ದೇಶದ ಜನತೆಗೆ ವಿಡಿಯೋ ಬ್ಲಾಗಿಂಗ್ ಸ್ಪರ್ಧೆ ಕೊಟ್ಟ ಮೋದಿ

ನವದೆಹಲಿ, ಜೂನ್ 1: ಆಯುಷ್ ಇಲಾಖೆ, ಭಾರತೀಯ ಸಾಂಸ್ಕೃತಿಕ ಸಂಬಂಧಗಳ ಕೌನ್ಸಿಲ್ (ಐಸಿಸಿಆರ್) ಜಂಟಿಯಾಗಿ ಜೀವನ್ ಯೋಗ ಸ್ಪರ್ಧೆಯನ್ನು ಘೋಷಿಸಿವೆ. ನನ್ನ ಜೀವನ, ನನ್ನ ಯೋಗ ವಿಡಿಯೋ ಬ್ಲಾಗಿಂಗ್ ಸ್ಪರ್ಧೆಯನ್ನು ಪ್ರಧಾನಿ ಮೋದಿ ಅವರು ದೇಶದ ಜನತೆಗೆ ನೀಡಿದ್ದಾರೆ.

ಚಿತ್ತವೃತ್ತಿ ನಿರೋಧಃ ಎನ್ನುವ ಯೋಗದಿಂದ ಜೀವನಶೈಲಿ ಮೇಲೆ ಆಗಿರುವ ಪರಿಣಾಮ, ವೈಯಕ್ತಿಕ ಬದುಕಿನ ಬದಲಾವಣೆಗಳನ್ನು ಜನತೆ ದಾಖಲಿಸಬಹುದಾಗಿದೆ. ಜೂನ್ 21ರಂದು 6ನೇ ಅಂತಾರಾಷ್ಟ್ರೀಯ ಯೋಗ(ಐಡಿವೈ) ದಿನಾಚರಣೆಗೆ ಇಲಾಖೆ ಸಜ್ಜಾಗಿದ್ದು, ಇದರ ಭಾಗವಾಗಿ ಈ ಚಟುವಟಿಕೆಯನ್ನು ನೀಡಲಾಗುತ್ತಿದೆ.

ಈ ಸ್ಪರ್ಧೆಯ ಬಗ್ಗೆ ಆಯುಷ್ ಇಲಾಖೆ ತನ್ನ ಸಾಮಾಜಿಕ ಜಾಲ ತಾಣಗಳಲ್ಲಿ ಪ್ರಕಟಿಸಿದೆ. ಈ ಸ್ಪರ್ಧೆಯಲ್ಲಿ ಗೆದ್ದವರಿಗೆ 1 ಲಕ್ಷ ರು ಬಹುಮಾನ ಸಿಗಲಿದೆ.

#ContestAlert
As announced by @PMOIndia in #MannKiBaat applications are now open for #MyLifeMyYoga.

Apply now and stand a chance to win upto 1 lac.
To reach the terms and conditions follow this link - https://t.co/qS3tMmxSZL#MyLifeMyYoga #WorldYogaDay pic.twitter.com/LLWUeVeg63

— Ministry of AYUSH🇮🇳 #StayHome #StaySafe (@moayush) May 31, 2020

ಈ ವರ್ಷ ಯೋಗ ದಿನಾಚರಣೆ ತಮ್ಮಮ್ಮ ಮನೆಗಳಲ್ಲೇ ಆಚರಿಸಲು ಉತ್ತೇಜಿಸುವ ಸಾಧ್ಯತೆ ಹೆಚ್ಚಿದೆ. ಲಾಕ್ಡೌನ್, ಕೊರೊನಾವೈರಸ್ ಸೋಂಕು ಹರಡದಂತೆ ಮಾರ್ಗಸೂಚಿಗಳನ್ನು ಪಾಲಿಸುವುದು ಕಡ್ಡಾಯವಾಗಲಿದೆ.

ಯೋಗ ಪ್ರತಿಯೊಬ್ಬರ ಬದುಕಿನ ಜೀವನ ವಿಧಾನವಾಗಲಿ. ಯೋಗ ನಮ್ಮೆಲ್ಲರ ಆರೋಗ್ಯಕ್ಕೆ ಅಗತ್ಯ ಎಂಬುದನ್ನು ನಾವು ಬಲ್ಲೆವು. ಅದು ನಮ್ಮ ಸಂಸ್ಕೃತಿಯ ಭಾಗವಾಗಿದೆ. ಆದರೆ ಇದೀಗ ಅದನ್ನು ಮುಂದಿನ ಹಂತಕ್ಕೆ ಕೊಂಡೊಯ್ಯುವ ಜವಾಬ್ದಾರಿ ನಮ್ಮ ಮೇಲಿದೆ ಎಂದು ಪ್ರಧಾನಿ ನರೇಂದ್ರ ಮೋದಿ ಕರೆ ನೀಡಿದ್ದಾರೆ.

English summary

PM Modi Launches Video Blogging Contest for Citizens. The ‘My Life, My Yoga’ contest (also called ‘Jeevan Yoga) is a joint effort by the Ministry of AYUSH and the Indian Council for Cultural Relations (ICCR).