ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ನಾಳೆ ಕೊನೆಯ ಹಂತದ ಮತದಾನ, ಮೋದಿ ಸೇರಿ ಹಲವು ಖ್ಯಾತನಾಮರು ಕಣದಲ್ಲಿ

|
Google Oneindia Kannada News

ನವದೆಹಲಿ, ಮೇ 18: ಸುದೀರ್ಘವಾಗಿ ನಡೆದಿರುವ ಲೋಕಸಭೆ ಚುನಾವಣೆ 2019 ಅಂತಿಮ ಹಂತಕ್ಕೆ ತಲುಪಿದ್ದು, ನಾಳೆ (ಮೇ 19) ರಂದು ಕೊನೆಯ ಹಂತನ ಮತದಾನ ನಡೆಯಲಿದೆ.

ಲೋಕಸಭಾ ಚುನಾವಣೆ 2019 | ವಿಶೇಷ ಪುಟ | ಗ್ಯಾಲರಿ

ಏಪ್ರಿಲ್ 11 ರಿಂದ ಪ್ರಾರಂಭವಾದ ಮತದಾನ ಪ್ರಕ್ರಿಯೆಯ ಏಳನೇಯ ಮತ್ತು ಕೊನೆಯ ಹಂತದ ಮತದಾನ ನಾಳೆ ಏಳು ರಾಜ್ಯ ಒಂದು ಕೇಂದ್ರಾಡಳಿತ ಪ್ರದೇಶದ 59 ಕ್ಷೇತ್ರಗಳಲ್ಲಿ ನಡೆಯಲಿದೆ. ಜೊತೆಗೆ ಆಂಧ್ರದ ಕೆಲವು ಕ್ಷೇತ್ರದಲ್ಲಿ ಮರುಮತದಾನವೂ ನಡೆಯಲಿದೆ.

ಪಂಜಾಬ್, ಉತ್ತರ ಪ್ರದೇಶ, ಬಿಹಾರ, ಮಧ್ಯ ಪ್ರದೇಶ, ಪಶ್ಚಿಮ ಬಂಗಾಳ, ಜಾರ್ಖಂಡ್, ಹಿಮಾಚಲ ಪ್ರದೇಶ ರಾಜ್ಯಗಳಲ್ಲಿ ಹಾಗೂ ಚಂಡೀಘಡ ಕೇಂದ್ರಾಡಳಿತ ಪ್ರದೇಶದಲ್ಲಿ ನಾಳೆ ಕೊನೆಯ ಹಂತದ ಮತದಾನ ನಡೆಯಲಿದೆ.

ಅಶೋಕ್ ಲಾವಾಸಾ ವಿವಾದ: ಚುನಾವಣಾ ಆಯೋಗದಿಂದ ಸ್ಪಷ್ಟನೆ ಅಶೋಕ್ ಲಾವಾಸಾ ವಿವಾದ: ಚುನಾವಣಾ ಆಯೋಗದಿಂದ ಸ್ಪಷ್ಟನೆ

ನಾಲ್ಕು ಜನ ಪ್ರಸ್ತುತ ಕೇಂದ್ರ ಮಂತ್ರಿಗಳು, ಹಾಗೂ ಪ್ರಧಾನ ಮಂತ್ರಿ ಸೇರಿದಂತೆ ಒಟ್ಟು 157 ಮಂದಿ ಅಭ್ಯರ್ಥಿಗಳ ಭವಿಷ್ಯ ನಾಳೆ ನಿರ್ಧಾರವಾಗಲಿದೆ. 1.52 ಕೋಟಿಗೂ ಹೆಚ್ಚು ಮತದಾರರು ನಾಳಿನ ಮತದಾನದಲ್ಲಿ ಮತಚಲಾವಣೆ ಮಾಡಲು ಅರ್ಹರಿದ್ದಾರೆ.

