• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಚುನಾವಣೆ ವೇಳಾಪಟ್ಟಿ ಸಿದ್ಧ: ವಿವರ ತಿಳಿದುಕೊಳ್ಳಿ

By Srinath
|

ನವದೆಹಲಿ, ಫೆ.19- ವಿಶ್ವದ ಅತಿ ದೊಡ್ಡ ಪ್ರಜಾಪ್ರಭುತ್ವ ರಾಷ್ಟ್ರವಾದ ಭಾರತದಲ್ಲಿ ಮುಂದಿನ ಒಂದೆರಡು ತಿಂಗಳಲ್ಲಿ ಬಹುದೊಡ್ಡ ಚುನಾವಣೆ ಪ್ರಕ್ರಿಯೆ ನಡೆಯಲಿದೆ. ಈ ಸಂಬಂಧ ಲೋಕಸಭಾ ಚುನಾವಣೆಗಾಗಿ ಚುನಾವಣಾ ಆಯೋಗವು ವೇಳಾಪಟ್ಟಿಯೊಂದಿಗೆ ಸಿದ್ಧವಾಗಿದೆ. ವೇಳಾಪಟ್ಟಿಯ ವಿವರವೂ ಬಹಿರಂಗವಾಗಿದೆ. ಇದೇ ಅಂತಿಮ ಅಂತೇನೂ. ಆದರೆ ಅಗತ್ಯಬಿದ್ದರೆ ಅಲ್ಪಸ್ವಲ್ಪ ಬದಲಾವಣೆಯೊಂದಿಗೆ ಬಹುತೇಕ ಇದೇ ಆಖೈರಾಗುವ ಸಾಧ್ಯತೆಯಿದೆ.

ಇದು ಚುನಾವಣೆ ದೃಷ್ಟಿಯಿಂದಷ್ಟೇ ಮಹತ್ವದ್ದಲ್ಲ. ಜನಸಾಮಾನ್ಯರ ದೈನಂದಿನ ಬದುಕು, ಮುಖ್ಯವಾಗಿ ಪರೀಕ್ಷಾ ಸಮಯದಲ್ಲಿ ವಿದ್ಯಾರ್ಥಿಗಳ ವೇಳಾಪಟ್ಟಿಯ ಜತೆಗೂ ತಳುಕು ಹಾಕಿಕೊಳ್ಳುವುದರಿಂದ ಈ ವೇಳಾಪಟ್ಟಿಯನ್ನು ಆದ್ಯವಾಗಿ ಗಮನಿಸಿ.

Lok Sabha elections 2014 schedule almost ready- Election Commission

ಮಾರ್ಚ್ ಮೊದಲ ವಾರದಲ್ಲಿ ಲೋಕಸಭೆಗೆ ಚುನಾವಣೆ ಘೋಷಣೆಯಾಗುವ ಸಾಧ್ಯತೆಯಿದೆ. ಜತೆಗೆ, ಆಂಧ್ರಪ್ರದೇಶ, ಒಡಿಶಾ, ಸಿಕ್ಕಿಂ ರಾಜ್ಯಗಳ ವಿಧಾಸನಭೆಗಳಿಗೂ ಒಟ್ಟಿಗೇ ಚುನಾವಣೆ ನಡೆಯಲಿದೆ. ಏಪ್ರಿಲ್-ಮೇ ತಿಂಗಳಲ್ಲಿ 6 ಹಂತಗಳಲ್ಲಿ ಅಂದಾಜು ಒಂದು ತಿಂಗಳ ಕಾಲ 16ನೇ ಲೋಕಸಭೆಗೆ ಚುನಾವಣೆ ನಡೆಯುವ ಸಾಧ್ಯತೆಯಿದೆ.

