• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಕೇರಳ: ಯುವಕನ ಜೀವ ಬಲಿ ಪಡೆದುಕೊಂಡ 'ನೈತಿಕ ಪೊಲೀಸ್' ಗಿರಿ

By Sachhidananda Acharya
|

ಕೊಲ್ಲಂ, ಫೆಬ್ರವರಿ 24: ಪ್ರೇಮಿಗಳ ದಿನದಂದು ನಡೆದ ನೈತಿಕ ಪೊಲೀಸ್ ಗಿರಿ ಹಾಗೂ ಆ ನಂತರ ಸಾಮಾಜಿಕ ಜಾಲತಾಣಗಳಲ್ಲಿ ವಿಡಿಯೋ ಮೂಲಕ ನಡೆದ ಅವಮಾನಕ್ಕೆ ಬೇಸತ್ತು, ಕೇರಳದ ಪಾಲಕ್ಕಾಡ್ ಜಿಲ್ಲೆಯ ಅನೀಶ್ ಆತ್ಮಹತ್ಯೆಗೆ ಶರಣಾಗಿದ್ದಾನೆ.

ಕೂಲಿ ಕಾರ್ಮಿಕರೊಬ್ಬರ ಮಗನಾಗಿರುವ 23 ವರ್ಷದ ಅನೀಶ್ ತನ್ನ ಗೆಳೆತಿಯೊಂದಿಗೆ ಪ್ರೇಮಿಗಳ ದಿನ (ಫೆ.14) ಅಝೀಕಲ್ ಬೀಚಿಗೆ ಹೋಗಿದ್ದ. ಅಲ್ಲಿಗೆ ಬಂದ ತಂಡವೊಂದು ಜೋಡಿಯನ್ನು ತಳಿಸಿದ್ದೂ ಅಲ್ಲದೆ ವಿಡಿಯೋ ರೆಕಾರ್ಡ್ ಕೂಡಾ ಮಾಡಿತ್ತು. ವಿಡಿಯೋದಲ್ಲಿ ಜೋಡಿಗಳು ಹೊಡೆಯದಂತೆ ಬೇಡಿಕೊಳ್ಳುವುದೂ ರೆಕಾರ್ಡ್ ಆಗಿದೆ.[ಮಹಾದೇವಿಗೆ ಸಂಸದರಿಂದಲೂ ಹರಿದುಬಂದ ಸಹಾಯಹಸ್ತ]

ಈ ವಿಡಿಯೋವನ್ನು ದುರುಳರು ಸಾಮಾಜಿಕ ಜಾಲತಾಣಗಳಲ್ಲಿ ಶೇರ್ ಮಾಡಿ ಯುವಕ ಯುವತಿಯ ಮಾನಹರಣ ಮಾಡಿದ್ದರು. ಈ ಕುರಿತು ಅನೀಶ್ ತನಗೆ ಹೊಡೆದವರ ಮೇಲೆ ಕೇಸು ಕೂಡಾ ದಾಖಲಿಸಿದ್ದ. ಇದಾದ ನಂತರ ಐವರು ಆರೋಪಿಗಳನ್ನು ಪೊಲೀಸರು ಬಂಧಿಸಿದ್ದರು.[ಮಲಯಾಳಿ ನಟಿ ಮೇಲೆ ದೌರ್ಜನ್ಯ : ಆರೋಪಿ ನಂ.1 ಪಲ್ಸರ್ ಸುನಿ ಅರೆಸ್ಟ್]

ಆದರೆ ವಿಡಿಯೋದಿಂದ ಮರ್ಯಾದೆಗೆ ಅಂಜಿ ಯುವಕ ಮನೆಯಿಂದ ಹೊರ ಬಂದಿರಲಿಲ್ಲ ಎನ್ನಲಾಗಿದೆ. ಕೊನೆಗೆ ಅವಮಾನದಿಂದ ಬೇಸತ್ತ ಯುವಕ ಕೊಲ್ಲಂನ ತನ್ನ ಮನೆಯ ಹೊರಗೆ ಆತ್ಮಹತ್ಯೆಗೆ ಶರಣಾಗಿದ್ದಾನೆ.

ಹೊರಗಡೆ ಕೆಲಸಕ್ಕೆ ಹೋಗಿದ್ದ ಅನೀಶ್ ತಾಯಿ ಮನೆಗೆ ಮರಳಿದಾಗ ಪಾಲಕ್ಕಾಡ್ ಜಿಲ್ಲೆಯ ಅನಘಟ್ಟದಲ್ಲಿರುವ ತಮ್ಮ ಮನೆ ಪಕ್ಕ ಅನೀಶ್ ನೇಣು ಬಿಗಿದುಕೊಂಡ ಸ್ಥಿತಿಯಲ್ಲಿ ಪತ್ತೆಯಾಗಿದ್ದ.

ಅನೀಶ್ ಸಾಯುವ ಮೊದಲು ಸುಸೈಡ್ ನೋಟ್ ಬರೆದಿಟ್ಟಿದ್ದು ಪ್ರೇಮಿಗಳ ದಿನ ನಡೆದ ಘಟನೆಯಿಂದ ಬೇಸತ್ತು ಈ ನಿರ್ಧಾರಕ್ಕೆ ಬಂದಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಘಟನೆಯನ್ನು ಕೇರಳ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಖಂಡಿಸಿದ್ದು ರಾಜ್ಯದಲ್ಲಿ ಬೇರೆ ಯಾವುದಾದರೂ ಈ ರೀತಿಯ ಘಟನೆಗಳೂ ನಡೆದಿದೆಯಾ ಎಂದು ತನಿಖೆ ನಡೆಸುವಂತೆ ರಾಜ್ಯ ಪೊಲೀಸ್ ಇಲಾಖೆಗೆ ಸೂಚನೆ ನೀಡಿದ್ದಾರೆ. ಘಟನೆಗೆ ಪೊಲೀಸ್ ಇಲಾಖೆಯೇ ಬೇಜಾವಬ್ದಾರಿ ವರ್ತನೆಯೇ ಕಾರಣ ಎಂಬ ಆರೋಪಗಳೂ ಕೇಳಿ ಬಂದಿವೆ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Days after being shamed in a video by moral police on Valentine's Day, a 23-year-old man was found hanging outside his home in Kerala's Palakkad district on Thursday.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more