್ರಷ್ಟಾಚಾರಮುಕ್ತ ಆಡಳಿತ ನೀಡುವ ಮಾತು ನೀಡಿದ್ದರು.

      ಡಿಜಿಟಲೀಕರಣ: ಮೋದಿ ಸರ್ಕಾರದ ಬಹುದೊಡ್ಡ ಕೊಡುಗೆ

      ಈ ವರ್ಷದ ಏಪ್ರಿಲ್ 29ನೇ ತಾರೀಕು ನರೇಂದ್ರ ಮೋದಿ ಟ್ವೀಟ್ ಮಾಡಿದರು. "ಭಾರತದ ಅಭಿವೃದ್ಧಿಯ ಪಥದಲ್ಲಿ ಈ ದಿನವು ಐತಿಹಾಸಿಕ ದಿನವಾಗಿ ನೆನಪಿನಲ್ಲಿ ಉಳಿಯುತ್ತದೆ". "ನಿನ್ನೆಯಷ್ಟೇ ನಾವು ನೀಡಿದ ಮಾತನ್ನು ಪೂರ್ತಿ ಮಾಡಿದ್ದೇವೆ. ಇದರಿಂದಾಗಿ ಹಲವಾರು ಭಾರತೀಯರ ಜೀವನದಲ್ಲಿ ಮುಂದೆಂದಿಗೂ ಬದಲಾವಣೆ ಆಗುತ್ತದೆ! ನನಗೆ ಬಹಳ ಸಂತಸವಾಗಿದೆ. ಭಾರತದ ಪ್ರತಿ ಹಳ್ಳಿಗೂ ಈಗ ವಿದ್ಯುತ್ ಸಂಪರ್ಕ ಇದೆ" ಎಂದಿದ್ದರು.

      ಭಾರತ ಸ್ವತಂತ್ರಗೊಂಡಾಗ ಅಂದರೆ 1947ರಲ್ಲಿ 1500 ಹಳ್ಳಿಗಳ್ಳಿಗೆ ಮಾತ್ರ ವಿದ್ಯುತ್ ಸಂಪರ್ಕವಿತ್ತು. 1991ನೇ ಇಸವಿ ಹೊತ್ತಿಗೆ 481,124ಕ್ಕೆ ತಲುಪಿತು. ಇಂಧನ ಸಚಿವಾಲಯದ ವರದಿ ಪ್ರಕಾರ 597,464 ಗಣತಿಯಾದ ಹಳ್ಳಿಗಳ ಪೈಕಿ 597,464 ಹಳ್ಳಿಗಳಲ್ಲೂ (ಶೇ 100%) ಈಗ ವಿದ್ಯುತ್ ಸಂಪರ್ಕ ಇದೆ.

      ಇದರ ಅರ್ಥ ಎಲ್ಲ 100% ಮನೆಗಳಲ್ಲೂ ವಿದ್ಯುತ್ ಸಂಪರ್ಕ ಇದೆ ಅಂತಲ್ಲ. ಕೇಂದ್ರ ಇಂಧನ ಸಚಿವಾಲಯದ ವ್ಯಾಖ್ಯಾನದ ಪ್ರಕಾರ, ಹಳ್ಳಿಯೊಂದು ವಿದ್ಯುದ್ದೀಕರಣ ಆಗಿದೆ ಅಂದರೆ, 10%ನಷ್ಟು ಮನೆಗಳಿಗೆ ವಿದ್ಯುತ್ ಸಂಪರ್ಕ ಇರಬೇಕು. ಇನ್ನು ಸಾರ್ವಜನಿಕ ಸ್ಥಳಗಳಾದ ಶಾಲೆ, ಪಂಚಾಯಿತಿ ಕಚೇರಿ, ಆರೋಗ್ಯ ಕೇಂದ್ರ ಮತ್ತು ಸಮುದಾಯ ಕೇಂದ್ರಗಳಿಗೆ ವಿದ್ಯುತ್ ಸಂಪರ್ಕ ಕಲ್ಪಿಸಿರಬೇಕು.

      ಓಹ್, ಇಷ್ಟೇನಾ ಅಂದುಕೊಳ್ಳಬೇಡಿ. ಗ್ರಾಮೀಣ ಭಾಗದಲ್ಲಿ 100% ವಿದ್ಯುದ್ದೀಕರಣ ಅನ್ನೋದು ಅಷ್ಟು ಸುಲಭದ ಮಾತು ಖಂಡಿತಾ ಅಲ್ಲ. ಗ್ರಾಮೀಣ ಭಾಗದ ವಿದ್ಯುದ್ದೀಕರಣದ ಜತೆಗೆ ಭಾರತವನ್ನು ವಿದ್ಯುತ್ ಮಿಗಿತ ದೇಶವನ್ನಾಗಿ ಮಾಡುವುದು ಸಾಧನೆಯೇ ಸರಿ. ಬಿಜೆಪಿ ಆಡಳಿತಾವಧಿಯಲ್ಲಿ ದೇಶದಲ್ಲಿ ಬೆಳಕು ಹೊತ್ತಿಕೊಂಡಿದೆ. ಆ ಕಾರಣಕ್ಕೆ ಮೋದಿ ಸರಕಾರದಲ್ಲಿ ಇಂಧನ ಸಚಿವಾಲಯ ಅದ್ಭುತವಾಗಿ ಕಾರ್ಯ ನಿರ್ವಹಿಸಿದೆ ಅಂತ ಹೇಳುವುದರಲ್ಲಿ ತಪ್ಪೇನೂ ಇಲ್ಲ.

      ಬಿಜೆಪಿ ಸರಕಾರದ ಅವಧಿಯಲ್ಲಿ ಭಾರತದ ಇತಿಹಾಸದಲ್ಲೇ ಮೊದಲ ಬಾರಿಗೆ ವಿದ್ಯುತ್ ಮಿಗಿತದ ದೇಶವಾಗಿದೆ. ವಿವಿಧ ಸಚಿವಾಲಯದ ಮಧ್ಯೆ ಒಂದು ತಂತು ಬೆಸೆಯುವ ಮೂಲಕ ಆ ಸಾಧನೆ ಮಾಡಲು ಸಾಧ್ಯವಾಗಿದೆ. ಇಂಧನ, ಕಲ್ಲಿದ್ದಲು ಮತ್ತು ಹೊಸದಾದ ನವೀಕರಿಸಬಹುದಾದ ಶಕ್ತಿ ಮೂಲದ ಸಚಿವಾಲಯಗಳೆಲ್ಲ ಒಟ್ಟಾಗಿ ಕೆಲಸ ಮಾಡುವ ಮೂಲಕ ಈ ಸಾಧನೆ ಸಾಧ್ಯವಾಗಿದೆ.

      English summary
      Prime Minister Narendra Modi had promised on 15 August 2015 that every village in the country would be electrified within 1,000 days. When Leisang, a tiny village in Manipur, was electrified on April 28, 2018, the Modi government achieved 100% electrification of rural India and it was done in 988 days of making that promise.
      ತಾಜಾ ಸುದ್ದಿ ತಕ್ಷಣ ಪಡೆಯಿರಿ
      Enable
      x
      Notification Settings X
      Time Settings
      Done
      Clear Notification X
      Do you want to clear all the notifications from your inbox?
      Settings X
      We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more