ಮೋದಿ ಕ್ಷೇತ್ರದಲ್ಲಿ ಮತದಾನ

ಮೋದಿ ಕ್ಷೇತ್ರದಲ್ಲಿ ಮತದಾನ

ಉತ್ತರ ಪ್ರದೇಶದಲ್ಲಿ 13 ಕ್ಷೇತ್ರಗಳಿಗೆ ನಾಳೆ ಮತದಾನ ನಡೆಯಲಿದ್ದು, ಅದರಲ್ಲಿ ಪ್ರಧಾನಿ ಮೋದಿ ಅವರು ಸ್ಪರ್ಧಿಸಿರುವ ವಾರಣಾಸಿ ಕ್ಷೇತ್ರವೂ ಒಂದಾಗಿದೆ. ಜೊತೆಗೆ ಯೋಗಿ ಆದಿತ್ಯನಾಥ ಅವರು ಸ್ಪರ್ಧಿಸುತ್ತಿದ್ದ ಗೋರಖ್‌ಪುರ ಕ್ಷೇತ್ರಕ್ಕೂ ನಾಳೆಯೇ ಮತದಾನ ನಡೆಯಲಿದೆ.

ಮೇ 23ರಂದು ಮಂಡ್ಯ ಜಿಲ್ಲೆಯಾದ್ಯಂತ ನಿಷೇಧಾಜ್ಞೆ ಜಾರಿ ಮೇ 23ರಂದು ಮಂಡ್ಯ ಜಿಲ್ಲೆಯಾದ್ಯಂತ ನಿಷೇಧಾಜ್ಞೆ ಜಾರಿ

ಪಂಜಾಬ್‌ನ ಏಳು ಕ್ಷೇತ್ರದಲ್ಲಿ ಮತದಾನ

ಪಂಜಾಬ್‌ನ ಏಳು ಕ್ಷೇತ್ರದಲ್ಲಿ ಮತದಾನ

ಪಂಜಾಬ್‌ ರಾಜ್ಯದಲ್ಲಿ ಏಳು ಲೋಕಸಭೆ ಕ್ಷೇತ್ರಗಳಿದ್ದು, ಎಲ್ಲಾ ಕ್ಷೇತ್ರಗಳಿಗೂ ಒಮ್ಮೆಲೆ ಚುನಾವಣೆ ನಡೆಯಲಿದೆ. ನಟ ಸನ್ನಿ ಡಿಯೋಲ್ ಗುರುದಾಸ್‌ಪುರ ಕ್ಷೇತ್ರದಿಂದ ಬಿಜೆಪಿ ಅಭ್ಯರ್ಥಿಯಾಗಿ ಸ್ಪರ್ಧಿಸಿದ್ದಾರೆ.

ಕಾದು ನೋಡಿ, ಪಶ್ಚಿಮ ಬಂಗಾಳದಲ್ಲಿ ಅಚ್ಚರಿಯ ಫಲಿತಾಂಶ: ಯೆಚೂರಿ ಕಾದು ನೋಡಿ, ಪಶ್ಚಿಮ ಬಂಗಾಳದಲ್ಲಿ ಅಚ್ಚರಿಯ ಫಲಿತಾಂಶ: ಯೆಚೂರಿ

ಪಶ್ಚಿಮ ಬಂಗಾಳದ ಒಂಬತ್ತು ಕ್ಷೇತ್ರಕ್ಕೆ ಮತದಾನ

ಪಶ್ಚಿಮ ಬಂಗಾಳದ ಒಂಬತ್ತು ಕ್ಷೇತ್ರಕ್ಕೆ ಮತದಾನ

ಪಶ್ಚಿಮ ಬಂಗಾಳದ ರಾಜ್ಯದ ಒಂಬತ್ತು ಕ್ಷೇತ್ರಗಳಿಗೆ ಮತದಾನ ನಡೆಯಲಿದ್ದು, ಇತ್ತೀಚೆಗಷ್ಟೆ ಉಂಟಾದ ಗಲಭೆ ಮತ್ತು ಚುನಾವಣಾ ಆಯೋಗ ತೆಗೆದುಕೊಂಡ ನಿರ್ಣಯದಿಂದ ಈ ಮತದಾನವು ಹೆಚ್ಚು ಗಮನ ಸೆಳೆದಿದೆ.

