• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಮೊದಲ ಮತದ ಪುಳಕ, ಸುಕ್ಕುಬಿದ್ದ ಮುಖದ ಹೊಳಪು, ಕೈಗೂಸಿನ ಜತೆ ತಾಯಿ!

By ಅನಿಲ್ ಆಚಾರ್
|

ಜಗತ್ತಿನ ಅತಿ ದೊಡ್ಡ ಪ್ರಜಾತಂತ್ರ ವ್ಯವಸ್ಥೆ ಇರುವ ಭಾರತದಲ್ಲಿ ಗುರುವಾರದಿಂದ ಸಾರ್ವತ್ರಿಕ ಚುನಾವಣೆಯ ಮತದಾನ ಶುರುವಾಗಿದೆ. ಇಂದು ನಡೆದಿರುವುದು ಮೊದಲ ಹಂತದ ಮತದಾನ. ಹೀಗೆ ಏಪ್ರಿಲ್ ಹನ್ನೊಂದರಿಂದ ಮೇ ಹತ್ತೊಂಬತ್ತರ ತನಕ ಏಳು ಹಂತಗಳಲ್ಲಿ ಮತದಾನ ನಡೆದು, ಮೇ ಇಪ್ಪತ್ಮೂರನೇ ತಾರೀಕು ಫಲಿತಾಂಶ ಪ್ರಕಟ ಆಗಲಿದೆ.

ಒಟ್ಟು ತೊಂಬತ್ತು ಕೋಟಿಯಷ್ಟು ಜನಕ್ಕೆ ಮತದಾನದ ಹಕ್ಕಿದೆ. ಈ ಸಂಖ್ಯೆಯನ್ನು ಲೆಕ್ಕಕ್ಕೆ ತೆಗೆದುಕೊಳ್ಳುವುದಾದರೆ, ಆರೆಂಟು ದೇಶಗಳು ಸೇರಿದರೂ ಇಷ್ಟು ಜನ ಸಂಖ್ಯೆ ಆಗಲಿಕ್ಕಿಲ್ಲ. ಭಾರತದ ಹೆಚ್ಚುಗಾರಿಕೆ ಇಲ್ಲಿನ ಪ್ರಜಾಪ್ರಭುತ್ವ ವ್ಯವಸ್ಥೆ ಅನ್ನೋದರಲ್ಲಿ ಎರಡು ಮಾತಿಲ್ಲ. ಅದರ ಜತೆಗೆ ಜಾತ್ಯತೀತ ಮನೋಭಾವ, ಸಹಿಷ್ಣುತೆ ಇಲ್ಲಿನ ಮಣ್ಣಿನ ಗುಣ.

ಲೋಕಸಭಾ ಚುನಾವಣೆ 2019 : ವಿಶೇಷ ಪುಟ | ಗ್ಯಾಲರಿ

ಈಗ ಸಂದರ್ಭ ಬಂದಿದೆ. ನಮ್ಮ ಹಕ್ಕನ್ನು- ಜವಾಬ್ದಾರಿಯನ್ನು ತಪ್ಪದೆ ನಿರ್ವಹಿಸಲೇ ಬೇಕು. ನಮ್ಮೆಲ್ಲರಿಗೆ ಸ್ಫೂರ್ತಿ ಆಗಬಹುದಾದ ಕೆಲ ಭಾವಚಿತ್ರಗಳು ನಿಮ್ಮೆದುರು ಇಲ್ಲಿವೆ. ದೇಶದ ವಿವಿಧ ಭಾಗದ ಮತದಾನದ ಚಿತ್ರಗಳಿವು. ನಮ್ಮ ಸರದಿ ಬಂದಾಗ ಈ ಚಿತ್ರಗಳೆಲ್ಲ ಕಣ್ಣೆದುರು ತಂದುಕೊಳ್ಳಬೇಕು. ಅರ್ಹರನ್ನು, ಯೋಗ್ಯರನ್ನು ಆರಿಸಬೇಕು. ಇದಕ್ಕೆ ನೀವೇನಂತೀರಿ?

ಚಂದ್ರಬಾಬು ನಾಯ್ಡು ಮತ್ತು ಕುಟುಂಬ

ಚಂದ್ರಬಾಬು ನಾಯ್ಡು ಮತ್ತು ಕುಟುಂಬ

ಆಂಧ್ರಪ್ರದೇಶದ ಮುಖ್ಯಮಂತ್ರಿ ಚಂದ್ರಬಾಬು ನಾಯ್ಡು, ಅವರ ಪತ್ನಿ, ಮಗ ಹಾಗೂ ಸೊಸೆ ಗುರುವಾರದಂದು ಆಂಧ್ರಪ್ರದೇಶದ ಅಮರಾವತಿಯಲ್ಲಿ ಮತ ಚಲಾಯಿಸಿದರು. ಆಂಧ್ರದಲ್ಲಿ ಲೋಕಸಭೆ ಹಾಗೂ ವಿಧಾನಸಭೆಗೆ ಒಟ್ಟಿಗೆ ಚುನಾವಣೆ ನಡೆಯುತ್ತಿದ್ದು, ಮತ ಹಾಕಿದ ಗುರುತನ್ನು ಇಡೀ ಕುಟುಂಬದವರು ಮಾಧ್ಯಮದವರ ಎದುರು ತೋರಿಸಿದರು.

