ಕೇರಳ: ನಿಪಾಹ್ ವೈರಸ್ ಗೂ ಬಾವಲಿಗೂ ಸಂಬಂಧವಿಲ್ಲ?!
ಕೊಞಕೊಡೆ, ಮೇ 26: ಕೇರಳಲ್ಲಿ ಇದುವರೆಗೆ 12 ಜನರನ್ನು ಬಲಿತೆಗೆದುಕೊಂಡ ನಿಪಾಹ್ ವೈರಸ್ ಗೂ ಫ್ರೂಟ್ ಬ್ಯಾಟ್ ಗೂ ಸಂಬಂಧವಿಲ್ಲದಿರಬಹುದು ಎಂಬ ಅನುಮಾನವನ್ನು ಇಲ್ಲಿನ ವೈದ್ಯಕೀಯ ಪ್ರಯೋಗಾಲಯದ ವರದಿ ವ್ಯಕ್ತಪಡಿಸಿದೆ.
ಫ್ರೂಟ್ ಬ್ಯಾಟ್ ಅಥವಾ ಹಂದಿಗಳಿಂದ ಈ ಕಾಯಿಲೆ ಹರಡುತ್ತದೆಯೇ ಎಂಬ ಕುರಿತು ನಡೆಸಿದ ಅಧ್ಯಯನದಲ್ಲಿ ಸಾಧ್ಯತೆಗಳು 'ನೆಗೆಟಿವ್' ಎಂದು ಬಂದಿದೆ. ಕೇರಳದ ಕೊಞಕೊಡೆಯಲ್ಲಿ ನಿಪಾಹ್ ವೈರಸ್ ಸೋಂಕಿಗೆ ಒಂದೇ ಮನೆಯಲ್ಲಿ ನಾಲ್ವರು ಮೃತರಾಗಿದ್ದರು. ಈ ಮನೆಯ ಭಾವಿಯಲ್ಲಿದ್ದ ಬಾವಲಿಗಳನ್ನು ಅಧ್ಯಯನಕ್ಕೊಳಪಡಿಸಿದಾಗ ಇವುಗಳಿಂದ ನಿಪಾಹ್ ವೈರಸ್ ಹರಡಿಲ್ಲ ಎಂಬುದು ದೃಢವಾಗಿದೆ ಎಂದು ಈ ವರದಿ ತಿಳಿಸಿದೆ.
ಮಾರಣಾಂತಿಕ ನಿಪಾಹ್ ವೈರಸ್ ಹೇಗೆ ಹರಡುತ್ತೆ ? ಮುನ್ನೆಚ್ಚರಿಕೆ ಏನು?
ಒಂದು ಬಗೆಯ ಫ್ರುಟ್ ಬ್ಯಾಟ್ ಗಳಿಂದ ಬರುವ ಈ ರೋಗ ಮಲೇಶಿಯಾ ದೇಶದಲ್ಲಿ ಮೊದಲು ಕಂಡುಬಂದಿತ್ತು. ಮಲೇಶಿಯಾದ ನಿಪಾಹ್ ಎಂಬಲ್ಲಿ ಮೊದಲಬಾರಿಗೆ ಕಂಡುಬಂದಿದ್ದರಿಂದ ಆ ಊರಿನ ಹೆಸರನ್ನೇ ಈ ರೋಗಕ್ಕೂ ಇಡಲಾಗಿದೆ!
ಸಾಮಾನ್ಯ ಜ್ವರ, ತಲೆನೋವಿನಂತೆ ಆರಂಭವಾಗುವ ಲಕ್ಷಣ ಮಾರಣಾಂತಿಕವಾಗಿ ಬದಲಾಗಲಿದ್ದು, ಈ ವಿಚಿತ್ರ ಕಾಯಿಲೆಗೆ ಈಗಾಗಲೇ 12 ಜನ ಅಸುನೀಗಿದ್ದಾರೆ. ಈ ಕಾಯಿಲೆಗೆ ಇದುವರೆಗೆ ಯಾವುದೇ ಪರಿಣಾಮಕಾರೀ ಚಿಕಿತ್ಸೆಯಾಗಲೀ, ಲಸಿಕೆಯಾಗಲೀ ಲಭ್ಯವಿಲ್ಲ.