ದೆಹಲಿಯಲ್ಲಿ ನಾಯ್ಡು-ರಾಹುಲ್ ಭೇಟಿ: ಚುನಾವಣೋತ್ತರ ಸನ್ನಿವೇಶದ ಬಗ್ಗೆ ಚರ್ಚೆ ದೆಹಲಿಯಲ್ಲಿ ನಾಯ್ಡು-ರಾಹುಲ್ ಭೇಟಿ: ಚುನಾವಣೋತ್ತರ ಸನ್ನಿವೇಶದ ಬಗ್ಗೆ ಚರ್ಚೆ

ಪ್ರಧಾನಿ ಮತ್ತು ನಾಲ್ಕು ಸಚಿವರ ಭವಿಷ್ಯ ನಿರ್ಣಯ

ಪ್ರಧಾನಿ ಮತ್ತು ನಾಲ್ಕು ಸಚಿವರ ಭವಿಷ್ಯ ನಿರ್ಣಯ

ಮಧ್ಯ ಪ್ರದೇಶದ ಎಂಟು ಕ್ಷೇತ್ರಗಳಿಗೆ ನಾಳೆ ಮತದಾನ ನಡೆಯಲಿದೆ. ಬಿಹಾರದ ಎಂಟು ಕ್ಷೇತ್ರಗಳಿಗೆ, ಹಿಮಾಚಲ ಪ್ರದೇಶದ ನಾಲ್ಕು ಕ್ಷೇತ್ರದಲ್ಲಿ, ಜಾರ್ಖಂಡ್‌ನ ಮೂರು ಕ್ಷೇತ್ರಗಳಿಗೆ ಮತದಾನ ನಾಳೆ ನಡೆಯಲಿದೆ. ಕೇಂದ್ರಾಡಳಿತ ಪ್ರದೇಶವಾದ ಚಂಡೀಘಡದ ಒಂದು ಕ್ಷೇತ್ರಕ್ಕೆ ಮತದಾನ ನಡೆಯಲಿದೆ.

ಕೆಲವು ಕಡೆ ಬೇಗ ಮತದಾನ ಅಂತ್ಯ

ಕೆಲವು ಕಡೆ ಬೇಗ ಮತದಾನ ಅಂತ್ಯ

ಆಂಧ್ರ ಪ್ರದೇಶದ ಎಂಟು ಕ್ಷೇತ್ರಗಳು ಮತ್ತು ಇನ್ನೂ ಕೆಲವು ರಾಜ್ಯಗಳ ಕೆಲವು ಕ್ಷೇತ್ರಗಳಲ್ಲಿ ಮರುಮತದಾನವು ನಾಳೆ ನಡೆಯಲಿದೆ. ಮತದಾನವು ಬೆಳಿಗ್ಗೆ 7 ರಿಂದ ಸಂಜೆ 6ರ ವರೆಗೆ ನಡೆಯಲಿದೆ. ಜಾರ್ಖಂಡ್, ಬಿಹಾರ, ಉತ್ತರ ಪ್ರದೇಶ ರಾಜ್ಯದ ಕೆಲವು ಕ್ಷೇತ್ರಗಳಲ್ಲಿ ಮಾತ್ರ ಸಂಜೆ 4 ಕ್ಕೆ ಮತದಾನ ಅಂತ್ಯವಾಗಲಿದೆ.

ಸುದೀರ್ಘ ಮತದಾನ ಪ್ರಕ್ರಿಯೆ ನಾಳೆ ಅಂತ್ಯ

ಸುದೀರ್ಘ ಮತದಾನ ಪ್ರಕ್ರಿಯೆ ನಾಳೆ ಅಂತ್ಯ

ನಾಳೆಗೆ ಲೋಕಸಭೆ ಚುನಾವಣೆ 2019 ರ ಮತದಾನ ಪ್ರಕ್ರಿಯೆ ಅಂತ್ಯವಾಗಲಿದ್ದು, ಮೇ 23 ಕ್ಕೆ ಫಲಿತಾಂಶ ಹೊರಬೀಳಲಿದೆ. ಏಪ್ರಿಲ್ 11 ರಂದು ಲೋಕಸಭೆ ಚುನಾವಣೆ 2019 ರ ಮೊದಲ ಹಂತದ ಮತದಾನ ನಡೆದಿತ್ತು, ಮಾರ್ಚ್‌ 10 ರಂದು ಚುನಾವಣಾ ನೀತಿ ಸಂಹಿತೆ ಜಾರಿಯಾಗಿತ್ತು. ಬಹುದೀರ್ಘವಾದ ಚುನಾವಣಾ ಪ್ರಕ್ರಿಯೆ ಇದಾಗಿದೆ.

English summary
Last phase voting on Lok Sabha elections 2019 is going to held on May 19. 157 candidates political life will be decide tomorrow.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X