ಲೋಕಸಭೆ ಚುನಾವಣೆ : ಈಶಾನ್ಯ ರಾಜ್ಯಗಳಲ್ಲಿ ದಾಖಲೆಯ ಮತದಾನ

ಮೊದಲ ಬಾರಿಗೆ ಮತ ಚಲಾಯಿಸಿದ ಹೆಮ್ಮೆ

ಮೊದಲ ಬಾರಿಗೆ ಮತ ಚಲಾಯಿಸಿದ ಹೆಮ್ಮೆ

ಜಮ್ಮುವಿನ ನಗ್ರೋಟಾದಲ್ಲಿ ಗುರುವಾರ ನಡೆದ ಲೋಕಸಭಾ ಚುನಾವಣೆಯ ಮತದಾನದ ವೇಳೆ ಇದೇ ಮೊದಲ ಬಾರಿಗೆ ಮತದಾನ ಮಾಡಿದವರು ತಮ್ಮ ಬೆರಳಿಗೆ ಹಾಕಿದ ಶಾಯಿಯನ್ನು ಹೆಮ್ಮೆಯಿಂದ ತೋರಿಸಿದರು.

ಮೋದಿ ಮತ್ತೆ ಅಧಿಕಾರಕ್ಕೆ ಬಂದರೆ ಅಂಗಡಿ ಮುಚ್ಚುವ ಭಯದಲ್ಲಿದೆ 'ಬೆರಕೆ ಕೂಟ'

ಕೈಗೂಸಿನ ಜತೆ ಬಂದು ಮತ ಚಲಾಯಿಸಿದ ಮಹಿಳೆ

ಕೈಗೂಸಿನ ಜತೆ ಬಂದು ಮತ ಚಲಾಯಿಸಿದ ಮಹಿಳೆ

ಅಸ್ಸಾಮಿನ ಶಿವಸಾಗರದ ಹೊರಭಾಗದಲ್ಲಿನ ಹಳ್ಳಿಯೊಂದರಲ್ಲಿ ಲೋಕಸಭಾ ಚುನಾವಣೆಯ ಮೊದಲ ಹಂತದಲ್ಲಿ ತನ್ನ ಹಕ್ಕನ್ನು ಚಲಾಯಿಸಿದ ಮಹಿಳೆ ಕೈಗೆ ಇಂಕ್ ಗುರುತು ಮಾಡುತ್ತಿರುವ ಅಧಿಕಾರಿ. ಕೈಗೂಸಿನೊಂದಿಗೆ ಬಂದು ತನ್ನ ಕರ್ತವ್ಯ ನಿಭಾಯಿಸುತ್ತಿರುವ ಈ ತಾಯಿಗೊಂದು ನಮಸ್ಕಾರ.

ಯಾರು ಕುಬೇರರು, ಯಾರು ಕುಚೇಲರು? ಆಸ್ತಿಪಾಸ್ತಿ ವಿವರ ಬೇಕೆ?

ಗಂಟೆಗಟ್ಟಲೆ ಭಾಷಣಕ್ಕಿಂತ ಇದೊಂದು ಫೋಟೋ ಸಾಕು

ಗಂಟೆಗಟ್ಟಲೆ ಭಾಷಣಕ್ಕಿಂತ ಇದೊಂದು ಫೋಟೋ ಸಾಕು

ಮೇಘಾಲಯದ ರಿ-ಭೋಯ್ ಜಿಲ್ಲೆಯಲ್ಲಿ ಮತದಾನದ ನಂತರ ಬೆರಳಿನ ಮೇಲಿನ ಶಾಯಿ ತೋರಿಸುತ್ತಿರುವ ಈ ಹಿರಿಯ ಜೀವನದ ಸಂತಸ ನೋಡಿ. ವಾಹ್, ಮತದಾನ ಮಾಡಲೇಬೇಕು, ಅದು ನಮ್ಮೆಲ್ಲರ ಕರ್ತವ್ಯ ಎಂಬ ಗಂಟೆಗಟ್ಟಲೆ ಭಾಷಣಕ್ಕಿಂತ ಈ ಒಂದು ಫೋಟೋ ಎಲ್ಲ ಹೇಳುವುದಿಲ್ಲವೆ?

ಮಗಳ ಜತೆಗೆ ಮಾಜಿ ಮುಖ್ಯಮಂತ್ರಿ

ಮಗಳ ಜತೆಗೆ ಮಾಜಿ ಮುಖ್ಯಮಂತ್ರಿ

ಉತ್ತರಾಖಂಡ್ ನ ಮಾಜಿ ಮುಖ್ಯಮಂತ್ರಿ ಹಾಗೂ ಬಿಜೆಪಿ ಮುಖಂಡ ರಮೇಶ್ ಪೋಖ್ರಿಯಾಲ್ ನಿಶಾಂಕ್ ಅವರು ತಮ್ಮ ಮಗಳು ಆರುಷಿ ಪೋಖ್ರಿಯಾಲ್ ಜತೆಗೆ ಬಂದು ಮತ ಚಲಾಯಿಸಿದ ನಂತರ ಮಾಧ್ಯಮಗಳ ಎದುರು ಫೋಟೋಗಾಗಿ ನಿಂತ ಭಂಗಿ ಇದು.

ಮತದಾನಕ್ಕಾಗಿ ಹೆಣ್ಣುಮಕ್ಕಳ ಸರತಿ ಸಾಲು

ಮತದಾನಕ್ಕಾಗಿ ಹೆಣ್ಣುಮಕ್ಕಳ ಸರತಿ ಸಾಲು

ಅರುಣಾಚಲಪ್ರದೇಶದ ಇಟಾನಗರ್ ನಲ್ಲಿ ಮತದಾನ ಕೇಂದ್ರದಲ್ಲಿ ಸಾಲುಗಟ್ಟಿ ನಿಂತಿದ್ದ ಮಹಿಳೆಯರು. ಮೊದಲ ಹಂತದ ಮತದಾನ ಗುರುವಾರದ ದೃಶ್ಯವಿದು.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Here is the various photos of first phase of voting for Lok Sabha Elections from different part of the country. Represent through PTI photos.

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more