'ನಮೋ ಟಿವಿ' ಹಿಂದಿ ಸುದ್ದಿ ವಾಹಿನಿ ಅಲ್ಲ: ಟಾಟಾ ಸ್ಕೈ ಸ್ಪಷ್ಟನೆ
ನವದೆಹಲಿ, ಏಪ್ರಿಲ್ 4: ತೀವ್ರ ವಿವಾದ ಸೃಷ್ಟಿಸಿರುವ 'ನಮೋ ಟಿವಿ' ಕುರಿತಂತೆ ಡಿಟಿಎಚ್ ಸೇವಾದಾರ ಸಂಸ್ಥೆ ಟಾಟಾ ಸ್ಕೈ ಸ್ಪಷ್ಟೀಕರಣ ನೀಡಿದೆ.
'ನಮೋ ಟಿವಿ' ಹಿಂದಿ ಸುದ್ದಿ ವಾಹಿನಿ ಅಲ್ಲ. ಅದು ಅಂತರ್ಜಾಲದ ಮೂಲಕ ನೀಡುವ ವಿಶೇಷ ಸೇವೆಯಾಗಿದ್ದು, ಅದಕ್ಕೆ ಸರ್ಕಾರದ ಪರವಾನಗಿಯ ಅಗತ್ಯವಿಲ್ಲ ಎಂದು ವಿವರಣೆ ನೀಡಿದೆ.
ನಮೋ ಟಿವಿ ವಿರುದ್ಧ ಆಯೋಗಕ್ಕೆ ದೂರಿತ್ತ ಎಎಪಿ, ಕಾಂಗ್ರೆಸ್
ಪ್ರಧಾನಿ ನರೇಂದ್ರ ಮೋದಿ ಅವರ ಭಾಷಣಗಳು ಮತ್ತು ಬಿಜೆಪಿ ಪರ ವಿಚಾರಗಳನ್ನು ಬಿಂಬಿಸಲೆಂದೇ ಇರುವ ಚಾನೆಲ್ ಅನ್ನು ಪ್ರಸಾರ ಮಾಡುತ್ತಿರುವ ಟಾಟಾ ಸ್ಕೈ, ಅದರ ಬಗ್ಗೆ ಮಾಡಿದ್ದ ಟ್ವೀಟ್ ತೀವ್ರ ಚರ್ಚೆಗೆ ಗ್ರಾಸವಾಗಿತ್ತು.
Channel no 512 is NAMO TV, it is a Hindi news service which provides the latest breaking news on national politics 'udra
— Tata Sky (@TataSky) 28 March 2019
'ನಮೋ ಟಿವಿ ಹಿಂದಿ ಸುದ್ದಿ ವಾಹನಿಯಾಗಿದ್ದು, ರಾಷ್ಟ್ರ ರಾಜಕಾರಣಕ್ಕೆ ಸಂಬಂಧಿಸಿದ ಇತ್ತೀಚಿನ ಬ್ರೇಕಿಂಗ್ ನ್ಯೂಸ್ಗಳನ್ನು ಒದಗಿಸುತ್ತದೆ' ಎಂದು ಟಾಟಾ ಸ್ಕೈ ಈ ಮೊದಲು ಟ್ವೀಟ್ ಮಾಡಿತ್ತು.
ನೀತಿ ಸಂಹಿತೆ ಉಲ್ಲಂಘಿಸಿದ ರಾಜಸ್ಥಾನ ರಾಜ್ಯಪಾಲ: ಇತಿಹಾಸದಲ್ಲೇ ಮೊದಲು
ಬಳಿಕ ಸ್ಪಷ್ಟೀಕರಣ ನೀಡಿರುವ ಟಾಟಾ ಸ್ಕೈ ಸಿಇಒ ಹರಿತ್ ನಾಗಪಾಲ್, 'ನಮೋ ಟಿವಿ ಹಿಂದಿ ಸುದ್ದಿ ವಾಹಿನಿಯಲ್ಲ. ಟಾಟಾ ಸ್ಕೈನಲ್ಲಿ ಮುಂಚೂಣಿಯಲ್ಲಿರುವ ಯಾರಾದರೂ ಅದನ್ನು ಸುದ್ದಿ ವಾಹಿನಿಯೆಂದು ಟ್ವೀಟ್ ಮಾಡಿದ್ದರೆ ಅದು ತಪ್ಪು. ನಮೋ ಟಿವಿ ಯಾವುದೇ ಪ್ರಕಾರಕ್ಕೆ ಸೇರಿಲ್ಲ. ಅದು ಬಿಜೆಪಿಯಿಂದ ಅಂತರ್ಜಾಲದ ಮೂಲಕ ಬರುತ್ತಿದೆ' ಎಂದು ತಿಳಿಸಿದ್ದಾರೆ.
ವಿಶೇಷ ಸೇವೆಗಳಿಗೆ ಯಾವುದೇ ಪರವಾನಗಿಯ ಅಗತ್ಯವಿರುವುದಿಲ್ಲ ಎಂದು ಅವರು ವಿವರಿಸಿದ್ದಾರೆ.
The day we were most looking forward to is here!
— Chowkidar Narendra Modi (@narendramodi) 31 March 2019
At 5 PM, lakhs of Chowkidars from different parts of India will interact in the historic #MainBhiChowkidar programme.
This is an interaction you must not miss.
Watch it live on the NaMoApp or NaMo TV. pic.twitter.com/XXKkLUuE7X
'ಮೋದಿ' ಭಾವಚಿತ್ರವಿರುವ ಸೀರೆ ಮಾರಾಟ:ಉಡುಪಿ ಜವಳಿ ಅಂಗಡಿ ಮೇಲೆ ಚುನಾವಣಾ ಆಯೋಗ ದಾಳಿ
ನಮೋ ಟಿವಿಯನ್ನು ಪ್ರಚಾರ ಮಾಡುವ ಸಲುವಾಗಿ ಬಿಜೆಪಿ ಬಳಸುತ್ತಿದೆ. ಇದು ನೀತಿ ಸಂಹಿತೆ ಉಲ್ಲಂಘನೆ ಎಂದು ವಿರೋಧಪಕ್ಷಗಳು ಆರೋಪಿಸಿದ್ದವು. ಹೀಗಾಗಿ ಈ ಬಗ್ಗೆ ವರದಿ ನೀಡುವಂತೆ ಮಾಹಿತಿ ಮತ್ತು ಪ್ರಸಾರ ಸಚಿವಾಲಯಕ್ಕೆ ಚುನಾವಣಾ ಆಯೋಗ ಕೇಳಿದೆ.