ಚಂದ್ರಯಾನ-2: ಯಶಸ್ವಿಯಾಗಿ ನಭಕ್ಕೆ ಹಾರಿದ ಬಾಹುಬಲಿ

ಶ್ರೀಹರಿಕೋಟಾ, ಜುಲೈ 22: ಇಸ್ರೋದ ಚಂದ್ರಯಾನ-2 ಯಶಸ್ವಿ ಉಡಾವಣೆಗೆ ಶ್ರೀಹರಿಕೋಟದಲ್ಲಿ ಸಾವಿರಾರು ಮಂದಿ ಸಾಕ್ಷಿಯಾದರು.ಬಾಹುಬಲಿ ಚಂದ್ರನೆಡೆಗೆ ಯಶಸ್ವಿಯಾಗಿ ಜಿಗಿದಿದೆ.

ನ್ನು 48 ದಿನಗಳಲ್ಲಿ ಚಂದ್ರನ ಮೇಲೆ ರಾಕೆಟ್ ಕಾಲಿಡಲಿದೆ. ಸೆಪ್ಸೆಂಬರ್ 6-7ರ ಸುಮಾರಿಗೆ ರಾಕೆಟ್ ಚಂದ್ರನ ದಕ್ಷಿಣ ಭಾಗವನ್ನು ಪ್ರವೇಶಿಸಲಿದೆ.

ಭಾರತದ ಮಹತ್ವಾಕಾಂಕ್ಷೆಯ 'ಚಂದ್ರಯಾನ-2' ಯೋಜನೆ ಇಂದು ಸಾಕಾರಗೊಳ್ಳುತ್ತಿದೆ. ಸೋಮವಾರಮಧ್ಯಾಹ್ನ 2.43ರ ವೇಳೆಗೆ ಚಂದ್ರಯಾನ-2ದ ಉಡಾವಣಯಾಗಿದೆ.

ಭೂಮಿ ಹಾಗೂ ಚಂದ್ರನ ನಡುವೆ 3,84,000 ಕಿ.ಮೀ ಅಂತರವಿದೆ. ಈ ಮಿಷನ್ ಆರಂಭವಾದಾಗಿನಿಂದ 48 ದಿನದ ಬಳಿಕ ವಿಕ್ರಮ್ ಚಂದ್ರನ ಮೇಲೆ ಲ್ಯಾಂಡ್ ಆಗಲಿದೆ. ರಾಕೆಟ್ ಇಂದು ಉಡಾವಣೆಯಾಗಲಿದೆ. ನಿಮಿಷಕ್ಕೆ 451.91 ಕಿ.ಮೀ ವೇಗದಲ್ಲಿ ಬಾಹುಬಲಿ ಸಂಚರಿಸುತ್ತಿದೆ.

ಚಂದ್ರಯಾನ 2 ಯಶಸ್ವಿಯಾಗಿ ಉಡಾವಣೆ ಮಾಡಿದ ಇಸ್ರೋ ತಂಡಕ್ಕೆ ಅಭಿನಂದನೆಗಳು@isro #Chandrayaan2 pic.twitter.com/oE2l3nxUZd

— Oneindia Kannada (@OneindiaKannada) July 22, 2019

ಚಂದ್ರಯಾನ-2 ಯೋಜನೆಯ ಉಡಾವಣೆ ಜುಲೈ 15ರಂದೇ ನಡೆಯಬೇಕಿತ್ತು. ಅಂದು ಮಧ್ಯರಾತ್ರಿ 2.51 ನಿಮಿಷಕ್ಕೆ ಸರಿಯಾಗಿ ಉಡಾವಣೆಗೊಳ್ಳಬೇಕಿತ್ತು.

ಆದರೆ, ಅದಕ್ಕೂ 56 ನಿಮಿಷ 24 ಸೆಕೆಂಡ್ ಮುನ್ನವಷ್ಟೇ ತಾಂತ್ರಿಕ ಕಾರಣಗಳಿಂದ ಚಂದ್ರಯಾನದ ಉಡಾವಣೆ ಮುಂದೂಡಲಾಗಿದೆ ಎಂದು ಇಸ್ರೋ ಘೋಷಿಸಿತ್ತು.

ಬಹುನಿರೀಕ್ಷಿತ ಚಂದ್ರಯಾನ ನೌಕೆ ಉಡಾವಣೆಗೆ ಹಿನ್ನಡೆಯಾದರೂ ಕಂಗೆಡದ ವಿಜ್ಞಾನಿಗಳ ತಂಡ ತಕ್ಷಣವೇ ಕಾರ್ಯಪ್ರವೃತ್ತಗೊಂಡು ಅದರಲ್ಲಿನ ತಾಂತ್ರಿಕ ಸಮಸ್ಯೆಗಳನ್ನು ನಿವಾರಿಸಿದ್ದಾರೆ. ಭಾನುವಾರ ಯೋಜನೆಯ ಯಶಸ್ವಿ ಪ್ರಯೋಗವನ್ನೂ ನಡೆಸಲಾಗಿದೆ. ಭಾನುವಾರ ಸಂಜೆ 6.43ರಿಂದ ಅದರ ಕೊನೆಯ 20 ಗಂಟೆಯ ಕ್ಷಣಗಣನೆ ಆರಂಭವಾಗಿತ್ತು.

ಚಂದ್ರಯಾನ-2 ಯಶಸ್ವಿಗೊಳಿಸಲು, ಇಸ್ರೋದ ಎಂಜಿನಿಯರ್‌ಗಳು, ವಿಜ್ಞಾನಿಗಳು ಕಳೆದ ಒಂದೂವರೆ ವರ್ಷದಿಂದ ಬಿಡುವಿಲ್ಲದೆ ನಿರಂತರವಾಗಿ ಕೆಲಸದಲ್ಲಿ ತೊಡಗಿಸಿಕೊಂಡಿದ್ದರು. ಅವರ ಕೆಲಸ ಶ್ಲಾಘನೀಯ ಎಂದು ಶಿವನ್ ಹೇಳಿದರು.

ಈ ಐತಿಹಾಸಿಕ ದಾಖಲೆಗೆ ಸಂತೋಷವಾಗುತ್ತಿದೆ. ಜಿಎಸ್‌ಎಲ್‌ವಿ ಮಾಕ್ ಯಶಸ್ವಿಯಾಗಿ ಉಡಾವಣೆಯಾಗಿದೆ. ಐತಿಹಾಸಿಕ ದಾಖಲೆಯ ಮೊದಲ ಘಟ್ಟ ಇದು. ತಾಂತ್ರಿಕ ದೋಷದಿಂದಾಗಿ ಉಡಾವಣೆಯನ್ನು ನಿಲ್ಲಿಸಲಾಗಿತ್ತು. ಅದೆಲ್ಲವನ್ನೂ ಹಿಮ್ಮೆಟ್ಟಿ ಯಶಸ್ವಿ ದಾಖಲೆಯತ್ತ ನಡೆದಿದ್ದೇವೆ , ಇಸ್ರೋ ಟೀಮ್‌ಗೆ ಅಭಿನಂದನೆ ಸಲ್ಲಿಸುತ್ತಿದ್ದೇನೆ ಇಸ್ರೋ ಅಧ್ಯಕ್ಷ ಕೆ ಶಿವನ್ ತಿಳಿಸಿದ್ದಾರೆ.

English summary

Chandrayaan- 2 Live Updates in Kannada: The countdown for the Chandrayaan-2 mission launch has began. The first attempt to launch the mission on July 15 was aborted due to some technical issues. ISRO decided to launch the mission on July 22 at 2.43 PM. Here is the Live Updates of launching.