ಏರ್ ಇಂಡಿಯಾ ಸಿಬ್ಬಂದಿಗೆ ಕಡ್ಡಾಯ ಕೋವಿಡ್ - 19 ಪರೀಕ್ಷೆ
ನವದೆಹಲಿ, ಮೇ 31 : ದೆಹಲಿ-ಮಾಸ್ಕೋ ಏರ್ ಇಂಡಿಯಾ ವಿಮಾನದ ಪೈಲೆಟ್ಗೆ ಕೊರೊನಾ ವೈರಸ್ ಸೋಂಕು ಇರುವುದು ದೃಢಪಟ್ಟಿತ್ತು. ಇದರಿಂದಾಗಿ ಶನಿವಾರ ಭಾರತೀಯರನ್ನು ಕರೆತರಲು ಹೊರಟ್ಟಿದ್ದ ವಿಮಾನ ಮಾರ್ಗ ಮಧ್ಯಯೇ ವಾಪಸ್ ಆಗಿತ್ತು.
Recommended Video
ಏರ್ ಇಂಡಿಯಾ ಈಗ ವಿಮಾನದ ಎಲ್ಲಾ ಸಿಬ್ಬಂದಿಗಳಿಗೆ ಕೋವಿಡ್ - 19 ಪರೀಕ್ಷೆಯನ್ನು ಕಡ್ಡಾಯಗೊಳಿಸಿದೆ. ಕೋವಿಡ್ - 19 ಪರೀಕ್ಷೆಯ ನೆಗೆಟೀವ್ ವರದಿ ತೋರಿಸದ ಹೊರತು ಅವರಿಗೆ ವಿಮಾನ ಹತ್ತಲು ಅವಕಾಶ ನೀಡುವುದಿಲ್ಲ.
ಮಾಸ್ಕೋಗೆ ಹೊರಟಿದ್ದ ವಿಮಾನ ವಾಪಸ್; ತನಿಖೆಗೆ ಆದೇಶ
ಪ್ರಯಾಣಿಕರ ಸುರಕ್ಷತೆಯೇ ನಮ್ಮ ಆದ್ಯತೆಯಾಗಿದೆ. ಸಿಬ್ಬಂದಿಯಿಂದ ಪ್ರಯಾಣಿಕರಿಗೆ ಸೋಂಕು ಹಬ್ಬಬಾರದು. ಆದ್ದರಿಂದ, ಕೋವಿಡ್ - 19 ಪರೀಕ್ಷೆಯನ್ನು ಕಡ್ಡಾಯಗೊಳಿಸಲಾಗಿದೆ. ಪರೀಕ್ಷೆ ವರದಿ ನೋಡಿದ ಬಳಿಕವೇ ಅವರನ್ನು ಸೇವೆಗೆ ನಿಯೋಜನೆ ಮಾಡಲಾಗುತ್ತದೆ ಎಂದು ಸೂಚನೆ ನೀಡಲಾಗಿದೆ.
ವಂದೇ ಭಾರತ್ ಮಿಷನ್; ಬೆಂಗಳೂರಿಗೆ ಬಂತು 24 ವಿಮಾನ
ಐಸಿಎಂಆರ್ ಮಾನ್ಯತೆ ಪಡೆದ ಲ್ಯಾಬ್ನಿಂದ ಏರ್ ಇಂಡಿಯಾ ಸಿಬ್ಬಂದಿಗಳು ಕೋವಿಡ್ - 19 ಪರೀಕ್ಷೆಯನ್ನು ಮಾಡಿಸಿಕೊಳ್ಳಬೇಕು. ಪರೀಕ್ಷೆ ಪೈಲೆಟ್, ವಿಮಾನದ ಸಿಬ್ಬಂದಿಗಳು ಈ ನಿಯಮವನ್ನು ಕಡ್ಡಾಯವಾಗಿ ಪಾಲನೆ ಮಾಡಬೇಕು ಎಂದು ನಿರ್ದೇಶನ ನೀಡಲಾಗಿದೆ.
ನಾಲ್ಕು ಜನರ ಪ್ರಯಾಣಕ್ಕೆ ಏರ್ ಬಸ್ ಬುಕ್ ಮಾಡಿದ ಉದ್ಯಮಿ!
ಶನಿವಾರ ಏರ್ ಬಸ್ ಎ320 7.15ಕ್ಕೆ ದೆಹಲಿಯಿಂದ ಟೇಕಾಫ್ ಆಗಿತ್ತು. ಮಾಸ್ಕೋದಲ್ಲಿ ಸಿಲುಕಿರುವ ಭಾರತೀರನ್ನು ಕರೆತರಲು ವಂದೇ ಭಾರತ್ ಮಿಷನ್ ಅಡಿ ಈ ವಿಮಾನ ತೆರಳಿತ್ತು. ಆದರೆ, ಪೈಲೆಟ್ಗೆ ಕೋವಿಡ್ - 19 ಸೋಂಕು ಇರುವುದು ಖಚಿತವಾದ ತಕ್ಷಣ ವಿಮಾನವನ್ನು ವಾಪಸ್ ಕರೆಸಿಕೊಳ್ಳಲಾಗಿತ್ತು.
ದೆಹಲಿಯಿಂದ ಮಾಸ್ಕೋಗೆ ಹೊರಟಿದ್ದ ವಿಮಾನದಲ್ಲಿ ಯಾವುದೇ ಪ್ರಯಾಣಿಕರು ಇರಲಿಲ್ಲ. 12.30ಕ್ಕೆ ವಿಮಾನ ದೆಹಲಿಗೆ ವಾಪಸ್ ಆಗಿತ್ತು. ಬಳಿಕ ಬೇರೆ ವಿಮಾನವನ್ನು ಏರ್ ಇಂಡಿಯಾ ಮಾಸ್ಕೋಗೆ ಕಳಿಸಿತು.
ನಾಗರಿಕ ವಿಮಾನಯಾನ ಪ್ರಧಾನ ನಿರ್ದೇಶನಾಲಯ ಈ ಬಗ್ಗೆ ತನಿಖೆಗೆ ಆದೇಶ ನೀಡಿತ್ತು. ಪೈಲೆಟ್ನ ಕೋವಿಡ್ - 19 ಪರೀಕ್ಷೆ ವರದಿ ಬರುವ ಮೊದಲೇ ವಿದೇಶಕ್ಕೆ ತೆರಳಲು ನಿಯೋಜನೆ ಮಾಡಿದ್ದು ಏಕೆ ಎಂದು ಪ್ರಶ್ನೆ ಮಾಡಿತ್ತು.