ಮೇ 15ರ ವೇಳೆಗೆ ಎಲ್ಲ ಪ್ರಕ್ರಿಯೆಯೂ ಅಂತ್ಯಗೊಳ್ಳುವ ಅಂದಾಜಿದೆ. ಅದಾದ ನಂತರ ರಾಜಕೀಯ ಪಕ್ಷಗಳಿಗೆ ನೂತನ ಸರಕಾರ ರಚನೆಗೆ 15 ದಿನಗಳ ಗಡುವು ಲಭ್ಯವಿರುತ್ತದೆ. ಏಕೆಂದರೆ 16ನೇ ಲೋಕಸಭೆ ಅವಧಿ ಮುಕ್ತಾಯವಾಗುವುದು ಮೇ 31ಕ್ಕೆ.

ಚುನಾವಣೆಗೆ ಅಗತ್ಯ ಭದ್ರತೆಯನ್ನು ಕಲ್ಪಿಸುವ ಹೊಣೆ ಗೃಹ ಸಚಿವಾಲಯದ್ದಾಗಿದ್ದು, ಚುನಾವಣಾ ಆಯೋಗವು ವೇಳಾಪಟ್ಟಿ ಸಿದ್ಧಪಡಿಸಲು ಆ ಸಚಿವಾಲಯದ ಜತೆ ನಿಕಟವಾಗಿ ಕಾರ್ಯನಿರ್ವಹಿಸುತ್ತದೆ. ಈ ಮಾಹಿತಿಯನ್ನಾಧರಿಸಿ ಗೃಹ ಸಚಿವಾಲಯದ ಮೂಲಗಳು ಹೇಳುವಂತೆ ಮಾರ್ಚ್ ಮೊದಲ ವಾರದಲ್ಲಿ ಚುನಾವಣೆ ಘೋಷಣೆಯಾಗುವ ಲಕ್ಷಣಗಳಿವೆ.

ಆಯೋಗದ ಪ್ರಕಾರ ಪಸ್ತುತ 81.4 ಕೋಟಿ ಮಂದಿ ಮತದಾರರಿದ್ದಾರೆ. 2009ರ ಚುನಾವಣೆಗೆ ಹೋಲಿಸಿದಲ್ಲಿ 9.7 ಕೋಟಿ ಮಂದಿ ಹೊಸ ಮತದಾರರು ಸೇರ್ಪಡೆಯಾಗಿದ್ದಾರೆ.
ಛತ್ತೀಸ್ ಗಢ, ಜಾರ್ಖಂಡ್ ಮತ್ತು ಒಡಿಶಾ ಬುಡಕಟ್ಟು ಭಾಗಗಳಲ್ಲಿ ಕ್ರಿಶ್ಚಿಯನ್ನರು ಅಧಿಕ ಸಂಖ್ಯೆಯಲ್ಲಿರುವುದರಿಂದ ಈ ರಾಜ್ಯಗಳಲ್ಲಿ ಗುಡ್ ಫ್ರೈಡೆ (ಏ. 19) ಮತ್ತು ಈಸ್ಟರ್ (ಏ.20) ಮುಗಿದ ನಂತರ ಚುನಾವಣೆ ನಡೆಯುವ ಸಾಧ್ಯತೆಯಿದೆ.

ಚುನಾವಣೆ ಆಯೋಗವು ಇನ್ನೂ ಕೆಲವು ಹಬ್ಬಗಳನ್ನು ಗಣನೆಗೆ ತೆಗೆದುಕೊಂಡು ವೇಳಾಪಟ್ಟಿಯನ್ನು ಸಿದ್ಧಪಡಿಸಲಿದೆ. ಅಂದರೆ ಏ. 8ರಂದು ರಾಮನವಮಿ, ಏ. 13/14ರಂದು ಬೈಸಾಕಿ, ಬಿಹು, ಅಂಬೇಡ್ಕರ್ ಜಯಂತಿ (ಏ. 14) ದಿನಗಳನ್ನು ಆದ್ಯವಾಗಿ ಪರಿಗಣಿಸಿ ವೇಳಾಪಟ್ಟಿ ಸಿದ್ಧವಾಗಲಿದೆ.

lok-sabha-home

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Lok Sabha elections 2014 schedule almost ready- Election Commission. The Commission may announce general election schedule to 16th Lok Sabha and state assemblies of Andhra Pradesh, Odisha and Sikkim during the first week of March. As per indications available, polling may be conducted over six phases in April-May and approximately last a month.

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more