ತಾಯಿಯ ಶವವನ್ನು ಬೈಕ್‌ನಲ್ಲಿ ಕಟ್ಟಿ ಸಾಗಿಸಿದ ಮಗ: ವೈರಲ್ ವಿಡಿಯೋ

ಟಿಕಾಮ್‌ಗಡ, ಜುಲೈ 11: ವಾಹನ ಸೌಲಭ್ಯ ನೀಡಲು ಆಸ್ಪತ್ರೆ ಸಿಬ್ಬಂದಿ ನಿರಾಕರಿಸಿದ ಕಾರಣಕ್ಕೆ ತಾಯಿಯ ಮೃತದೇಹವನ್ನು ಮಗ ತನ್ನ ಬೈಕ್‌ನಲ್ಲಿಯೇ ಕಟ್ಟಿಕೊಂಡು ಸಾಗಿಸಿದ ಹೃದಯವಿದ್ರಾವಕ ಘಟನೆ ಮಧ್ಯಪ್ರದೇಶದ ಟಿಕಾಮ್‌ಗಡ ಜಿಲ್ಲೆಯಲ್ಲಿ ನಡೆದಿದೆ.

ಮಸ್ತಾಪುರ ಗ್ರಾಮದ ಕುನ್ವಾರಿ ಭಾಯಿ ಎಂಬಾಕೆ ಭಾನುವಾರ ಹಾವು ಕಡಿತಕ್ಕೆ ಒಳಗಾಗಿದ್ದರು. ಸಮೀಪದ ಮೋಹನಗಡದಲ್ಲಿನ ಸಮುದಾಯ ಆರೋಗ್ಯ ಕೇಂದ್ರಕ್ಕೆ ದಾಖಲಿಸಲು ಪ್ರಯತ್ನಿಸಿದರೂ ಸಾಧ್ಯವಾಗಲಿಲ್ಲ.

ಅಲ್ಲಿಂದ 35 ಕಿ.ಮೀ. ದೂರದಲ್ಲಿರುವ ಟಿಕಾಮ್‌ಗಡ ಜಿಲ್ಲಾಕೇಂದ್ರಕ್ಕೆ ಶವವನ್ನು ಸಾಗಿಸಿ ಮರಣೋತ್ತರ ಪರೀಕ್ಷೆ ಮಾಡಿಸುವಂತೆ ಸ್ಥಳೀಯ ಪೊಲೀಸರು ಆಕೆಯ ಮಗ ರಾಜೇಶ್‌ಗೆ ಸೂಚಿಸಿದ್ದರು.

ಆದರೆ, ಮಾನವೀಯತೆ ಮರೆತ ಆಸ್ಪತ್ರೆ ಅಧಿಕಾರಿಗಳು ಆತನಿಗೆ ಮೃತದೇಹ ಸಾಗಿಸಲು ವಾಹನ ನೀಡಲು ನಿರಾಕರಿಸಿದರು.

#WATCH Tikamgarh: Man brought dead body of mother on a motorcycle for post mortem after being allegedly denied hearse van by district hospital in Mohangarh. Upper Collector has ordered an inquiry. (7.7.18) #MadhyaPradesh pic.twitter.com/zyrjasFTVe

— ANI (@ANI) 11 July 2018

ಇದರಿಂದ ಸಂಬಂಧಿ ನೆರವಿನಿಂದ ರಾಜೇಶ್ ತಾಯಿಯ ಮೃತದೇಹವನ್ನು ಬೈಕ್‌ಗೆ ಕಟ್ಟಿಕೊಂಡು ಜಿಲ್ಲಾಸ್ಪತ್ರೆಗೆ ಸಾಗಿಸಿದ್ದಾನೆ.

ಮರಣೋತ್ತರ ಪರೀಕ್ಷೆ ಬಳಿಕ ಶವವನ್ನು ಆತನ ಹಳ್ಳಿಗೆ ಸಾಗಿಸಲು ಜಿಲ್ಲಾಸ್ಪತ್ರೆ ವಾಹನ ಸೌಲಭ್ಯ ಒದಗಿಸಿತ್ತು.

ತಾಯಿಯನ್ನು ಉಳಿಸಿಕೊಳ್ಳಲು ಮೊದಲು ಆಸ್ಪತ್ರೆಗೆ ಕರೆದುತರುವ ಬದಲು ಆತ ದೇವಸ್ಥಾನಕ್ಕೆ ಸಾಗಿಸಿದ್ದ. ಬಳಿಕ ಆಸ್ಪತ್ರೆಗೆ ಕರೆದುತಂದಿದ್ದ ಎಂದು ಜಿಲ್ಲಾಧಿಕಾರಿ ಹೇಳಿದ್ದಾರೆ.

English summary

A man tied his mother's dead body on a motorcycle to take it for postmortem, after hospital administration denies a hearse.